Yɔn 5:25 - Ȧŋlemrȧnɛ Ȧfu

²⁵ I kanɛ nu tɛntɛnɛ, Ȧŋlɔkɔ aŋ tə der, ɔwa aŋ yi thɔŋ ka-ake, ma aŋfi aŋ tə təl ȧrim ra ɔWan ka Kuru; ɔwa ŋaŋ aŋa mə təl aŋ tə kəli.

Yɔn 5:25 ပူးပေါင်းရင်းမြစ်များ

Luk 15:24

Ȧtesoma-e ɔwan kȧmi uruni ɔwe ɔ sa po fi, kɛrɛ ɔ kȧl yi ukəli sɔ; ɔ sa dinɛ kɛrɛ a fir kɔ. Kaŋ təp kəyasanɛ.

Luk 15:32

Pə yi ɔlompi tə kəyɔ met yi kəsel məbɔnɛ, ȧtesoma-e ɔwɔnt mu ɔwe ɔ sa po fi, kɛrɛ ɔ kȧl yi ukəli, ɔ sa dinɛ, kɛrɛ a fir kɔ.

Luk 9:60

Yisɔsȧŋ ɔ pa ro ŋɔŋ, Tey aŋfi tə kəmȧnk ȧŋfi ŋaŋ, kɛrɛ munɔŋ, kɔnɛ mə kɔ taməs rȧbȧy ra Kuru.

Yɔn 13:1

Ɔwa yeŋka amet ma kapainɛ mə bek-e, ma Yisɔs ɔ tȧrȧ kəpa ȧŋlɔkɔ ŋɔŋ aŋ bek tə kəwur ka ȧdȧru are tə kəkɔnɛ ka ɔKas, ma ɔ po bɔthər aŋɔŋ aŋa yi ka ȧdȧru, ɔ bɔthər ŋa haŋ ka ɔthalnɛ.

Yɔn 17:1

Ma Yisɔsȧŋ ɔ po fɔf mȧtȧy ame, ɔ lakthɛ ro riyana, ɔ pa, Pa, ȧŋlɔkɔ aŋ bek; yikis ɔWan ka mu, kȧmȧ ɔWan ka mu ɔ yikis mu:

Yɔn 4:21

Yisɔsȧŋ ɔ pa ro ŋɔŋ, Bithaŋ, lanɛ mi, ȧŋlɔkɔ aŋ tə der, ka aŋa mə nə te bȧtho ɔKas ka kateŋ ake, thalɔm ro Yerusalɛm.

Yɔn 4:23

Kɛrɛ ȧŋlɔkɔ aŋ tə der, ɔwa aŋ yi thɔŋ ka-ake, ma afəm aŋa mə bȧtho tȧteŋ aŋ tə bȧtho ɔKas rə ȧmerȧ yi rə tȧteŋ: kotȧy-e ɔKas ɔ fela ȧŋbȧtho awunɔŋ.

Yɔn 5:21

Mɔ mə ɔKas ɔ yokas aŋfi, dɛ ɔ kəlis ŋa-e, yaŋ sɔ ɔWan ɔ kəlis ɔwe ɔ yema.

Yɔn 5:28

Te nu kabanɛ ta ȧte; kotȧy-e ȧŋlɔkɔ aŋ tə der, ma aŋfi sɛŋk aŋa yi ka taboma aŋ tə təl ȧrim rɔŋ,

Yɔn 6:60

Tiyȧŋ aŋkarande ŋɔŋ agbȧthi, maŋ təl ȧte, aŋ pa, Ȧŋpa aŋe a bȧk mədɛr, kanɛ gbəli sɔthnɛ ŋi-e?

Yɔn 8:43

To som nə te tȧrȧ kafɔf ka mi-e? Hali ma nə te gbəli wop ȧrim ra mi.

Yɔn 8:47

Wuni ɔwe yi ka Kuru ɔ təl ȧsim ta Kuru: tesom nə təl hɛ ti, pəkasifɛ nə yi hɛ ka Kuru.

Yɔn 9:27

kɔ pa, I po kanɛ nu ti, kɛrɛ nə təlȧ hɛ mi: kɔyɛŋ nə yema təl ti sɔ-e, naŋ nə yema səkɛ akarande ŋɔŋ-i?

AŋRomans 6:4

Tiyȧŋ ka ȧŋbaftisəm ȧsu a maŋk su yi kɔn ka rəfi, soma mɔ mə a yɔ Krayst ɔ kȧl yokanɛ kətɔŋ ka aŋfi-e, ka aŋfɔsɔ ŋa ɔKas-e, yaŋ sɔ saŋ sə yi tə kəkɔth ka aroŋ da aŋesəm afu.

AŋƐfisɔs 2:1

Ɔwa naŋ sɔ, Kuru ɔ po kəlis nu ma nə la yi ras afi ka ɛhakɛ yi mȧyɔs ma nu mələs;

AŋƐfisɔs 2:5

hali ma sə yi saŋ afi ka ɛhakɛ-e, ɔ kȧl sɔŋ su aŋesəm dɛ yi Kraystȧŋ, (a kisis nu ka aboŋa);

AŋƐfisɔs 5:14

Tiyȧŋ ɔ pa, Thəmɛ munɔ ɔwe dirȧ-e, yokanɛ ka rafi, ɔwa Kraystȧŋ ɔ tə sɔŋ mu ȧŋmothȧ.

AŋKɔlɔsi 2:13

Ɔwa naŋ, ma nə yi ras afi asabu ŋa ɛhakɛ ɛ nu dɛ yi kate birons ka madɛr ma nu-e, a po kəlis nu, (i kȧl pa ti), yi Kraystȧŋ, kɔ tera su makənȧ ma su bɛ.

Kȧŋȧibinɛ 3:1

Gbal ka ɔkəlianɛ ka aŋchɔch ŋa ro Sadis kəpa ye. Kɔn ɔwe ba ɛYina tȧmthədɛrəŋ ka Kuru dɛ yi atɔs tȧmthədɛrəŋ ɔ pa, I tȧrȧ mȧyɔs ma mu tə kəyi mə ba ŋes kəpa mə yi ukəli, kɛrɛ mə yi ufi.