Yɔn 19:6 - Ȧŋlemrȧnɛ Ȧfu

⁶ Ma aŋfode abana yi anturgba aŋ nənk kɔ-e, aŋ woŋa, aŋ pa, Tȧŋ kɔ ka akənt kəpəŋkinɛ, tȧŋ kɔ ka akənt kəpəŋkinɛ! Payletȧŋ ɔ pa ro ŋaŋ, Naŋ gbasi kɔ nu, nə tȧŋ kɔ ka akənt kəpəŋkinɛ, kotȧy-e minɛ i fir hɛ tȧy o tȧy ȧte yi tələs ro ŋɔŋ.

Yɔn 19:6 ပူးပေါင်းရင်းမြစ်များ

Mathiu 26:58

Ɔwa Pitarȧŋ ɔ tȧŋ kɔ ɔbɔli poŋ, kǝkɔ ka ȧŋbare ŋa ɔfode ubana, kɔ wɔŋ, ɔ yirȧ yi aŋkurgba tǝ kǝnǝŋk ɔthalnɛ.

Mathiu 27:22

Ka Paylet ɔ pa ro ŋaŋ, To mǝ i yɔ thɔŋ Yisɔsȧŋ-e, ɔwe a bont Krayst-e? kaŋ pa ro ŋɔŋ, Tȧŋ kɔ ka akǝnt kǝpǝnkinɛ!

Mathiu 27:24

Ka Pailatȧŋ ma ɔ nənk kǝpa ɔ gbǝli hɛ koko-e, kɛrɛ atotok aŋ tǝp kǝfumpɔ-e, ɔ gbasi mȧnt ɔ yak mȧta mɔŋ rodi ka ȧruniya bɛ, ɔ pa, Minɛ min paŋi tȧy ka mȧtir ma ɔwuni lompi ɔwe. Kǝlɛnɛ ti nu.

Luk 23:4

Paylet ɔ pa ka aŋfode abana yi ka aŋfəm, I fir hɛ athɛkɛ ka ɔlaŋgba ɔwe.

Yɔn 18:3

Yudasȧŋ ȧŋlɔkɔ ŋati, ma ɔ po sɔthɔ atim yi aturgba ka aŋbȧki ŋa aŋfode yi aŋFarisi-e, ɔ der ri yi ɛlamp yi tulɛ yi ɛyɛt ɛtimȧ.

Yɔn 18:31

Payletȧŋ ɔ pa ro ŋaŋ, Gbasi kɔ nu, nə thonkas kɔ ka ȧŋthɔ a nu. AŋYuda aŋ pa, Sə ba hɛ məmari tə kədif wuni o wuni:

Yɔn 18:38

Payletȧŋ ɔ pa, Ko yi tateŋ-e? Ma Payletȧŋ ɔ po pa ȧte, ɔ kȧl wur ka aŋYuda, ɔ pa ro ŋaŋ, I tha fir hɛ tȧy o tȧy tələs ro ŋɔŋ.

Yɔn 19:15

Kɛrɛ aŋ woŋa, aŋ pa, Kera kɔ nu, kera kɔ nu, tȧŋ kɔ ka akənt kəpəŋkinɛ. Payletȧŋ ɔ pa ro ŋaŋ, Nə yema i tȧŋ ɔBȧy ka nu ka akənt kəpəŋkinɛ-i? Aŋfode abana aŋ pa, Sə ba hɛ ubȧy thambe Sisarȧŋ.

Yɔn 19:4

Payletȧŋ ɔ kȧl wur rokaŋ, ɔ pa ro ŋaŋ, Kəlo i wurɔ nu kɔ, kȧmȧ nə tȧrȧ kəpa i fir hɛ ro ŋɔŋ tȧy o tȧy tələs.

Mȧyɔs ma aŋsom 2:23

Kɔnɔ a lȧnki tand ka mabotəs yi kȧtȧrȧ ka Kuru thəpaŋ, ɔwa naŋ-e, ka mȧta ma afəm ȧthȧnthonɛ, nə tȧŋ kɔ ka akənt kəpəŋkinɛ, nə dif kɔ.

Mȧyɔs ma aŋsom 7:52

Unabi ureke ɔ yi ɔwe aŋkas a nu aŋ te sɔmpa-e? Aŋ po difəth ŋa aŋa tɔri thəpaŋ ta kȧder ka ɔLompi ukin; ta ɔwe naŋ nə po səkɛ aŋsɔnd yi adif.