Yɔn 20:17 - Ȧŋlemrȧnɛ Ȧfu

¹⁷ Yisɔsȧŋ ɔ pa ro ŋɔŋ, Te gboŋ mi; ȧtesoma-e, i tha ŋat hɛ ka ɔKas: kɔnɛ gbo ka aŋwɔnt a mi, mə pa ro ŋaŋ, I ŋat ka ɔKas kȧmi yi ɔKas ka nu; yi ka ɔKuru kȧmi, yi ɔKuru ka nu.

Yɔn 20:17 ပူးပေါင်းရင်းမြစ်များ

Mathiu 12:50

Ȧtesoma-e wuni o wuni ɔwe mǝ yɔ mȧselɔ ma ɔKas kȧmi ɔwe yi ro riana-e, kɔnɔ yi ɔwɔnt mi uruni yi ɔwɔnt mi ubɛra dɛ yi ɔkara kȧmi.

Mathiu 25:40

Ɔwa ɔbȧy ɔ tǝ pa ro ŋaŋ, Tɛntɛnɛ i kanɛ nu kǝpa, kǝbi ma nǝ po yɔ yi ka ukin ka aŋwɔnt mi-e, hali aŋlɔl lɔl aŋe-e, nǝ po yɔ ti ro rɔmi.

Mathiu 28:7

Ɔwa kɔnɛ nu lɛmp lɛmp kȧmȧ nǝ kanɛ aŋkarande ŋɔŋ kǝpa ɔ po yokanɛ ka rafi. Kǝla, ɔ tǝma nu kǝdi ro Kalili, ro mǝ nǝ nənk kɔ. Kǝla i po kanɛ nu.

Mark 12:26

Kɛrɛ salata aŋfi-e, kəpa aŋ tə kȧl yokanɛ; nə tha la hɛ karaŋ ka ȧkȧfȧ ka Mosisȧŋ ka ɔdɛr rə a gbal ta aŋgbɔfɔŋ, ma Kurɔŋ ɔ pa ro ŋɔŋ hɔ, Minɛ yi ɔKuru ka Ebraham, ɔKuru ka Aysak yi ɔKuru ka Yekɔb-i?

Mark 16:19

Ɔwa kədarəŋ ka ɔMarki Yisɔsȧŋ ɔ po fɔfȧnɛ ŋa-e, a ŋata kɔ rokɔm ro riyana, kɔ yirȧ ka kȧta kədiɔ ka Kuru.

Luk 10:4

Te nu keranɛ abuthu-o, agbaŋfa-o, thalɔm ɛkɔftha. Ɔwa te kori wuni o wuni ro roŋ.

Yɔn 13:1

Ɔwa yeŋka amet ma kapainɛ mə bek-e, ma Yisɔs ɔ tȧrȧ kəpa ȧŋlɔkɔ ŋɔŋ aŋ bek tə kəwur ka ȧdȧru are tə kəkɔnɛ ka ɔKas, ma ɔ po bɔthər aŋɔŋ aŋa yi ka ȧdȧru, ɔ bɔthər ŋa haŋ ka ɔthalnɛ.

Yɔn 13:3

Ka Yisɔsȧŋ ma ɔ tȧrȧ kəpa ɔKas ɔ po sɔŋ mȧtȧy bɛ ka mȧta mɔŋ, ɔwa ɔ wur ka Kuru, ɔwa ɔ tə kȧl ka Kuru;

Yɔn 14:2

Ka ȧŋseth ŋa ɔKas kȧmi məyira məgbathi me yi ri; bepi naŋ pə yi hɛ yi-e, i ti poŋ naŋ kanɛ nu. Minɛŋ i kɔ tə kəbɛnɛnɛ nu dɛr.

Yɔn 14:28

Nə po təl ma i pa ro nu, I kɔnɛ, kɛrɛ i ti kȧl der ro nu. Bepi nə bɔthər mi naŋ-e, nə tə ba ti məbɔnɛ, ȧtesoma-e i pa, i kɔ ka ɔKas; pəkasifɛ ɔKas ɔ thasi mi.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 16:28

I wur ka ɔKas, ka i der nɔru: ɔwa i kȧl tey ȧdȧru, ka i kɔnɛ ka ɔKas.

Yɔn 17:11

Ɔwa ka-ake i yi hɛ sɔ nɔru, kɛrɛ aŋe aŋ yi nɔru, ka minɛ i der ro mu. ƆKas usəm, bɛnɛ ŋa ka ȧŋes a mu, aŋa mə po sɔŋ mi, kȧmȧ aŋ ba ȧmerȧ ŋin mɔ mə saŋ sə ba.

Yɔn 17:25

O, Pa ulompi, ȧdȧru rə tɛ hɛ mu, kɛrɛ i po tȧrȧ mu, ɔwa aŋe aŋ tȧrȧ kəpa munɔ som mi.

Yɔn 17:5

Ka-ake, O Pa, yikis mi yi mun munɔnɛ yi aŋyiki aŋa i ba ro mu yeŋka ȧdȧru rə təpɛ.

Yɔn 20:27

Ɔ pa ka Thɔmɔs, Bot aŋsəl a mu nɔ, ɔwa kəli mȧta ma mi; ɔwa fata kȧta ka mu, mə bot ki ka aŋfuthəl a mi: te yi wuni ɔwe te lanɛ, kɛrɛ yi wuni ɔwe lanɛ.

Yɔn 7:33

Ka Yisɔsȧŋ ɔ pa ro ŋaŋ, Alɔkɔ agbut i yi ras rɛ naŋ, kədarəŋ kati i ti kɔnɛ ka ɔwe som mi.

AŋRomans 8:29

kotȧy-e ŋaŋ aŋa Kuru ɔ po thith thəpaŋ, ɔ ba mabotəs mati kȧmȧ aŋ taŋanɛ ka mȧbȧlȧnɛ ma ɔWan kɔŋ, kȧmȧ ɔWan kɔŋ ɔ yi ɔbaki kətɔŋ ka awɔnt agbȧthi.

2 AŋKɔrenth 6:18

I ti yi uKas do rɔnu, dɛ yi naŋ nə tə yi aŋwuth a mi aruni yi aŋwuth a mi abɛra, ƆKuru ka aŋfɔsɔ bɛ ɔ pa.

AŋKȧletia 3:26

Ȧtesoma-e naŋ bɛ nə yi awuth ŋa Kuru, asabu ŋa kȧlanɛ ka Yisɔs Kraystȧŋ.

AŋHibru 11:16

Kɛrɛ ka-ake aŋ fela athɔf afisa aŋa yi mɔ ro riyana; tiyȧŋ Kuru ɔ lap hɛ maŋ tela kɔ ɔKuru ka ŋaŋ, pəkasifɛ ɔ po bɛnɛnɛ kəpet ta ȧtȧ ŋaŋ.

AŋHibru 8:10

Kɛrɛ aŋlemranɛ ŋi aŋe aŋa mɛ re sek yi rȧkomra ra Isrɛl, Kədarəŋ ka marey mati, ɔMarki ɔ pa. I ti bot ɛthɔ ɛ mi ka ɛnanɛ yaŋ, I ti gbal yi ka ɛmerȧ yaŋ. Ɔwa i ti yi ɔKuru ka ŋaŋ, ɔwa ŋaŋ aŋ tə yi aŋfəm a mi.

1 Pitar 1:3

Ta aruba aŋ yi ka Kuru ɔKas ka ɔMarki kȧsu Yisɔs Kraystȧŋ. Ka ȧŋney ŋɔŋ abana ɔ po kom su ɔfu tə kəba kəgbak ȧmerȧ ȧke yi kəkəli salata kakal yokanɛ ka Yisɔs Krayst ka aŋfi,

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

Kȧŋȧibinɛ 21:3

Ka i təlȧ sɔ rim rəbana ara wur ka kawaŋ ka rȧbȧy, rə pa, Kəla, ɔyirȧ wa Kuru ɔ yi rɛ afəm a kəpet, ɔwa ɔ tə yirȧ kətɔŋ ka ŋaŋ-e, ɔwa aŋ tə yi aŋfəm ŋɔŋ, ka Kuru kɔn kɔnɔnɛ ɔ tə yi rɛ ŋaŋ, ɔwa ɔ tə yi ɔKuru ka ŋaŋ gbeŋ.

Kȧŋȧibinɛ 21:7

Ɔwe tham ɔ tə sɔthɔ mȧtȧy ame bɛ kəŋ. Ɔwa minɛŋ i ti yi ɔKuru kɔŋ-e, ɔwa kɔnɔ ɔ tə yi ɔwan kȧmi.