Yɔn 5:8 - Ȧŋlemrȧnɛ Ȧfu

⁸ Yisɔsȧŋ ɔ pa ro ŋɔŋ, Yokanɛ, gbasi kafənt ka mu mə kɔth.

Yɔn 5:8 ပူးပေါင်းရင်းမြစ်များ

Mathiu 9:6

Kɛrɛ kȧmȧ nǝ tȧrȧ kǝpa ɔWan ka wuni ɔ ba afɔsɔ nɔru tǝ kǝtera wuni ɛhakɛ-e, (kɔ pa ka ɔwe po gbɛthǝkɛ-e) Yokanɛ, mǝ gbasi kafǝnt ka mu, mǝ kɔ ro seth ka mu.

Mark 2:11

I kanɛ mu, Yokanɛ, gbasi kafənt ka mu mə kɔ ro seth ka mu.

Luk 5:24

Kɛrɛ kȧmȧ nə tȧrȧ kəpa ɔWan ka wuni ɔ ba afɔsɔ ka ȧdȧru tə kətera ɛhakɛ-e, ɔ pa ka ɔwe ba mathanthaŋ, I kanɛ mu, yokanɛ, mə gbasi kafənt ka mu, mə kȧlanɛ ro seth ka mu.

Mȧyɔs ma aŋsom 9:34

Ka Pitaŋ ɔ kanɛ kɔ, Iniyas, Yisɔs Kraystȧŋ ɔ yenkəs mu. Yokanɛ mə bɛmpa kafənt ka mu. Kɔ yokanɛ ka ɔlɛmp wati.