Yɔn 5:17 - Ȧŋlemrȧnɛ Ȧfu

¹⁷ Kɛrɛ Yisɔsȧŋ ɔ pa ro ŋaŋ, ƆKas kȧmi ɔ yɔ məpanth haŋ ka-ake, ɔwa minɛ sɔ i yɔ məpanth.

Yɔn 5:17 ပူးပေါင်းရင်းမြစ်များ

Mathiu 10:29

A thila hɛ ɛgbaŋa ŋarǝŋ ta apɛni-i? Ɔwa hali ukin ka ŋaŋ ɔ fumpɔ hɛ ro thɔf thambe ɔKas ka nu ɔ tȧrȧ ti.

Yɔn 10:36

nə pa ta atɔŋ, ɔwe ɔKas ɔ po səməs, ɔwa ɔ som ka ȧdȧru, Mə ŋamnɛ Kurɔŋ, pəkasifɛ i pa, Minɛ yi ɔWan ka Kuru-i?

Yɔn 14:10

Mə lanɛ hɛ kəpa minɛ yi rokor ka ɔKas-i, ɔwa ɔKas ɔ yi rokor ka mi-i? Ȧsim ȧte i kanɛ nu, i fɔf hɛ ti ka ȧŋmerȧ a mi, kɛrɛ ɔKas ɔwe yi yi minɛŋ, kɔnɔ mə yɔ mȧyɔs mɔŋ.

Yɔn 5:16

Ta ȧtȧy ȧte aŋYuda aŋ sɔmpa Yisɔsȧŋ, pəkasifɛ ɔ po yɔ mȧtȧy ame ka aŋsabath.

Yɔn 5:18

Tiyȧŋ aŋYuda aŋ bȧr gbo thɛns tə kədif kɔ, pəkasifɛ pə yi hɛ gbo ɔ ləsər aŋsabath, kɛrɛ ma ɔ pa sɔ Kurɔŋ ɔ yi ɔKas kɔŋ gbeŋ-e, pə yi mɔ ɔ thunthəranɛ Kuru.

Yɔn 9:4

I ba kəyɔ mapanth ma kɔnɔ ɔwe som mi, ma pə yi ras rəyaŋ: rȧtȧtȧk rə tə der, ma pə yi wuni o wuni ɔ gbəli hɛ yɔ məpanth.

Mȧyɔs ma aŋsom 14:17

Kɛrɛ ɔ tey hɛ ŋa kəte ba məseri ta atɔŋ, ma ɔ yɔ nu ɔfinɔ, ɔ sɔŋ nu tɔm kəwur ka ȧkuru yi ɛlɔkɔ ɛkoməs ɛgbathi, kɔ lasər ɛmerȧ ɛ nu yi ɛwɔnth yi məbɔnɛ.

Mȧyɔs ma aŋsom 17:28

kotȧy-e, ro rɔŋɔŋ sə ŋesəm, sə borȧnɛ ɔwa sə yi, mɔ mə məgbal məlɔm ma ɔleŋ ka nu mə pa, Saŋ sɔ sə yi rȧkomra rɔŋ.

1 AŋKɔrenth 12:6

Ɔwa kəyɔ məpanth kəgbanthɛ tətəp kə yi, kɛrɛ pə yi ɔKuru ukin ɔwe mə yɔna mȧtȧy bɛ ka afəm bɛ.

AŋKɔlɔsi 1:16

kotȧy-e, ka aŋyɛthɛ ŋɔŋ ɔ təpi ɛyɛt bɛ, ɛyɛt ya ro riyana, yi nɔru, ɛyɛ mȧ sə nəŋka rəfɔr dɛ yi ɛyɛ mȧ sə te nənk, pə yi təbȧy-o, təthɔf-o, ɛbomp-o, thalɔm agbəka-o; a təpi ɛyɛt bɛ do rɔŋɔŋ dɛ yi kətȧŋȧnɛ kɔŋ.

1 AŋThɛsȧlonika 2:13

Ta ȧtȧy ȧte sɔ sə mɔmɔ Kuru lɔkɔ ɔ lɔkɔ, pəkasifɛ ma nə malanɛ ȧrim ra ȧkɛra ka Kuru ȧke sə tɔri nu-e, nə malanɛ hɛ ri mɔ ȧrim ra wuni kəpet-e, kɛrɛ mɔ mə rə yi yathi ȧrim ra Kuru tə tɛntɛnɛ, ara mə yɔ məpanth ka ɛmerȧ ɛ nu aŋa po lanɛ.

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.