Yɔn 21:17 - Ȧŋlemrȧnɛ Ȧfu

¹⁷ Yisɔsȧŋ ɔ kȧl pa ro ŋɔŋ kəbeka məsas, Saymɔn, ɔwan ka Yɔnas, mə bɔthər mi-i? Ɔwa Pita ɔ saŋ amɔl ta ma Yisɔs ɔ pa ro ŋɔŋ kəbeka məsas, Mə bɔthər mi-i? kɔ pa ro ŋɔŋ, Pa, mə tȧrȧ mȧtȧy bɛ; mə tȧrȧ kəpa i bɔthər mu. Yisɔsȧŋ ɔ pa ro ŋɔŋ, Wɔnthər talɔmɛ ta mi.

Yɔn 21:17 ပူးပေါင်းရင်းမြစ်များ

Mathiu 25:40

Ɔwa ɔbȧy ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ po yɔ yi ka ukin ka aŋwɔnt mi-e, hali aŋlɔl lɔl aŋe-e, nǝ po yɔ ti ro rɔmi.

Mark 14:72

Ka ɔlɛmp wati katəpi ɔ tam kəbeka mȧrəŋ. Ka Pita ɔ kala ȧmerȧ ka ȧrim ara Yisɔs ɔ pa ro rɔŋɔŋ, Yeŋka katəpi ɔ tam marəŋ-e, mə tə pɛnsa mi məsas. Ma ɔ tȧmtȧmnɛ ti-e, ɔ bok.

Yɔn 12:8

Ȧtesoma-e nə ba ȧŋmɔnɛ ro nu lɔkɔ o lɔkɔ, kɛrɛ minɛŋ nə ba hɛ lɔkɔ o lɔkɔ.

Yɔn 13:38

Yisɔsȧŋ ɔ pa ro ŋɔŋ, Mə pa mə tə sɔnd aŋesəm a mu ta ȧtȧ mi-i? I kanɛ mu tɛntɛnɛ, katəpi ɔ ba hɛ kətam, haŋ mə po pɛnsa katəma məsas kəpa mə tɛ hɛ mi.

Yɔn 14:15

Bepi nə bɔthər mi, wop nu ɛyamari ɛ mi.

Yɔn 15:10

Bepi nə wop aŋyamari a mi-e, nə tə tiyȧ ka mabɔthər ma mi: mɔ mə i po wop aŋyamari ŋa ɔKas kȧmi, ka i tiya ka mȧbɔthər mɔŋ.

Yɔn 16:30

Ka-ake sə tȧrȧ kəpa mə tȧrȧ mȧtȧy bɛ, tə ba hɛ mu tȧy kȧmȧ wuni kəpet ɔ yifəth mu: ka ȧte sə lanɛ kəpa mə wur ka Kuru.

Yɔn 18:27

Pitaŋ ɔ pɛnsa sɔ; ɔwa ka ɔlɛmp wati katəpi ɔ tam.

Yɔn 18:4

Kɛrɛ Yisɔsȧŋ ma ɔ tȧrȧ mȧtȧy bɛ ama mə derər kɔ-e, ɔ wur, kɔ pa, Kanɛ mə nə thɛns-e?

Yɔn 21:18

I kanɛ mu tɛntɛnɛ, ma mə yi ufɛth-e, mun munɔnɛ mə senɛ ratɔŋ, mə kɔth ro mə yema-e: kɛrɛ ma mə po bȧk-e, mə tə thanthi mȧta ma mu, ɔwa wuni lɔm kɔnɔ mə sek mu ratɔŋ, ɔ tə kera mu ro mə te yema kɔ-e.

Yɔn 4:16

Yisɔsȧŋ ɔ pa ro ŋɔŋ, Kɔnɛ, tela ɔwos mu, kȧmȧ mə kȧl der.

Mȧyɔs ma aŋsom 1:24

kaŋ ramnɛ, aŋ pa, Munɔ ɔMarki, mə tȧrȧ ɛmerȧ ya afəm bɛ, tɔri su ɔreke ka aŋarəŋ aŋe mə po thith,

Mȧyɔs ma aŋsom 11:10

Ka a yɔ ȧte haŋ məsas, ka a kȧl liŋ ŋi bɛ ka ȧkȧriyana.

Mȧyɔs ma aŋsom 15:8

Ɔwa Kurɔŋ ɔwe tȧrȧ ɛmerȧ-e, ɔ sɔŋ ŋa məseri ma ɔ sɔŋ ŋa ɔYina məsəm, mɔ mɔ po sɔŋ su.

2 AŋKɔrenth 1:12

Kakolonɛ kȧsu ki ake, pə yi mɔ-e, aseri ŋa ɛmerȧ ɛ su-e, kəpa rə məsəm yi tȧteŋ rodi ka Kuru, pə yi hɛ rə kȧtemp ka rawuni kəpet kɛrɛ ka ȧŋboŋa ŋa Kuru, sə po kɔth ka ȧdȧru, ɔwa pə tha gbethi ro rɔnu.

AŋƐfisɔs 4:30

Ɔwa te nu bansəs ɔYina məsəm ka Kuru, ma pə yi a mathlɛ nu do rɔŋɔŋ haŋ ȧŋrey ŋa kabani.

1 Pitar 1:6

Te ba ti nə ba məbɔnɛ məbana, hali pə yi ka-ake ta alɔkɔ agbut ɛmerȧ ɛ nu ɛ lela salata ɛgbɔns tətəp tətəp.

2 Pitar 3:1

Ȧŋreka aŋa bekȧ yɛrəŋ ŋi aŋe abɔthər, ɔwa i gbalər yɛ yɛrəŋ kȧmȧ i gbukthis nu tə kəkal tȧmtȧmnɛ.

Kȧŋȧibinɛ 2:23

Ɔwa i ti dif aŋwuth ŋɔŋ, kȧmȧ ɛchɔch bɛ aŋ tȧrȧ kəpa minɛŋ, minɛ mə thekthek ɛnanɛ dɛ yi ɛmerȧ ya afəm; ɔwa i ti sɔŋ kin o kin kətɔŋ ka mu mɔlɔ ma mapanth mɔŋ mɔ yi.

Kȧŋȧibinɛ 3:19

I ŋal ŋa bɛ aŋa i bɔthər, ɔwa i sirans ŋa sɔ; tiyȧŋ ta mə yi uyasyas, ɔwa thupi thɔŋ.