Yɔn 3:36 - Ȧŋlemrȧnɛ Ȧfu

³⁶ Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

Yɔn 3:36 ပူးပေါင်းရင်းမြစ်များ

Mathiu 25:46

Ɔwa aŋe aŋ tǝ kɔ ka athalǝr ŋa thǝbana, kɛrɛ aŋlompi aŋ tǝ kɔ ka aŋesǝm thǝbana.

Mark 16:16

Kɔnɔ ɔwe mə lanɛ, ɔwa a baftays kɔ-e, ɔ tə kisi, kɛrɛ kɔnɔ ɔwe mə te lanɛ-e, ɔ ba mətheri.

Luk 2:30

kotȧy-e, ɛfɔr ɛ mi ɛ po nənk kakisis ka mu.

Luk 3:6

Ɔwa afəm sɛŋk aŋ tə nənk kakisi ka Kuru.

Yɔn 1:12

Kɛrɛ ŋa bɛ aŋa malanɛ kɔ-e, ɔ sɔŋ ŋa mamari tə kəsəkɛ awuth ŋa Kuru, hali ŋaŋ aŋa lanɛ ka ȧŋes ŋɔŋ:

Yɔn 10:28

ka i sɔŋ ŋa aŋesəm thəbana; ɔwa aŋ ba hɛ kədinɛ thȧnkȧŋ, ɔwa wuni o wuni ɔ gbəli hɛ kathi ŋa ka kȧta kȧmi.

Yɔn 3:3

Yisɔs ɔ wosa, ɔ pa ro ŋɔŋ, I kanɛ mu tɛntɛnɛ, wuni ɔ gbəli hɛ nənk rȧbȧy ra Kuru, thambe a kȧl kom kɔ ɔfu.

Yɔn 4:36

Kɔnɔ ɔwe mə rɔk-e ɔ sɔthɔ ȧŋrȧm, ɔwa ɔ thoŋkla məkomi ta aŋesəm thəbana: kȧmȧ kɔnɔ ɔwe mə sak yi kɔnɔ ɔwe mə rɔk aŋ ba məbɔnɛ kətəma win.

Yɔn 5:24

Tɛntɛnɛ i kanɛ nu, Kɔnɔ ɔwe mə təl ȧrim ra mi, ɔwa ɔ lanɛ ɔwe som mi-e, ɔ ba aŋesəm thəbana, ɔ ba hɛ tə kəsɔthɔ mətheri; kɛrɛ ɔ po thas rəfi kəkɔ ka aŋesəm.

Yɔn 6:58

Kabo ȧke wur ro riyana ki ake: kə yi hɛ mɔ ȧke aŋkas a nu aŋ di, ɔwa aŋ fi: ɔwe mə di kabo ake ɔ tə ŋesəm thəbana.

Yɔn 8:51

I kanɛ nu tɛntɛnɛ, Bepi wuni ɔ wop ȧrim ra mi, ɔ nənk hɛ rafi thəbana.

Mȧyɔs ma aŋsom 14:2

Kɛrɛ aŋYuda aŋa te lanɛ aŋ pər ɛmerȧ ya tȧbona təlɔm, kaŋ ləsər ɛmerȧ yaŋ ta aŋwɔnt.

AŋRomans 4:15

pəkasifɛ ȧŋthɔ aŋ tə kȧrȧ kathalər ka rȧbaŋ, kɛrɛ ro athɔ aŋ te yi, kələsər ȧŋthɔ kǝ yi hɛ ri.

AŋRomans 5:9

Tiyȧŋ ma a sɔŋ su məmari ka-ake salata mȧtir mɔŋ-e, pə tha gbethi a tə kisis su kəwur ka rabaŋ ra Kuru salata aŋesəm ŋɔŋ.

AŋRomans 8:1

Tiyȧŋ mətheri mə gbəli hɛ sɔ yi ta ȧtȧ ŋaŋ aŋa yi rokor ka Yisɔs Kraystȧŋ, aŋa mə te kɔth ka mafela ma madɛr, kɛrɛ ka ɔYina məsəm.

AŋKȧletia 3:10

Ɔwa aŋfəm aŋa pələnɛ ka mȧyɔs ma ȧŋthɔ aŋ yi ratha ka ȧranka; kotȧy-e a po gbal kəpa, Wuni o wuni ɔwe te kɔ rodi kəyɔ mȧtȧy bɛ ama a po gbal ka ȧkȧfȧ ka ȧŋthɔ tə kəyɔ ma-e, ɔ yi uraŋka.

AŋƐfisɔs 5:6

Te nu selɔ wuni o wuni ɔ tɔns nu rə sim təfoth; kotȧy-e salata mȧtȧy ame rabaŋ da Kuru rə derər aŋwuth ȧthȧnthonɛ.

1 AŋThɛsȧlonika 1:10

dɛ yi tə kəkar ɔWan kɔŋ kəwur ro riana-e, ɔwe ɔ po yokas ka rafi, pə yi mɔ-e Yisɔs ɔwe po kisis su ka rabaŋ ara ba kəder.

1 AŋThɛsȧlonika 5:9

kotȧy-e Kuru ɔ thith hɛ su ta rəbaŋ, kɛrɛ tə kəsɔthɔ kəkisi kətȧŋȧnɛ ka ɔMarki kȧsu Yisɔs Kraystȧŋ;

AŋHibru 10:29

Kɛrɛ kɔn ɔwe mə nas nas ɔWan ka Kuru-e, dɛ yi ɔwe nənk ɔyai mȧtir ma aŋlemranɛ aŋa po səməs kɔ-e, ɔwa ɔwe say sɔ ɔYina ka aboŋa-e, nə nanɛ hɛ kəpa kɔnɔ yi ubeki tə kəsɔthɔ athalər athasər-i?

AŋHibru 2:3

to saŋ mə sə gbəli kisi bepi sə say kakisi kəbana mɔ ake-e? kotȧy-e ɔMarki kɔnɔ mɔtha tɔri ki ɔwa ŋaŋ aŋa po təlȧ kɔ aŋ bȧksər ki do rɔsu.

AŋHibru 3:18

Ɔwa ka kanɛ, ɔ gbiŋ kəpa aŋ ba hɛ kəwɔŋ ka ɔfothanɛ wɔŋ, thambe ka ŋaŋ gbo aŋa te lanɛ-e?

AŋHibru 3:19

Tiyȧŋ sə nənk kəpa aŋ gbəli hɛ naŋ wɔŋ salata kate lanɛ.

Kȧŋȧibinɛ 21:8

Kɛrɛ ŋaŋ aŋa ba rənes yi ante lanɛ, dɛ yi aŋləs-e, yi ŋaŋ aŋa dif kəsias-e, yi aŋfəm arəpi, dɛ yi anthupəs-e, yi ŋaŋ aŋa ramnɛ ɛyɛt ɛbumərnɛ, dɛ yi afəm ayem bɛ-e, aŋ tə ba ɛgbap yaŋ ka ȧŋbonka ŋa nȧnt dɛ yi salfər. Rafi ara bekȧ mȧrəŋ, riyȧŋ.