Yɔn 17:24 - Ȧŋlemrȧnɛ Ȧfu

²⁴ Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Yɔn 17:24 ပူးပေါင်းရင်းမြစ်များ

Mathiu 25:21

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ. Mǝ po yi ubɔthi lanɛ rǝ yɛt ɛthan. I ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Mathiu 25:23

Ɔmariki kɔŋ ɔ pa ro ŋɔŋ, Mǝ yɔ ɔlompi, munɔ mun bɔy ufinɔ ubɔthi lanɛ; mǝ po yi ubɔthi lanɛ rǝ yɛt ɛthan, i ti bot mu rokɔm ka yɛt ɛgbathi. Wɔŋ ka mabɔnɛ ma ɔmarki ka mu.

Mathiu 25:34

Ka ȧŋlɔkɔ ŋati ɔBȧy ɔ tǝ pa ro ŋaŋ ka kȧdiyɔ kɔŋ, Der nu naŋ aruba ŋa ɔKas kȧmi, wɔŋ nu ka rȧbȧy ara a bɛnɛnɛ ta ȧtȧ nu kǝbi ma ȧdȧru rǝ tǝpɛ.

Mathiu 26:29

I kanɛ nu, i mun hɛ sɔ mȧkomi ame ma ɛyɛt ɛgbam, haŋ ka ȧŋrey aŋa mǝ i mun ma ɔfu yi naŋ ka rȧbȧy ra ɔKas kȧmi.

Luk 12:37

Ɛbɔy ŋati aŋ ba ȧruba aŋa ɔMarki ɔ bəp ŋa aŋ yi akəli ma ɔ bek. Tɛntɛnɛ i kanɛ nu, ɔ tə bɛnɛnɛ, ɔ tə yɔ ŋa aŋ yirȧ tə kədi, ɔwa kɔn kɔnɔnɛ ɔ tə yɔna ŋa.

Luk 23:43

kɔ pa ro ŋɔŋ, Tɛntɛnɛ i kanɛ mu, thonɔŋ mə tə yi yi minɛŋ ka ɔdɛr ɔthɔfəl wa Kuru.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 12:26

Bepi wuni ɔ yema yi ȧbɔy a mi, ta ɔ tȧŋ mi; ɔwa ro minɛ i yi, ri sɔ ȧŋbɔy a mi ɔ tə yi: bepi wuni o wuni ɔ yɔna mi, kɔnɔ ɔKas mɔ yikis.

Yɔn 14:3

Ɔwa bepi i kɔ tə kəbɛnɛnɛ nu dɛr-e, i ti kȧl der sɔ, i ti ba nu ro mi: kȧmȧ ro minɛŋ i yi, nia sɔ nə tə yi.

Yɔn 15:9

Mɔ mə ɔKas ɔ bɔthər mi, ya minɛ sɔ i bɔthər nu; tiyȧ nu ka mabɔthər ma mi.

Yɔn 17:2

mɔ mȧ mə sɔŋ kɔ afɔsɔ ka afəm bɛ, kȧmȧ ɔ sɔŋ aŋesəm thəbana ka ŋaŋ aŋa mə sɔŋ kɔ.

Yɔn 17:22

Aŋyiki aŋa mə po sɔŋ mi, i po sɔŋ ŋa ŋi, kȧmȧ aŋ ba ȧmerȧ ŋin, mɔ mə saŋ sə ba ȧmerȧ ŋin;

Yɔn 17:5

Ka-ake, O Pa, yikis mi yi mun munɔnɛ yi aŋyiki aŋa i ba ro mu yeŋka ȧdȧru rə təpɛ.

Yɔn 6:37

Ŋaŋ bɛ aŋa ɔKas ɔ sɔŋ mi aŋ tə der ro mi; ɔwa kɔnɔ ɔwe mə der ro mi i bȧl hɛ kɔ rokaŋ hali.

Yɔn 6:39

Ɔwa mȧselɔ ma ɔKas ɔwe som mi mi ame, kəpa i te dim hali ukin ka ŋa bɛ aŋa ɔ po sɔŋ mi, kɛrɛ kȧmȧ i yokas ŋa ka ȧŋrey aləpsɔ.

Yɔn 8:58

Yisɔsȧŋ ɔ pa ro ŋaŋ, I kanɛ nu tɛntɛnɛ, Yeŋka a kom Ebraham-əŋ, I yi.

1 AŋKɔrenth 13:12

Ka-ake sə nənk rə amɛmnɛ pəfəri; kɛrɛ ka ȧŋlɔkɔ ŋati si nəŋkanɛ der yi derȧŋ. Ka-ake i tȧrȧ gbo ɔthan, kɛrɛ ka ȧŋlɔkɔ ŋati i ti tȧrȧ ɔlasər mɔ mȧ a la tȧrȧ mi ɔlolok-e.

2 AŋKɔrenth 3:18

Kɛrɛ saŋ bɛ, rə aser ta su təgbəpəri-e, sə tɔri aŋyiki ŋa ɔMarki mɔ ɛmɛmnɛ, ɔwa a səki su ka mȧbȧlȧnɛ mɔŋ gbeŋ, rɛ ayiki rokɔm ka ayiki, hali mɔ mə kəwur ka ɔMarki ɔYina.

2 AŋKɔrenth 4:6

kotȧy-e Kuru ɔwe yamari kȧmȧ ɔwaŋ ɔ gbɛntha kəwur ka ȧŋsum-e, kɔnɔ po gbɛntha ka ɛmerȧ ɛ su tə kəsɔŋ ɔwaŋ wa kȧtȧrȧ ka anyiki ŋa Kuru ka ader ra Yisɔs Kraystȧŋ.

2 AŋKɔrenth 5:8

I kȧl pa, sə ba kəbak kəbuth, ɔwa sə tha yema wur ka ȧŋdɛr aŋe kȧmȧ sə gbəli yi ka kȧbəprȧnɛ ka ɔMarki.

AŋFilipai 1:23

kotȧy-e i yi rə akɛthanɛ, ma pə yi i ba afela abana tə kəkɔnɛ kȧmȧ i yi yi Kraystȧŋ ȧtesoma-e ŋə tə yi mi fisa finɔ.

1 AŋThɛsȧlonika 4:17

Rodarəŋ kati saŋ aŋa yi nɔru a tə sɛmpi su yi ŋaŋ lɛɔ ka kȧriyana tə kəbəp ɔMarki ka kafena; ɔwa tiyȧŋ sə tə yi yi ɔMarki thəbana.

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Yɔn 3:2

Abɔthər, ka-ake sə yi awuth ŋa Kuru, ɔwa a tha tɔri hɛ su to sə ba kə re yi: kɛrɛ sə tȧrȧ kəpa ma Krayst ɔ kȧl der, sə tə yi mɔ kɔnɔ; pəkasifɛ sə tə nənk kɔ mɔ mɔ yi.

Kȧŋȧibinɛ 21:22

Kɛrɛ i nənk hɛ aseth abȧtho ri-e, kotȧy-e ɔMarki ɔKuru ka aŋfɔsɔ bɛ dɛ yi kaLɔmɛ kəfɛth aŋ yi ȧŋseth abȧtho ŋati.

Kȧŋȧibinɛ 3:21

Ɔwe mə tham i ti sɔŋ kɔ mamari tə kəyira yi minɛŋ ka kawaŋ ka rȧbȧy ra mi, mɔ mə minɛ sɔ i po tham, ka i yirȧ yi ɔKas kȧmi ka kawaŋ ka rȧbȧy rɔŋ.