Yɔn 18:37 - Ȧŋlemrȧnɛ Ȧfu

³⁷ Payletȧŋ pa ro ŋɔŋ, Mə yi mən ubai-i? Yisɔsȧŋ ɔ pa Aŋko, mə pa tȧteŋ, i yi ubȧy. Ta ȧte tə a kom mi, ɔwa ta ȧŋsabu aŋe tə i der ka ȧdȧru, kȧmȧ i gbaki ta tȧteŋ. Wuni o wuni ɔwe yi ka tȧteŋ ɔ təl ȧrim ra mi.

Yɔn 18:37 ပူးပေါင်းရင်းမြစ်များ

Mathiu 26:64

Ka Yisɔsȧŋ ɔ pa ro ŋɔŋ, Mǝ po pa ti, kɛrɛ i kanɛ nu, alɔkɔ alɔm nǝ ba kǝnǝnk ɔWan ka wuni ɔ yirȧ ka kȧta kȧdiyɔ ka afɔsɔ, ɔ tǝ der ka tǝrǝnt tǝfera ka ȧkuru.

Mathiu 27:11

Ka Yisɔsȧŋ ɔ tǝma rodi ka ɔgbǝka, ka ɔgbǝka ɔ yif kɔ, ɔ pa, Munɔ yi ɔbȧy ka aŋYuda-i? Ka Yisɔsȧŋ ɔ pa ro ŋɔŋ, Munɔ mǝ po ti thɔ pa.

Mark 14:62

Ka Yisɔs ɔ pa, Minɛŋ, ɔwa nə tə nənk ɔWan ka wuni ɔ yirȧ ka kȧta kədiɔ ka afɔsɔ, ɔ tə der ka tarənt təfera ta ȧkuru.

Mark 15:2

Ka Payletȧŋ ɔ yif kɔ, Munɔ yi ɔbȧy ka aŋYuda-i? kɔ wosa kəpa, Ya mə pa.

Luk 22:70

Ka ŋa bɛ aŋ pa, Mə yi hɔ ɔWan ka Kuru-i? kɔ pa ro rɔŋaŋ, Pə yi mɔ mə nə pa-e, minɛŋ.

Luk 23:3

Ka Paylet ɔ yif kɔ, ɔ pa, Munɔ yi ɔbȧy ka aŋYuda-i? kɔ wosȧnɛ kɔ ɔ pa, Mə po thɔ pa ti.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 1:17

Ȧtesoma-e Mosisȧŋ kɔnɔ sɔŋ ȧŋthɔ; kɛrɛ ȧŋboŋa yi tȧteŋ ɛ der ka kȧta ka Yisɔs Krayst.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 3:32

Ta ȧte ɔ po nənk yi ta ȧte ɔ po təl, tə mɔ seri, kɛrɛ wuni o wuni ɔ wop hɛ maseri mɔŋ.

Yɔn 7:17

Bepi wuni o wuni ɔ selɔ tə kəyɔ mȧselɔ mɔŋ-e, ɔ tə tȧrȧ ta kathəksa, bepi kə wur ka Kuru, thalɔm bepi i fɔf kəwur ka ȧŋmerȧ a mi son.

Yɔn 8:14

Yisɔs ɔ wosa ɔ pa, Hali i gbakiɛnɛ, aŋgbaki a mi aŋ yi tȧteŋ: ȧtesoma-e, i tȧrȧ ro i wur, ɔwa i tȧrȧ ro mə i kɔ-e; kɛrɛ naŋ nə tɛ hɛ ro i wur, thalɔm ro mə i kɔ-e.

Yɔn 8:45

Kɛrɛ ma i kanɛ nu tȧteŋ, nə lanɛ hɛ mi.

Yɔn 8:46

Wuni reke kətɔŋ ka nu ɔ gbəli sɔŋ mi mətheri ta ahakɛ-e? Ɔwa bepi i kanɛ nu tȧteŋ, kɔyɛŋ nə te mi lanɛ-e?

Yɔn 8:47

Wuni ɔwe yi ka Kuru ɔ təl ȧsim ta Kuru: tesom nə təl hɛ ti, pəkasifɛ nə yi hɛ ka Kuru.

1 Timɔthi 6:13

I maŋ mu ka kȧbəprȧnɛ ka Kuru, ɔwe mə sɔŋ ŋesəm ka koko bɛ ara ɔ bɛmpa, dɛ yi rodi ka Yisɔs Kraystȧŋ, ɔwe po sɔŋ məseri məfinɔ rodi ka Pɔntiɔs Pailat-e.

1 Pitar 1:22

Ɔwa ma nə poŋ thɔŋ gbəransnɛ rə kəsanɛ ka tȧteŋ kəkɔ rə məbɔthər məgbenthis mȧ rȧwɔnt, kətȧŋ ka ɔYina məsəm, kəli nu kȧmȧ nə bɔthərȧnɛ asɔbɛ rə ȧmerȧ ȧferȧ,

1 Yɔn 2:21

I gbalər hɛ nu ta ma nə te tȧrȧ tȧteŋ, kɛrɛ pəkasifɛ nə tȧrȧ ti, ɔwa nə tȧrȧ kəpa rəyem o rəyem rə wur hɛ ka tȧteŋ.

1 Yɔn 3:14

Saŋ sə tȧrȧ kəpa sə po wur ka rəfi sə po wɔŋ ka aŋesəm, pəkasifɛ sə bɔthər aŋwɔnt. Ɔwe mə te bɔthər ɔwɔnt kɔŋ ɔ tiyȧ ka rəfi.

1 Yɔn 3:19

Ka ȧte sə tə tȧrȧ kəpa sə yi ka tȧteŋ, ɔwa sə tə bȧk kəbuth roder kɔŋ kədi

1 Yɔn 4:6

Saŋ sə yi ta Kuru: ɔwe tȧrȧ kɔ ɔ təlȧ su; kɛrɛ kɔn ɔwe te yi ta Kuru ɔ təlȧ hɛ su. Ka ȧte sə tȧrȧ ɔgbaskɛ wa aŋyina ka təteŋ, yi aŋyina ŋa rəyem.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

Kȧŋȧibinɛ 1:4

Yɔn, ka ɛchɔch tȧmthədɛrəŋ ya ro Asia. Ta aboŋa aŋ yi do rɔnu, yi məthɔfəl kəwur ka kɔn ɔwe yi, dɛ yi ɔwe la yi, dɛ yi ɔwe yi tə kəder; yi ka ɛyina tȧmthədɛrəŋ ɛyɛ yi rodi ka kawaŋ ka rȧbȧy rɔŋ;

Kȧŋȧibinɛ 3:14

Gbal ka ɔkəlianɛ ka aŋchɔch ŋa ro La-odishiya kəpa ye, Ȧsim ta ɔwe yi ɔSeri utəteŋ, ɔTəpi ka ɛyɛt ɛbɛmpa ya Kuru, ti ȧte.