Yɔn 5:39 - Ȧŋlemrȧnɛ Ȧfu

³⁹ Nə thɛns ka mȧgbal, pəkasifɛ nə nanɛ nə tə sɔthɔ ri aŋesəm thəbana; ɔwa mȧgbal ame mȧ mə sɔŋ məseri ta ȧtȧ mi.

Yɔn 5:39 ပူးပေါင်းရင်းမြစ်များ

Mathiu 22:29

Kɛrɛ Yisɔsȧŋ ɔ wosa ɔ pa ro ŋaŋ, Nǝ yɛthȧ ma nǝ te tȧrȧ mȧgbal thalɔm aŋfɔsɔ ŋa Kuru.

Mark 10:3

kɔ gbaki ɔ pa ro ŋaŋ, To Mosisȧŋ ɔ yamari nu-e?

Mark 12:10

Nə la hɛ karaŋ mȧgbal ame-i? Aŋsar aŋa aŋsȧl aŋ pɛnsa-e, Ŋi gbeŋ a kȧl səki ŋi rȧbomp ra ȧŋkoŋ;

Luk 16:29

Ebraham ɔ pa ro ŋɔŋ, Aŋ ba Mosisȧŋ yi aŋnabi. Ta aŋ təlȧ ŋa.

Luk 16:31

kɔ pa ro ŋɔŋ, Bepi aŋ selɔ hɛ tə kətəla Mosisȧŋ yi aŋnabi-e, aŋ selɔ hɛ hali wuni kin ɔ yokanɛ ka aŋfi.

Luk 24:25

Ka Yisɔs ɔ pa ro rɔŋaŋ, O naŋ apənk, nə ba ɛmerȧ ɛlel tə kəlanɛ bɛ ȧte aŋnabi aŋ po pa.

Luk 24:27

Ɔwa, kətəp ka Mosis yi aŋnabi bɛ, ɔ sɔkəs ɛmerȧ yaŋ ka mȧgbal bɛ ama a gbal ta atɔŋ.

Luk 24:44

kɔ pa ro rɔŋaŋ, Ȧsim ta mi ti ȧte, ȧte i la kanɛ nu ka ȧŋlɔkɔ aŋa i yi ras yi naŋȧŋ kəpa mȧtȧy bɛ mə ba tə kəlasər ama a gbal ta ȧtȧ mi ka aŋthɔ ŋa Mosis, yi ka aŋnabi, yi ka ȧŋSams.

Yɔn 1:45

Filipȧŋ ɔ bəp Nathaneɛl, kɔ pa ro ŋɔŋ, Sə po fir kɔ, ta ɔwe Mosisȧŋ ka aŋthɔ, yi Aŋnȧbi aŋ gbal, Yisɔs ɔwe ro Nasarɛth, ɔwan ka Yosɛf.

Yɔn 5:32

Ulɔm ɔ yi ɔwe mə gbaki ta ȧtȧ mi, ɔwa i tȧrȧ kəpa aŋgbaki aŋa mɔ gbaki ta ȧtȧ mi aŋ yi tȧteŋ.

Yɔn 5:36

Kɛrɛ i ba agbaki aŋa yi abana pəthas, aŋgbaki ŋa Yɔn; kotȧy-e mapanth ama ɔKas ɔ sɔŋ mi kȧmȧ i pons ma, mapanth mati gbeŋ ama i yɔ, mə seri ta ȧtȧ mi, kəpa ɔKas ɔ po som mi.

Yɔn 5:40

Kɛrɛ nə selɔ hɛ der ro mi, kȧmȧ nə sɔthɔ aŋesəm.

Yɔn 5:46

kotȧy-e bepi nə po lanɛ Mosisȧŋ-e, nə tə lanɛ mi; ȧtesoma-e ɔ gbal ta ȧtȧ mi.

Yɔn 7:52

Aŋ pa ro ŋɔŋ, Munɔ sɔ mə wur ro Kalili-i? Thɛns thɛns ti, mə tə fir kəpa unabi ɔ wur hɛ ro Kalili.

Mȧyɔs ma aŋsom 13:27

kotȧy-e ŋaŋ aŋa yirȧ ro Yerusalɛm, yi aŋgbəka ŋaŋ, maŋ te tȧrȧ kɔ-e, thalɔm ȧsim ta Aŋnȧbi ȧtȧ a karaŋ asabath o sabath, aŋ lasər ti maŋ sɔŋ kɔ mətheri.

Mȧyɔs ma aŋsom 17:11

Ɔwa aŋe aŋ yi afəm atal pəthasi ŋaŋ aŋa yi ro Thɛsalonika, kotȧy-e aŋ malanɛ ȧrim yi ɛmerȧ ɛselɔ, aŋ gbɛŋgbɛŋ mȧgbal ma Kuru ȧrey o rey, kȧmȧ aŋ tȧrȧ bepi mȧtȧy ame mə yi tȧteŋ.

Mȧyɔs ma aŋsom 26:27

Ɔbȧy Akripa mə lanɛ Aŋnȧbi? I tȧrȧ kəpa mə lanɛ.

AŋRomans 1:2

ama ɔ lahiri thəpaŋ ka tasəŋ ta Aŋnȧbi ŋɔŋ ka mȧgbal məsəm,

AŋRomans 3:2

Agbathi gbo rə roŋ o roŋ. Ka ɔtɔtɔkɔ, pəkasifɛ a maŋkər anYuda mȧgbal məsəm ma Kuru.

AŋKɔlɔsi 3:16

Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

AŋHibru 11:16

Kɛrɛ ka-ake aŋ fela athɔf afisa aŋa yi mɔ ro riyana; tiyȧŋ Kuru ɔ lap hɛ maŋ tela kɔ ɔKuru ka ŋaŋ, pəkasifɛ ɔ po bɛnɛnɛ kəpet ta ȧtȧ ŋaŋ.

AŋHibru 11:35

Afəm abom aŋ sɔthɔ aŋfi a ŋaŋ aŋ kȧl yokanɛ ka kȧboma; alɔm-e, a gbaŋar ŋa rə anakasi athasər, aŋ malanɛ hɛ kakisi ȧke a taka ŋaŋ, kaŋka gbo aŋ gbəli sɔthɔ ŋesəm afisa ka kakal yokanɛ ka aŋfi.

Kȧŋȧibinɛ 19:10

Ka i sanɛ ka ȧtatək tɔŋ tə kəbatho kɔ, kɛrɛ ɔ pa, Te yɔ yi, minɛŋ sɔ i yi ukos mu ȧbɔy, dɛ yi ukos ka aŋwɔnt mu aŋa ba maseri ma Yisɔs. Bȧtho Kuru, kotȧy-e maseri ma Yisɔs mə yi aŋyina ŋa kanabi.