Yɔn 5:30 - Ȧŋlemrȧnɛ Ȧfu

³⁰ Minɛŋ, i gbəli hɛ yɔ tȧy o tȧy ka aŋfɔsɔ a mi; mɔ mə i təl, ya mə i thonkas; ɔwa mathoŋkas ma mi mə yi məlompi; pəkasifɛ i thɛns hɛ mȧselɔ ma mi, kɛrɛ i thɛns gbo mȧselɔ ma ɔKas ɔwe som mi.

Yɔn 5:30 ပူးပေါင်းရင်းမြစ်များ

Mathiu 26:39

kɔ kɔ rodi ɔthan, ka ɔgbǝps a ro thɔf, ɔ ramnɛ, ɔ pa, O Pa kȧmi, bepi pǝ fɔi tȧy yɔ ampɔthi aŋe aŋ painɛ mi; kɛrɛ ta pǝ te yi mȧselɔ ma mi-e, ta pǝ yi gbo mȧselɔ ma mu.

Yɔn 14:10

Mə lanɛ hɛ kəpa minɛ yi rokor ka ɔKas-i, ɔwa ɔKas ɔ yi rokor ka mi-i? Ȧsim ȧte i kanɛ nu, i fɔf hɛ ti ka ȧŋmerȧ a mi, kɛrɛ ɔKas ɔwe yi yi minɛŋ, kɔnɔ mə yɔ mȧyɔs mɔŋ.

Yɔn 17:4

I po yikis mu nɔru, ma i pons mapanth ama mə sɔŋ mi tə kəyɔ.

Yɔn 18:11

Ka Yisɔsȧŋ pa ka Pita, Wɔŋȧ aŋgbathɔ a mu ka aŋbom ŋati. I gbəli pɛnsa ampɔthi aŋa ɔKas ɔ sɔŋ mi tə kəmun-i?

Yɔn 4:34

Yisɔsȧŋ ɔ pa ro ŋaŋ, Ɛdi ɛ mi ɛ yi tə kəyɔ mȧselɔ ma ɔwe som mi, yi tə kəpons mapanth mɔŋ.

Yɔn 5:19

Yisɔsȧŋ ɔ pa ro ŋaŋ, Tɛntɛnɛ i kanɛ nu, ɔWan ɔ gbəli hɛ yɔ tȧy o tȧy ka aŋfɔsɔ ŋɔŋ, ɔ gbəli gbo yɔ ȧte ɔ nənk ɔKas ɔ yɔ: kotȧy-e mȧtȧy ama ɔ yɔ-e, ma ɔWan mɔ yɔ sɔ,

Yɔn 6:38

Ȧtesoma-e i po thor kəwur ro riyana, pə yi hɛ tə kəyɔ mȧselɔ ma mi gbeŋ, kɛrɛ tə kəyɔ mȧselɔ ma ɔwe som mi.

Yɔn 8:28

Ka Yisɔsȧŋ ɔ pa ro ŋaŋ, Ma nə po ŋata ɔWan ka wuni, nə tə tȧrȧ kəpa i yɔ hɛ tȧy o tȧy ka ȧŋmerȧ a mi son: kɛrɛ i fɔf mȧtȧy ame mɔ mə ɔKas ɔ thəksa mi.

Yɔn 8:42

Yisɔsȧŋ ɔ pa ro ŋaŋ, Bepi Kurɔŋ ɔ yi ɔKas ka nu-e, nə tə bɔthər mi: ȧtesoma-e, i wur kəwur ka Kuru; i der hɛ ka ȧŋmerȧ a mi gbeŋ, kɛrɛ kɔnɔ som mi.

Yɔn 8:50

Minɛŋ i thɛns hɛ aŋyiki a mi gbeŋ: ukin ɔ yi ri ɔwe mə thɛns aŋyiki a mi, yi ɔwe mə gbəka ŋi.

AŋRomans 15:3

kotȧy-e hali Kraystȧŋ ɔ thesisnɛ hɛ, kɛrɛ mɔ a gbal kəpa, Tanal ta ŋaŋ aŋa nal mu tə fumpər mi.

AŋRomans 2:2

Ɔwa sə tȧrȧ kathoŋkas ka Kuru kə thor ɔlompi rokɔm ka ŋaŋ aŋa mə yɔ mȧtȧy məwunɔŋ.

AŋRomans 2:5

Kɛrɛ kətaŋ ka kabak ka mu rəfɔr yi kate thupi ka mu-e, mə bȧr gbo rəbaŋ ka ȧŋrey ŋa rəbaŋ, ma kathoŋkas kəlompi ka Kuru kə tɔrinɛ;