Yɔn 3:13 - Ȧŋlemrȧnɛ Ȧfu

¹³ Wuni o wuni ɔ tha ŋat hɛ ro riyana, thambe kɔn ɔwe thor kəwur ro riyana, kɔnɔ yi ɔWan ka wuni ɔwe yi ro riyana.

Yɔn 3:13 ပူးပေါင်းရင်းမြစ်များ

Mathiu 28:20

ɔwa thǝksa ŋa tǝ kǝwop mȧtȧy bɛ ama i po yamari nu. Ɔwa minɛȧŋ i yi yi naŋȧŋ alɔkɔ o lɔkɔ, haŋ ka ɔthalnɛ wa ȧdȧru. Amina.

Mathiu 8:20

Ka Yisɔsȧŋ ɔ pa ro rɔŋɔŋ hɔ, Ɛgbogboro aŋ ba tǝyaŋka-e, ɛbȧmp ya aŋfena aŋ ba ɛseth. Kɛrɛ ɔWan ka wuni ɔ ba hɛ dɛr ro mǝ ɔ bot rȧbomp rɔŋ.

Yɔn 1:18

Wuni kəpet ɔ tha nənk hɛ Kuru hali; ɔWan gbo son, ɔwe yi ka aŋkəpət ŋa ɔKas, kɔnɔ ɔ po ŋaibi kɔ.

Yɔn 13:3

Ka Yisɔsȧŋ ma ɔ tȧrȧ kəpa ɔKas ɔ po sɔŋ mȧtȧy bɛ ka mȧta mɔŋ, ɔwa ɔ wur ka Kuru, ɔwa ɔ tə kȧl ka Kuru;

Yɔn 17:5

Ka-ake, O Pa, yikis mi yi mun munɔnɛ yi aŋyiki aŋa i ba ro mu yeŋka ȧdȧru rə təpɛ.

Yɔn 3:12

Bepi i kanɛ nu mȧtȧy ma ȧdȧru-e nə lanɛ hɛ, to mə nə gbəli lanɛ bepi i kanɛ nu mȧtȧy ma ro riana-e?

Yɔn 3:31

Kɔnɔ ɔwe wur rokɔm ɔ yi rokɔm ka bɛ: kɔnɔ ɔwe yi ka ȧdȧru ɔ yi ka ȧdȧru, ɔwa ɔ fɔf ka ȧdȧru: kɔnɔ ɔwe wur ro riyana ɔ yi rokɔm ka bɛ.

Yɔn 6:33

Ȧtesoma-e kabo ka Kuru kə yi kɔn ɔwe wur ro riyana, ɔwa kə sɔŋ aŋesəm ka ȧdȧru.

Yɔn 6:38

Ȧtesoma-e i po thor kəwur ro riyana, pə yi hɛ tə kəyɔ mȧselɔ ma mi gbeŋ, kɛrɛ tə kəyɔ mȧselɔ ma ɔwe som mi.

Yɔn 6:42

kaŋ pa, Yisɔsȧŋ kɔn tha ɔwe, ɔwan ka Yosɛf-əŋ, ɔkas kɔŋ yi ɔkara kɔŋ sə tara-e, to som mɔ pa ka-ake, Minɛŋ i wur ro riana-e?

Yɔn 6:46

Pə yi hɛ kəpa wuni o wuni ɔ po nənk ɔKas, thambe kɔnɔ ɔwe wur ka Kuru, kɔnɔ ɔ po nənk ɔKas.

Yɔn 6:51

Minɛ yi kabo kəkəli ȧke wur ro riyana; bepi wuni o wuni ɔ di kabo ake, ɔ tə kəli thəbana: ɔwa kabo ȧke mə i sɔŋ kə yi aŋdɛr a mi, ta aŋesəm ŋa ȧdȧru.

Yɔn 6:62

To mə pə yi bepi nə nənk ɔWan ka wuni ɔ ŋat ka ɔdɛr ro ɔ la yi thəpaŋ-e?

Yɔn 8:42

Yisɔsȧŋ ɔ pa ro ŋaŋ, Bepi Kurɔŋ ɔ yi ɔKas ka nu-e, nə tə bɔthər mi: ȧtesoma-e, i wur kəwur ka Kuru; i der hɛ ka ȧŋmerȧ a mi gbeŋ, kɛrɛ kɔnɔ som mi.

Mȧyɔs ma aŋsom 2:34

Ȧtesoma-e Debid ɔ ŋat hɛ ro riyana, kɛrɛ kɔn kɔnɔnɛ ɔ pa, ƆMariki ɔ pa ka ɔMarki kȧmi, Yirȧ ka kȧta kȧmi kədiɔ,

Mȧyɔs ma aŋsom 20:28

Tiyȧŋ botnɛ nu, ɔwa kȧl tȧmtȧmnɛ ta akuthi bɛ ka aŋa ɔYina məsəm ɔ po bot nu aŋkəlɛnɛ-e, kȧmȧ nə wɔnthər aŋchɔch ŋa ɔMarki aŋa ɔ po wai ka mȧtir mɔŋ gbeŋ.

AŋRomans 10:6

Kɛrɛ mȧlompi ama yi rə kəlanɛ mə pa yaŋ, Te pa ka ȧŋmerȧ a mu, Kanɛ mə ŋat ro riana-e? (pə yi tə kəthora Kraystȧŋ).

1 AŋKɔrenth 15:47

Ɔwuni utɔtɔkɔ ɔ wur ka ȧŋthɔf, wuni ka kəbof wɔŋ; kɛrɛ ɔwe bekȧ ŋarəŋ ɔ yi ɔMarki ɔwe wur ro riyana.

AŋƐfisɔs 1:23

aŋa yi ȧŋdɛr ŋɔŋ, ɔlasər wa kɔn ɔwe mə lasər dɛr o dɛr yi tȧy o tȧy.