Yɔn 17:25 - Ȧŋlemrȧnɛ Ȧfu

²⁵ O, Pa ulompi, ȧdȧru rə tɛ hɛ mu, kɛrɛ i po tȧrȧ mu, ɔwa aŋe aŋ tȧrȧ kəpa munɔ som mi.

Yɔn 17:25 ပူးပေါင်းရင်းမြစ်များ

Mathiu 11:27

ƆKas kȧmi ɔ po sɔŋ mi mətȧy bɛ, ɔwa wuni o wuni ɔ tɛ hɛ ɔWan thambe ɔKas; ɔwa wuni o wuni ɔ tɛ hɛ ɔKas thambe ɔWan dɛ yi ka ɔwe ɔWan ɔ yema tǝ kǝŋaibi kɔ.

Mathiu 16:16

Ka Saymɔn Pitarȧŋ ɔ lasi, ɔ pa, Munɔ yi ɔKrayst, ɔWan ka ɔKuru ukǝli.

Luk 10:22

ƆKas kȧmi ɔ po maŋkər mi mȧtȧy bɛ, ɔwa wuni o wuni ɔ tȧrȧ hɛ ɔWan thambe ɔKas; yi ɔ tȧrȧ hɛ ɔKas thambe ɔWan yi kɔnɔ ka ɔwe ɔWan mɔ ŋaibia kɔ.

Yɔn 1:18

Wuni kəpet ɔ tha nənk hɛ Kuru hali; ɔWan gbo son, ɔwe yi ka aŋkəpət ŋa ɔKas, kɔnɔ ɔ po ŋaibi kɔ.

Yɔn 10:15

hali mɔ ɔKas ɔ tȧrȧ mi, ɔwa minɛ i tȧrȧ ɔKas; ka i sɔnd aŋesəm a mi ta talɔmɛ.

Yɔn 15:21

Kɛrɛ mȧtȧy ame bɛ aŋ tə yɔ nu salata ȧŋes a mi, pəkasifɛ aŋ tɛ hɛ ɔwe som mi.

Yɔn 16:27

ȧtesoma-e ɔKas kɔn kɔnɔnɛ ɔ bɔthər nu, pəkasifɛ naŋ nə po bɔthər mi, ɔwa nə lanɛ kəpa i wur ka ɔKas.

Yɔn 16:3

Mȧtȧy ame aŋ tə yɔ nu, pəkasifɛ aŋ tɛ hɛ ɔKas, thalɔm minɛŋ.

Yɔn 16:30

Ka-ake sə tȧrȧ kəpa mə tȧrȧ mȧtȧy bɛ, tə ba hɛ mu tȧy kȧmȧ wuni kəpet ɔ yifəth mu: ka ȧte sə lanɛ kəpa mə wur ka Kuru.

Yɔn 17:11

Ɔwa ka-ake i yi hɛ sɔ nɔru, kɛrɛ aŋe aŋ yi nɔru, ka minɛ i der ro mu. ƆKas usəm, bɛnɛ ŋa ka ȧŋes a mu, aŋa mə po sɔŋ mi, kȧmȧ aŋ ba ȧmerȧ ŋin mɔ mə saŋ sə ba.

Yɔn 17:18

Mɔ mə po som mi ka ȧdȧru, yɛ minɛŋ sɔ i po som ŋa ka ȧdȧru.

Yɔn 17:21

kȧmȧ ŋaŋ bɛ aŋ ba ȧmerȧ ŋin; mɔ munɔŋ, Pa, mə yi rokor kȧmi, yi minɛŋ i yi rokor ka mu, kȧmȧ ŋaŋ sɔ aŋ yi rokor kȧsu: kȧmȧ ȧdȧru rə lanɛ kəpa munɔ som mi.

Yɔn 17:23

minɛŋ rokor ka ŋaŋ, yi munɔŋ rokor kȧmi, kȧmȧ aŋ ba ȧmerȧ ŋin agbenthis; kȧmȧ ȧdȧru rə tȧrȧ kəpa munɔ som mi, ɔwa mə bɔthər ŋa mɔ mȧ mə bɔthər mi.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Yɔn 17:8

ȧtesoma-e, i po sɔŋ ŋa ȧsim ȧte mə po sɔŋ mi; ɔwa aŋ malanɛ ti, ɔwa aŋ tȧrȧ tȧteŋ kəpa i wur ro mu, ɔwa aŋ lanɛ kəpa munɔ som mi.

Yɔn 3:17

kotȧy-e Kuru ɔ som hɛ ɔWan kɔŋ ka ȧdȧru tə kəthoŋkas ȧdȧru, ɔ som kɔ tə kəkisis ȧdȧru.

Yɔn 6:19

Maŋ po ŋas mɔlɔ ma ɛmail ɛsas thalɔm ɛmail yanlɛ, aŋ nənk Yisɔsȧŋ ɔ kɔth ka kȧbȧŋ rokɔm, ɔ tə fatər ȧŋbil: kaŋ nesa.

Yɔn 7:29

Kɛrɛ minɛŋ i tȧrȧ kɔ, ȧtesoma-e i wur ro ŋɔŋ, ɔwa kɔnɔ som mi.

Yɔn 8:19

kaŋ pa ro ŋɔŋ, Reke ɔKas ka mu ɔ yi-e? Yisɔsȧŋ ɔ wosa, Naŋ nə tɛ hɛ mi, nə tɛ hɛ ɔKas kȧmi: bepi nə tȧrȧ mi naŋ-e, nə tə tȧrȧ sɔ ɔKas kȧmi.

Yɔn 8:55

Ɔwa nia nə tɛ hɛ kɔ, kɛrɛ minɛ i tȧrȧ kɔ: ɔwa bepi i pa i tɛ hɛ kɔ-e, i ti yi uyem mɔ niaŋ: kɛrɛ i tȧrȧ kɔ, ɔwa i wop ȧrim rɔŋ.

Mȧyɔs ma aŋsom 17:23

Ȧtesoma-e mȧ mȧ i thasəs-e, i kəli ɛyɛt ɛyɛ nə bȧtho, ka i nənk abɛsɛ ro a gbal, TA ƆKURU ƆWE sə TE TARA. Kɔnɔ ɔwe nə bȧtho kəte kɔ tȧrȧ, kɔnɔ kati mə i tɔri nu.

Mȧyɔs ma aŋsom 26:18

tə kəkanthi ɛfɔr yaŋ kȧmȧ aŋ wur ka ȧŋsum, aŋ der ka kawalɛ, kȧmȧ aŋ wur ka aŋfɔsɔ ŋa Sethani kəkɔ ka Kuru, kȧmȧ aŋ sɔthɔ katerɔ ka ɛhakɛ yi kɛŋ kətɔŋ ka ŋaŋ aŋa a səməs rə kəlanɛ mi.

AŋRomans 1:28

Ɔwa maŋ pɛnsa tə kənanɛ Kuru ka ɛmerȧ yaŋ-e, ɔ sɔnd ŋa ka ɛmerȧ ɛthayoŋ kȧmȧ aŋ yɔ ȧtȧy ȧtȧ te thesa.

AŋRomans 3:11

Wuni tȧrȧ tȧy ɔ yi hɛ, Wuni ɔwe thɛns Kuru ɔ yi hɛ.

AŋRomans 3:26

tə kətɔri mȧlompi mɔŋ ka ȧŋlɔkɔ aŋe, tə kəyi, kɔn kɔnɔnɛ ɔ yi ulompi, ɔwa ɔ gbəli sɔŋ məlompi sɔ ka kɔn ɔwe mə lanɛ ka Yisɔs.

1 AŋKɔrenth 1:21

Ma pə yi kətȧŋȧnɛ ka kȧtemp ka ȧdȧru-e adaru rə tɛ hɛ Kuru-e, rodarəŋ kati Kurɔŋ ka kȧtemp kɔŋ, ɔ thith tə kəkisis aŋa lanɛ ka ȧŋpənk ŋa kakawandi.

1 AŋKɔrenth 15:34

Thəmɛ nu ka mȧlompi, ɔwa te yɔ ahakɛ. Kotȧy-e alɔm aŋ tɛ hɛ Kurɔŋ bɛ. I fɔf ȧte tə kəlapəs nu.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

2 AŋThɛsȧlonika 1:8

rə nȧnt nəmara, tə kəsɔŋ kəkalɔ ka ŋaŋ aŋa pɛnsa Kuru, dɛ yi aŋa te wop ȧkɛra kəfinɔ ka ɔMarki kȧsu Yisɔs Kraystȧŋ.

AŋHibru 8:11

Aŋ ba hɛ sɔ kəthəksa wuni o wuni ɔfatanɛ kɔŋ, Dɛ yi wuni o wuni ɔwɔnt kɔŋ, tə kəpa, Tara ɔMarki; kotȧy-e ŋaŋ bɛ aŋ tə tȧrȧ mi, Kətəp ka ɔlɔl haŋ kəkɔ ka ɔbana.

1 Yɔn 1:9

Bepi sə gbithanɛ ɛhakɛ ɛ su, ɔ yi ubɔthi lanɛ dɛ ɔ yi ulompi tə kətera ɛhakɛ ɛ su, yi tə kəfethər su kəwur ka məkənə bɛ.

Kȧŋȧibinɛ 13:8

Ɔwa ŋa bɛ aŋa yirȧ ka ȧdȧru aŋ tə bȧtho kɔ, pə yi mɔ-e, ŋa bɛ aŋa te ba ames maŋ ka ȧkȧfȧ ka aŋesəm ka kaLɔmɛ kəfɛth, ɔwe a fai sathka kȧbi ka ɔtəpɛr wa ȧdȧru.

Kȧŋȧibinɛ 16:5

Ka i təlȧ ɔmaleka ka ȧmȧnt ame ɔ pa, Munɔ yi ɔlompi ɔMarki ɔwe yi, dɛ yi ɔwe la yi, dɛ yi ɔwe ba tə kəyi, pəkasifɛ mə po thonkas yaŋ.