Yɔn 19:26 - Ȧŋlemrȧnɛ Ȧfu

²⁶ Ma Yisɔsȧŋ ɔ nənk ɔkara kɔŋ-e, yi ɔkarande ɔwe ɔ bɔthər aŋ təmȧ rayɛr-e, ɔ pa ka ɔkara kɔŋ, Wuni bom, kəli ɔwan ka mu!

Yɔn 19:26 ပူးပေါင်းရင်းမြစ်များ

Yɔn 13:23

Ukarande ukin ɔwe Yisɔsȧŋ ɔ bɔthər, ɔ sɛlinɛ ka aŋkəpət ŋa Yisɔs, ka ȧŋthebul.

Yɔn 2:4

Ka Yisɔs ɔ pa ro ŋɔŋ, Ya, ko i ba tə kəyɔ yi munɔŋ-e? Ȧŋlɔkɔ a mi aŋ tha bek hɛ.

Yɔn 20:2

Tiyȧŋ ɔ gbukɛ, ɔ der ka Saymɔn Pita, yi ka ɔkarande ulɔm, ɔwe Yisɔsȧŋ ɔ bɔthər, ɔ pa ro ŋaŋ, Aŋ po wurɔ ɔMarki ka kȧboma, ɔwa sə tɛ hɛ ro a bot kɔ.

Yɔn 21:20

Pitaŋ ɔ fəlɛ, ɔ nənk ɔkarande ɔwe Yisɔs ɔ bɔthər ɔ tȧŋ ŋa; kɔnɔŋ ɔwe sɛlinɛ ka aŋkəpət ŋɔŋ ka kadi, ɔwa ɔwe pa, Pa, kanɛ yi ɔwe mə sɔnd mu-e?

Yɔn 21:24

Ɔkarande ɔwe kɔnɔ gbaki ta mȧtȧy ame, kɔ gbal mȧtȧy ame: ɔwa sə tȧrȧ kəpa aŋgbaki ŋɔŋ aŋ yi tȧteŋ.

Yɔn 21:7

Tiyȧŋ ɔkarande ɔwe Yisɔsȧŋ ɔ bɔthər ɔ pa ka Pita, ƆMariki kɔnɔŋ. Ma Saymɔn Pitaŋ ɔ təl kəpa ɔMarki kɔnɔŋ-e, ɔ senɛ aruma rɔŋ ratɔŋ (ȧtesoma-e ɔ yi utiŋ), kɔ fithanɛ ro baŋ.