7 Te kabanɛ ȧte i kanɛ mu, Tha a kȧl kom mu ɔfu.
Bepi i kanɛ nu mȧtȧy ma ȧdȧru-e nə lanɛ hɛ, to mə nə gbəli lanɛ bepi i kanɛ nu mȧtȧy ma ro riana-e?
Yisɔs ɔ wosa, ɔ pa ro ŋɔŋ, I kanɛ mu tɛntɛnɛ, wuni ɔ gbəli hɛ nənk rȧbȧy ra Kuru, thambe a kȧl kom kɔ ɔfu.
Ara a kom ka madɛr mədɛr maŋ, ara a kom ka ɔYina uyina wɔŋ.
Aŋfef aŋ sɔŋ ro aŋ yema, ɔwa mə təlȧ ȧŋsɔnkɔ ŋati, kɛrɛ mə tɛ hɛ ro aŋ wur, mə tɛ hɛ ro mə aŋ kɔ-e; ya pə yi sɔ yi wuni o wuni ɔwe a kom ka ɔYina.
Te nu kabanɛ ta ȧte; kotȧy-e ȧŋlɔkɔ aŋ tə der, ma aŋfi sɛŋk aŋa yi ka taboma aŋ tə təl ȧrim rɔŋ,
Kama nə sɔŋ mɔmɔ ka ɔKas ɔwe po yɔ su sə yi saŋ abeki tə kəkasa ka akɛŋ ka aŋsəm ka ɔwaŋ;
Tȧŋ nu məthɔfəl rə afəm bɛ, yi masəm ama pə yi-e, thambe wuni ɔ ba ma-e, ɔ gbəli hɛ nənk ɔMarki.
Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,
Kɛrɛ tȧy tələs tə gbəli hɛ wɔŋ di thəbana, thalɔm ɔwe yi unɔkɔ, thalɔm uyem; kɛrɛ ŋaŋ gbo son aŋa ba ames maŋ ka ȧkȧfȧ ka aŋesəm ka kaLɔmɛ kəfɛth.
