Yɔn 3:16 - Ȧŋlemrȧnɛ Ȧfu

¹⁶ Ȧtesoma-e ya Kurɔŋ ɔ bɔthər ȧdȧru, haŋ ɔ sɔnd ɔWan kɔŋ ɔ kom gbo son, kȧmȧ wuni o wuni ɔwe lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

Yɔn 3:16 ပူးပေါင်းရင်းမြစ်များ

Mathiu 9:13

Kɛrɛ kɔnɛ nu kȧmȧ nǝ kɔ thǝkǝs ȧte, I yema ȧney, sathka thahɔ; ȧtesoma-e i der hɛ tǝ kǝmuti aŋlompi-e, kɛrɛ i der tǝ kǝmuti aŋfǝm ŋa ɛhakɛ tǝ kǝthupi.

Mark 12:6

Halisa, ɔ ba ras ɔwan kɔŋ uruni ukin ubɔthər. Kɔnɔ ɔ ləpsɔ som ro ŋaŋ, ɔ pa, Aŋ tə tȧrȧ ɔwan kȧmi rəka.

Luk 2:14

Ta Kuru ɔwe yi rokɔm ɔ ba ayiki, Ta məthɔfəl mə yi nɔru ka aŋfəm aŋa mə thesis kɔ.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 1:18

Wuni kəpet ɔ tha nənk hɛ Kuru hali; ɔWan gbo son, ɔwe yi ka aŋkəpət ŋa ɔKas, kɔnɔ ɔ po ŋaibi kɔ.

Yɔn 1:29

Ka ȧŋrey alɔm-e, Yɔnȧŋ ɔ nənk Yisɔsȧŋ ɔ der ro ŋɔŋ, ɔ pa, Kəli kaLɔmɛ kəfɛth ka Kuru ɔwe mə sara aŋhakɛ ŋa ȧdȧru!

Yɔn 10:28

ka i sɔŋ ŋa aŋesəm thəbana; ɔwa aŋ ba hɛ kədinɛ thȧnkȧŋ, ɔwa wuni o wuni ɔ gbəli hɛ kathi ŋa ka kȧta kȧmi.

Yɔn 3:15

kȧmȧ wuni o wuni ɔwe mə lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

Yɔn 3:18

Ɔwe mə lanɛ kɔ-e ɔ sɔthɔ hɛ mətheri, kɛrɛ ɔwe te lanɛ kɔ-e, a po kɔ sɔŋ mətheri, pəkasifɛ ɔ tha lanɛ hɛ ka ȧŋes ŋa ɔWan ka Kuru ɔ kom gbo son.

Yɔn 3:36

Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

Yɔn 6:40

kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.

AŋRomans 5:10

kotȧy-e bepi ma sə yi ras saŋ atheranɛ-e, a yɔ su sə kȧl manɛ yi Kurɔŋ kətȧŋȧnɛ ka rafi ra ɔWan kɔŋ-e, pə tha gbethi ma sə po thɔŋ kȧl manɛ-e, a tə kisis su salata aŋesəm ŋɔŋ.

AŋRomans 5:8

Kɛrɛ Kuru ɔ tɔri mabɔthər mɔŋ ro rɔsu, pəkasifɛ ma sə yi ras afəm ŋa ahakɛ-e, Krayst ɔ fi ta ȧtȧ su.

AŋRomans 8:32

Bepi Kuru ɔ pɛnsa hɛ tə kəsɔnd ɔWan kɔŋ ta ȧtȧ su-e, ɔ gbəli hɛ sɔ selɔ tə kəsɔŋ su mȧtȧy bɛ yi kɔn-i?

AŋƐfisɔs 2:4

Kɛrɛ Kuru ɔwe ba ȧney abana-e, kəwur ka mabɔthər mɔŋ məbana ama ɔ po bɔthər su-e,

2 AŋThɛsȧlonika 2:16

Ɔwa ka-ake, ɔMarki kȧsu Yisɔs Krayst kɔn kɔnɔnɛ, yi Kuru ɔKas kȧsu ɔwe po bɔthər su, dɛ yi ɔwe sɔŋ su kəbɛfəth dɛ yi kəgbak ȧmerȧ kəthəbana kətȧŋȧnɛ ȧŋboŋa ŋɔŋ,

Taytɔs 3:4

Kɛrɛ ma mafinɔ ma Kuru ɔKisis kȧsu dɛ yi mabɔthər mɔŋ ta afəm a kəpet mə tɔrinɛ-e,

AŋHibru 2:9

Kɛrɛ sə nənk kɔn ɔwe a bɛmpa roratha ka aŋmȧleka ta alɔkɔ agbut, hali Yisɔs, ɔwa a pɔlɔ kɔ ka-ake rə ayiki abana asabu ŋa anakasi ŋa rəfi, kȧmȧ pə re yi ka ȧŋboŋa ŋa Kuru-e, ɔ gbəli tham rəfi ta wuni o wuni.

1 Yɔn 3:1

Kəla, ko məbɔthər məbana ɔKas ɔ ba ta ȧtȧ su, kəpa a tela su awuth ŋa Kuru; ɔwa ya sə yi mən. Tȧsom ȧdȧru rə te su tȧrȧ, pəkasifɛ rə tɛ hɛ kɔ.

1 Yɔn 4:19

Sə bɔthər kɔ, pəkasifɛ kɔnɔ mɔtha bɔthər su.

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,