Yɔn 6:27 - Ȧŋlemrȧnɛ Ȧfu

²⁷ Te thɔrɔ ta adarədi ara mə dinɛ, kɛrɛ thɔrɔ ta ȧdarədi ara mə tiyȧ haŋ ka aŋesəm thəbana, ara ɔWan ka wuni ɔ tə sɔŋ nu: kotȧy-e kɔnɔ Kuru ɔKas ɔ po mathlɛ.

Yɔn 6:27 ပူးပေါင်းရင်းမြစ်များ

Mathiu 17:5

Ma ɔ yi ka kǝfɔf-e, kǝrǝnt kǝfera kǝgbɛntha kǝ derǝr ŋa; ɔwa rim rǝ wur ka karǝnt, rǝ pa, ƆWan kȧmi ubɔthǝr kɔnɔ ɔwe, ta ɔwe pǝ thesanɛ mi finɔ. Tǝla kɔ nu.

Mathiu 25:46

Ɔwa aŋe aŋ tǝ kɔ ka athalǝr ŋa thǝbana, kɛrɛ aŋlompi aŋ tǝ kɔ ka aŋesǝm thǝbana.

Mathiu 3:17

ka rim rǝ wur ka Kuru, rǝ pa, Ɔwe-e, kɔnɔ yi ɔWan kȧmi ubɔthǝr, ka ɔwe i ba mǝbɔnɛ.

Mathiu 6:19

Te nu thoŋklanɛ tɛŋ ka ȧdȧru ro amɔrka yi magbak mȧ mǝ sɔm ti, dɛ yi akey mǝ aŋ bɛs tǝ kǝkeya.

Mathiu 8:20

Ka Yisɔsȧŋ ɔ pa ro rɔŋɔŋ hɔ, Ɛgbogboro aŋ ba tǝyaŋka-e, ɛbȧmp ya aŋfena aŋ ba ɛseth. Kɛrɛ ɔWan ka wuni ɔ ba hɛ dɛr ro mǝ ɔ bot rȧbomp rɔŋ.

Mark 1:11

Ka rim rə wur ka ȧkȧriyana, rə pa, Munɔ yi ɔWan kȧmi ubɔthər, ɔwe po thesis ȧŋmerȧ a mi.

Mark 9:7

Ka kərənt kəfera kə thorər ŋa, ka rim rə wur ka karənt kəferȧ-e, rə pa, Ɔwan kȧmi ubɔthər, kɔnɔ ɔwe; təlȧ kɔ nu.

Luk 3:22

ka ɔYina məsəm ɔ thor ɔ ba adɛr mɔ kəpərəm, kɔ rensa kɔ, ɔwa rim rə wur ka ȧkuru ara pa, Munɔ yi ɔWan kȧmi ubɔthər; mə thesis ȧŋmerȧ a mi finɔ.

Luk 9:35

Ka rim rə wur ka karənt, rə pa, ƆWan kȧmi kɔnɔ ɔwe, ɔthith kȧmi. Təla kɔ nu.

Yɔn 10:28

ka i sɔŋ ŋa aŋesəm thəbana; ɔwa aŋ ba hɛ kədinɛ thȧnkȧŋ, ɔwa wuni o wuni ɔ gbəli hɛ kathi ŋa ka kȧta kȧmi.

Yɔn 11:42

Ɔwa i tȧrȧ mə təlȧ mi lɔkɔ o lɔkɔ: kɛrɛ salata aŋfəm aŋa təmȧ təmȧ nɔ i pa ti, kȧmȧ aŋ lanɛ kəpa munɔ som mi.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 15:24

Bepi i tha yɔ hɛ kətɔŋ ka ŋaŋ mȧyɔs ama wuni lɔm ɔ te la yɔ-e, aŋ ba hɛ naŋ ahakɛ: kɛrɛ ka-ake aŋ po nənk ɔwa aŋ po gbɛŋa minɛŋ yi ɔKas kȧmi.

Yɔn 17:2

mɔ mȧ mə sɔŋ kɔ afɔsɔ ka afəm bɛ, kȧmȧ ɔ sɔŋ aŋesəm thəbana ka ŋaŋ aŋa mə sɔŋ kɔ.

Yɔn 3:15

kȧmȧ wuni o wuni ɔwe mə lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

Yɔn 3:33

Ɔwe mə wop maseri mɔŋ ɔ tɔri kəpa Kurɔŋ ɔ yi təteŋ.

Yɔn 6:40

kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.

Yɔn 6:47

I kanɛ nu tɛntɛnɛ, Ɔwe lanɛ mi ɔ ba aŋesəm thəbana.

Yɔn 6:51

Minɛ yi kabo kəkəli ȧke wur ro riyana; bepi wuni o wuni ɔ di kabo ake, ɔ tə kəli thəbana: ɔwa kabo ȧke mə i sɔŋ kə yi aŋdɛr a mi, ta aŋesəm ŋa ȧdȧru.

Yɔn 6:53

Ka Yisɔsȧŋ ɔ pa ro ŋaŋ, I kanɛ nu tɛntɛnɛ, Thambe nə di aŋdɛr ŋa ɔWan ka wuni, ɔwa nə mun mȧtir mɔŋ-e, nə ba hɛ aŋesəm rokor ka nu.

Yɔn 6:54

Kɔnɔ ɔwe mə di aŋdɛr a mi, ɔwa ɔ mun mȧtir ma mi, ɔ ba aŋesəm thəbana, ɔwa i ti yokas kɔ ka ȧŋrey aləpsɔ.

Yɔn 6:58

Kabo ȧke wur ro riyana ki ake: kə yi hɛ mɔ ȧke aŋkas a nu aŋ di, ɔwa aŋ fi: ɔwe mə di kabo ake ɔ tə ŋesəm thəbana.

Yɔn 6:62

To mə pə yi bepi nə nənk ɔWan ka wuni ɔ ŋat ka ɔdɛr ro ɔ la yi thəpaŋ-e?

Yɔn 6:68

Saymɔn Pita ɔ wosa, ɔ pa, Pa ka kanɛ mə sə kɔ-e? Munɔ mə ba ȧsim ta aŋesəm thəbana.

Yɔn 8:18

Minɛŋ ɔwe gbakiɛnɛ, ɔwa ɔKas ɔwe som mi ɔ gbaki ta ȧtȧ mi.

Mȧyɔs ma aŋsom 10:38

Rə tɔri kəpa Kurɔŋ ɔ reŋ Yisɔsȧŋ ɔwe ro Nasarɛth ɔYina məsəm yi afɔsɔ; ɔ kɔth kɔth dɛr o dɛr kəyɔ ɔfinɔ, ɔ yenkəs aŋfəm bɛ aŋa Sethani mɔ sɔmpa, kotȧy-e Kurɔŋ ɔ yi yi kɔn.

Mȧyɔs ma aŋsom 2:22

Naŋ aŋfəm ŋa ro Isrɛl, təl nu ȧsim ȧte. Yisɔs ɔwe ro Nasarɛth, wuni ɔwe Kuru ɔ po lomi kətɔŋ ka nu rə məyɔs ma afɔsɔ yi mȧtȧy məkabanɛ yi ɛmisali ɛyɛ Kuru ɔ yɔ ka kȧta kɔŋ kətɔŋ ka nu, mɔ naŋ gbeŋ nə po tȧrȧ.

AŋRomans 4:11

kɔ sɔthɔ aŋlomar ŋa kȧbirons tə kətɔri tɛntɛnɛ mȧlompi ka kȧlanɛ ȧke ɔ ba yeŋka a birons kɔ, kȧmȧ ɔ gbəli yi ɔkas ka ŋaŋ bɛ aŋa lanɛ hali ma a te tha birons ŋa, kȧmȧ a gbəli lɔma ŋa məlompi sɔ,

AŋRomans 6:23

kotȧy-e ȧŋrȧm ŋa ahakɛ aŋ yi rəfi, kɛrɛ ȧŋboya ŋa Kuru aŋ yi aŋesəm thəbana rokor ka Yisɔs Krayst ɔMarki kȧsu.

1 AŋKɔrenth 6:13

Ɛyɛt ɛdi ɛ yi ta akor, ɔwa akor kə yi ta ɛyɛt ɛdi; kɛrɛ Kuru ɔ tə yɔ yi bɛ ɛ tiyȧ fu. A bɛmpa hɛ ȧŋdɛr ta kərəp, a bɛmpa ŋi ta ɔMarki; dɛ yi ɔMarki ta ȧŋdɛr.

1 AŋKɔrenth 9:2

Hali i yi hɛ usom ka afəm alɔm-e, kɛrɛ i yi usom ta ȧtȧ nu, kotȧy-e naŋ nə yi maseri ma rasom ra mi ka ɔMarki.

2 AŋKɔrenth 4:18

pəkasifɛ sə kəli hɛ ka mȧtȧy ama a nəŋka rəfɔr-e, kɛrɛ ka mȧtȧy ama a te nəŋka rəfɔr. Ȧtesoma-e mȧtȧy ama a nənk mə yi gbo ta alɔkɔ agbut; kɛrɛ mȧtȧy ama a te nənk mə yi ta thȧnkȧŋ thəbana.

AŋKȧletia 5:6

kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.

AŋFilipai 2:13

kotȧy-e Kuru kɔnɔ mə yɔ məpanth rokor ka nu kȧmȧ nə yema-e, ɔwa nə kȧl lasər mȧselɔ mɔŋ məfinɔ.

AŋKɔlɔsi 1:29

Ka ɔthalnɛ wati i wopər sɔ mapanth, ka i tǝlnɛ sɔbɛ kətaŋ ka mapanth məninis ama kɔnɔ mɔ yɔ rokor kȧmi.

AŋKɔlɔsi 3:2

Bot ɛmerȧ ɛ nu ka mȧtȧy ama yi rokɔm, pə yi hɛ ka mȧtȧy ma nɔru.

1 AŋThɛsȧlonika 1:3

Sə kala ȧmerȧ alɔkɔ bɛ ta mapanth ma kȧlanɛ ka nu dɛ yi mȧyɔs ma məbɔthər-e, dɛ yi kamuyu ka kagbak ka nu ȧmerȧ ka ɔMarki kȧsu Yisɔs Krayst, rodi ka Kuru ɔKas kȧsu;

2 Timɔthi 2:19

Halisa ɔtəmər wa Kuru ɔ təmȧ kəŋkəŋ, ɔwa ȧŋmȧthlɛ ŋati ŋi aŋe, kəpa, ƆMariki ɔ tȧrȧ aŋfəm ŋɔŋ gbeŋ. Ɔwa sɔ-e, Ta wuni o wuni ɔwe bont ȧŋes ŋa Kraystȧŋ ɔ gbapɛ mȧkənə.

AŋHibru 12:16

Kəli nu finɔ kȧmȧ wuni rəpi thalɔm wuni ləs mɔ Isɔŋ, ɔwe thila rabȧki rɔŋ ta da rədi ɔ te yi kətɔŋ ka nu.

AŋHibru 4:11

Tiyȧŋ maŋ bȧsər nu kəwɔŋ ka ɔfothanɛ wati, kȧmȧ wuni o wuni ɔ te fumpɔ salata kate sanɛ kin kati.

Yeməs 1:11

Ȧtesoma-e ȧney nə bansȧ gbo-e, nə welas ȧkereŋ, yi malɛŋi mati mə tə fumpɔ, yi ɔbɔthi kəli wati ɔ tə dinɛ. Yaŋ hɔ sɔ ɔwuni yola mɔ thas ka asoŋ tɔŋ bɛ.

1 Pitar 1:24

kotȧy-e, Madɛr bɛ mə yi mɔ kereŋ, Ɔwa aŋyiki ŋa wuni kəpet bɛ aŋ yi mɔ malɛŋi ma akereŋ. Akereŋ kə tə wela, yi malɛŋi mati mə tə poŋ.

2 Pitar 1:17

kotȧy-e ɔ sɔthɔ afɔsɔ yi ayiki ka Kuru ɔKas, ma ȧrim rə derər kɔ kəwur ka aŋyiki ŋa ȧriyana, rə pa hɔ, Munɔ mə yi ɔWan kȧmi ubɔthər, ɔwe mə thesis ȧŋmerȧ a mi.