Yɔn 5:24 - Ȧŋlemrȧnɛ Ȧfu

²⁴ Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

Yɔn 5:24 ပူးပေါင်းရင်းမြစ်များ

Mathiu 25:46

Ɔwa aŋe aŋ tǝ kɔ ka athalǝr ŋa thǝbana, kɛrɛ aŋlompi aŋ tǝ kɔ ka aŋesǝm thǝbana.

Mark 16:16

Kɔnɔ ɔwe mə lanɛ, ɔwa a baftays kɔ-e, ɔ tə kisi, kɛrɛ kɔnɔ ɔwe mə te lanɛ-e, ɔ ba mətheri.

Yɔn 11:26

ɔwa wuni o wuni ɔwe kəli ɔwa ɔ lanɛ mi-e, ɔ ba hɛ kəfi thəbana. Mə lanɛ ȧte-i?

Yɔn 12:44

Yisɔsȧŋ ɔ ŋata ȧrim rɔŋ, ɔ pa, Ɔwe lanɛ mi-e, ɔ lanɛ hɛ minɛŋ, kɛrɛ kɔnɔ ɔwe som mi.

Yɔn 20:31

kɛrɛ a gbal ɛye, kȧmȧ nə lanɛ kəpa Yisɔsȧŋ ɔ yi ɔKrayst, ɔWan ka Kuru, ɔwa kȧmȧ bepi nə lanɛ-e, nə tə ba aŋesəm ka ȧŋes ŋɔŋ.

Yɔn 3:16

Ȧtesoma-e ya Kurɔŋ ɔ bɔthər ȧdȧru, haŋ ɔ sɔnd ɔWan kɔŋ ɔ kom gbo son, kȧmȧ wuni o wuni ɔwe lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

Yɔn 3:18

Ɔwe mə lanɛ kɔ-e ɔ sɔthɔ hɛ mətheri, kɛrɛ ɔwe te lanɛ kɔ-e, a po kɔ sɔŋ mətheri, pəkasifɛ ɔ tha lanɛ hɛ ka ȧŋes ŋa ɔWan ka Kuru ɔ kom gbo son.

Yɔn 3:36

Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

Yɔn 4:36

Kɔnɔ ɔwe mə rɔk-e ɔ sɔthɔ ȧŋrȧm, ɔwa ɔ thoŋkla məkomi ta aŋesəm thəbana: kȧmȧ kɔnɔ ɔwe mə sak yi kɔnɔ ɔwe mə rɔk aŋ ba məbɔnɛ kətəma win.

Yɔn 6:40

kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.

Yɔn 6:47

I kanɛ nu tɛntɛnɛ, Ɔwe lanɛ mi ɔ ba aŋesəm thəbana.

Yɔn 6:50

Ake ka yi kabo ȧke wur ro riyana, ȧke be wuni ɔ di ki, ɔ ba hɛ kəfi.

Yɔn 6:51

Minɛ yi kabo kəkəli ȧke wur ro riyana; bepi wuni o wuni ɔ di kabo ake, ɔ tə kəli thəbana: ɔwa kabo ȧke mə i sɔŋ kə yi aŋdɛr a mi, ta aŋesəm ŋa ȧdȧru.

Yɔn 6:58

Kabo ȧke wur ro riyana ki ake: kə yi hɛ mɔ ȧke aŋkas a nu aŋ di, ɔwa aŋ fi: ɔwe mə di kabo ake ɔ tə ŋesəm thəbana.

Yɔn 8:51

I kanɛ nu tɛntɛnɛ, Bepi wuni ɔ wop ȧrim ra mi, ɔ nənk hɛ rafi thəbana.

AŋRomans 8:1

Tiyȧŋ mətheri mə gbəli hɛ sɔ yi ta ȧtȧ ŋaŋ aŋa yi rokor ka Yisɔs Kraystȧŋ, aŋa mə te kɔth ka mafela ma madɛr, kɛrɛ ka ɔYina məsəm.

1 AŋThɛsȧlonika 5:9

kotȧy-e Kuru ɔ thith hɛ su ta rəbaŋ, kɛrɛ tə kəsɔthɔ kəkisi kətȧŋȧnɛ ka ɔMarki kȧsu Yisɔs Kraystȧŋ;

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Pitar 1:5

aŋa a po bɛnɛ ka aŋfɔsɔ ŋa Kuru asabu ŋa kəlanɛ kəkɔ ka kakisi ȧke a yi tə kəŋaibi ka marey mələpsɔ.

1 Yɔn 3:14

Saŋ sə tȧrȧ kəpa sə po wur ka rəfi sə po wɔŋ ka aŋesəm, pəkasifɛ sə bɔthər aŋwɔnt. Ɔwe mə te bɔthər ɔwɔnt kɔŋ ɔ tiyȧ ka rəfi.

1 Yɔn 5:1

Wuni o wuni ɔwe mə lanɛ kəpa Yisɔs ɔ yi ɔKrayst a kom kɔ ka Kuru: ɔwa wuni o wuni ɔwe mə bɔthər ɔkomra ɔ bɔthər sɔ kɔn ɔwe ɔ po kom.