Yɔn 17:3 - Ȧŋlemrȧnɛ Ȧfu

³ Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Yɔn 17:3 ပူးပေါင်းရင်းမြစ်များ

Mark 9:37

Wuni o wuni ɔwe mə malanɛ ukin ka aŋfɛth mɔ ɔwe ka ȧŋes a mi-e, minɛ ɔ malanɛ; ɔwa wuni o wuni ɔwe mə malanɛ mi, min thahɔ ɔ malanɛ, kɛrɛ ɔwe som mi-e.

Luk 9:48

ɔ pa ro rɔŋaŋ, Wuni o wuni ɔwe malanɛ ɔwath ufɛth ɔwe ka ȧŋes a mi, minɛŋ ɔ malanɛ; ɔwa wuni o wuni ɔwe mə malanɛ mi ɔ malanɛ kɔn ɔwe som mi, kotȧy-e ɔwe tha yi ulɔl bɛ kətɔŋ ka nu, kɔnɔ yi ubana.

Yɔn 10:36

nə pa ta atɔŋ, ɔwe ɔKas ɔ po səməs, ɔwa ɔ som ka ȧdȧru, Mə ŋamnɛ Kurɔŋ, pəkasifɛ i pa, Minɛ yi ɔWan ka Kuru-i?

Yɔn 11:42

Ɔwa i tȧrȧ mə təlȧ mi lɔkɔ o lɔkɔ: kɛrɛ salata aŋfəm aŋa təmȧ təmȧ nɔ i pa ti, kȧmȧ aŋ lanɛ kəpa munɔ som mi.

Yɔn 14:26

Kɛrɛ ɔBɛfəth, ɔYina məsəm, ɔwe ɔKas ɔ tə som ka ȧŋes a mi, ɔ tə thəksa nu mȧtȧy bɛ, ɔwa ɔ tə kala ɛnanɛ ɛ nu ka mȧtȧy bɛ ama i po kanɛ nu.

Yɔn 17:18

Mɔ mə po som mi ka ȧdȧru, yɛ minɛŋ sɔ i po som ŋa ka ȧdȧru.

Yɔn 17:21

kȧmȧ ŋaŋ bɛ aŋ ba ȧmerȧ ŋin; mɔ munɔŋ, Pa, mə yi rokor kȧmi, yi minɛŋ i yi rokor ka mu, kȧmȧ ŋaŋ sɔ aŋ yi rokor kȧsu: kȧmȧ ȧdȧru rə lanɛ kəpa munɔ som mi.

Yɔn 17:23

minɛŋ rokor ka ŋaŋ, yi munɔŋ rokor kȧmi, kȧmȧ aŋ ba ȧmerȧ ŋin agbenthis; kȧmȧ ȧdȧru rə tȧrȧ kəpa munɔ som mi, ɔwa mə bɔthər ŋa mɔ mȧ mə bɔthər mi.

Yɔn 17:25

O, Pa ulompi, ȧdȧru rə tɛ hɛ mu, kɛrɛ i po tȧrȧ mu, ɔwa aŋe aŋ tȧrȧ kəpa munɔ som mi.

Yɔn 17:8

ȧtesoma-e, i po sɔŋ ŋa ȧsim ȧte mə po sɔŋ mi; ɔwa aŋ malanɛ ti, ɔwa aŋ tȧrȧ tȧteŋ kəpa i wur ro mu, ɔwa aŋ lanɛ kəpa munɔ som mi.

Yɔn 3:17

kotȧy-e Kuru ɔ som hɛ ɔWan kɔŋ ka ȧdȧru tə kəthoŋkas ȧdȧru, ɔ som kɔ tə kəkisis ȧdȧru.

Yɔn 3:34

kotȧy-e, kɔnɔ ɔwe Kuru ɔ som ɔ tə fɔf ȧsim ta Kuru: ȧtesoma-e Kurɔŋ ɔ thuntha hɛ kɔ ɔYina.

Yɔn 5:44

To mə nə gbəli lanɛ-e, ma mə nə sɔthɔ ayiki wuni kin ka ulɔm-e, kɛrɛ nə thɛns hɛ aŋyiki aŋa wur ka Kuru son-e?

Yɔn 6:57

Mɔ mə ɔKas ukəli ɔ som mi, ɔwa i ŋesəm salata ɔKas, ya pə yi sɔ kɔn ɔwe mə di mi, kɔnɔ sɔ ɔ tə ŋesəm salata mi.

Yɔn 7:29

Kɛrɛ minɛŋ i tȧrȧ kɔ, ȧtesoma-e i wur ro ŋɔŋ, ɔwa kɔnɔ som mi.

Yɔn 8:19

kaŋ pa ro ŋɔŋ, Reke ɔKas ka mu ɔ yi-e? Yisɔsȧŋ ɔ wosa, Naŋ nə tɛ hɛ mi, nə tɛ hɛ ɔKas kȧmi: bepi nə tȧrȧ mi naŋ-e, nə tə tȧrȧ sɔ ɔKas kȧmi.

1 AŋKɔrenth 15:34

Thəmɛ nu ka mȧlompi, ɔwa te yɔ ahakɛ. Kotȧy-e alɔm aŋ tɛ hɛ Kurɔŋ bɛ. I fɔf ȧte tə kəlapəs nu.

1 AŋKɔrenth 8:4

Tiyȧŋ salata kȧdi ɛyɛt ɛfȧkȧ ɛrɔŋ-e, sə tȧrȧ kəpa ɛyɛt ɛpath ɛ yi hɛ koko ka ȧdȧru, ɔwa kuru ulɔm ɔ yi hɛ thambe ukin gbo.

2 AŋKɔrenth 4:6

kotȧy-e Kuru ɔwe yamari kȧmȧ ɔwaŋ ɔ gbɛntha kəwur ka ȧŋsum-e, kɔnɔ po gbɛntha ka ɛmerȧ ɛ su tə kəsɔŋ ɔwaŋ wa kȧtȧrȧ ka anyiki ŋa Kuru ka ader ra Yisɔs Kraystȧŋ.

AŋFilipai 3:10

Kaŋka gbo i gbəli tȧrȧ kɔ yi aŋfɔsɔ ŋa kakal yokanɛ kɔŋ ka rafi, tə kəyeranɛ ȧŋsɔmpanɛŋ ŋɔŋ, ɔwa sɔ-e, kȧmȧ i fi hali mɔ kɔnɔ ɔ fi.

AŋFilipai 3:8

Ya pə yi, i dim koko bɛ salata ɔfinɔ ɔbaki mɔlɔ wa kətara Yisɔs Krayst ɔMarki kȧmi; ɔwa ta atɔŋ i poŋ dim mȧtȧy bɛ, ka i nənk ma mɔ ɛka ya amuruŋ kȧmȧ i gbəli sɔthɔ Krayst,

1 AŋThɛsȧlonika 1:9

kotȧy-e ŋaŋ gbeŋ aŋ seri ta ȧtȧ su-e, kaŋ tɔri to naŋ nə malanɛ su-e, ɔwa to nə lafthɛ ka Kuru kəwur ka ɛrɔŋ tə kəbatho ɔKuru ukəli utəteŋ,

2 AŋThɛsȧlonika 1:8

rə nȧnt nəmara, tə kəsɔŋ kəkalɔ ka ŋaŋ aŋa pɛnsa Kuru, dɛ yi aŋa te wop ȧkɛra kəfinɔ ka ɔMarki kȧsu Yisɔs Kraystȧŋ.

AŋHibru 3:1

Te ba ti, awɔnt asəm, ayeranɛ ka katela ka ro riana-e, kala ȧmerȧ ka Yisɔs Krayst, ɔwe yi mɔ ɔSom dɛ yi ɔFode ubana ka kȧlanɛ kȧsu.

2 Pitar 1:2

Ta pə yi aboŋa yi məthɔfəl ɛ bȧrȧnɛ nu kətȧŋ ka kȧtȧrȧ ka Kuru, yi ka Yisɔs ɔMarki kȧsu.

2 Pitar 1:3

Mɔlɔ ma aŋfɔsɔ ŋɔŋ asəm aŋ po sɔŋ su tȧy o tȧy ȧtȧ sə yema ta aŋesəm yi ta kakɔth ka aroŋ da Kuru, kətȧŋȧnɛ ka kȧtȧrȧ ka ɔwe po tela su ta aŋyiki dɛ yi mafinɔ mɔŋ məthɔth.

2 Pitar 1:8

kotȧy-e bepi mȧtȧy ame mə yi nu, ɔwa mə bȧrnɛ sɔ-e, mə tə yɔ nu nə tȧrȧ ɔMarki kȧsu Yisɔs Kraystȧŋ kəte yi na ayay thalɔm na akoŋfereŋ ka kȧtȧrȧ kati.

1 Yɔn 1:2

a tɔri aŋesəm, ɔwa saŋ sə po nəŋka ŋi rəfɔr, ɔwa sə seri ta ŋi, ka sə tɔri nu aŋesəm thəbana aŋa yi ka ɔKas, yi aŋa a po tɔri su;

1 Yɔn 1:3

ɔwa saŋ sə tɔri nu ara sə po nənk, yi ara sə po təl, kȧmȧ naŋ nə gbəli ba məmanɛ yi saŋ; ɔwa tɛntɛnɛ mamanɛ ma su mə yi yi ɔKas, dɛ yi ɔWan kɔŋ Yisɔs Kraystȧŋ.

1 Yɔn 2:23

Wuni o wuni ɔwe mə pɛnsa ɔWan ɔ ba hɛ ɔKas; kɛrɛ ɔwe mə gbithanɛ ɔWan ɔ ba sɔ ɔKas.

1 Yɔn 4:6

Saŋ sə yi ta Kuru: ɔwe tȧrȧ kɔ ɔ təlȧ su; kɛrɛ kɔn ɔwe te yi ta Kuru ɔ təlȧ hɛ su. Ka ȧte sə tȧrȧ ɔgbaskɛ wa aŋyina ka təteŋ, yi aŋyina ŋa rəyem.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.