Yɔn 17:23 - Ȧŋlemrȧnɛ Ȧfu

²³ minɛŋ rokor ka ŋaŋ, yi munɔŋ rokor kȧmi, kȧmȧ aŋ ba ȧmerȧ ŋin agbenthis; kȧmȧ ȧdȧru rə tȧrȧ kəpa munɔ som mi, ɔwa mə bɔthər ŋa mɔ mȧ mə bɔthər mi.

Yɔn 17:23 ပူးပေါင်းရင်းမြစ်များ

Yɔn 10:38

Kɛrɛ bepi i yɔ ma-e, hali nə lanɛ hɛ mi, lanɛ nu mȧyɔs: kȧmȧ nə tȧrȧ, ɔwa pə sɔk nu, kəpa ɔKas ɔ yi yi minɛŋ, ɔwa minɛŋ i yi yi ɔKas

Yɔn 13:35

Ka ȧte afəm bɛ aŋ tə tȧrȧ nə yi aŋkarande a mi, bepi nə bɔthərȧnɛ.

Yɔn 14:10

Mə lanɛ hɛ kəpa minɛ yi rokor ka ɔKas-i, ɔwa ɔKas ɔ yi rokor ka mi-i? Ȧsim ȧte i kanɛ nu, i fɔf hɛ ti ka ȧŋmerȧ a mi, kɛrɛ ɔKas ɔwe yi yi minɛŋ, kɔnɔ mə yɔ mȧyɔs mɔŋ.

Yɔn 14:23

Yisɔsȧŋ ɔ pa ro ŋɔŋ, Bepi wuni ɔ bɔthər mi-e, ɔ tə wop ȧrim ra mi: ɔwa ɔKas kȧmi ɔ tə bɔthər kɔ, ɔwa sə tə der ro ŋɔŋ, sə tə yianɛ ro ŋɔŋ.

Yɔn 15:9

Mɔ mə ɔKas ɔ bɔthər mi, ya minɛ sɔ i bɔthər nu; tiyȧ nu ka mabɔthər ma mi.

Yɔn 16:27

ȧtesoma-e ɔKas kɔn kɔnɔnɛ ɔ bɔthər nu, pəkasifɛ naŋ nə po bɔthər mi, ɔwa nə lanɛ kəpa i wur ka ɔKas.

Yɔn 17:11

Ɔwa ka-ake i yi hɛ sɔ nɔru, kɛrɛ aŋe aŋ yi nɔru, ka minɛ i der ro mu. ƆKas usəm, bɛnɛ ŋa ka ȧŋes a mu, aŋa mə po sɔŋ mi, kȧmȧ aŋ ba ȧmerȧ ŋin mɔ mə saŋ sə ba.

Yɔn 17:21

kȧmȧ ŋaŋ bɛ aŋ ba ȧmerȧ ŋin; mɔ munɔŋ, Pa, mə yi rokor kȧmi, yi minɛŋ i yi rokor ka mu, kȧmȧ ŋaŋ sɔ aŋ yi rokor kȧsu: kȧmȧ ȧdȧru rə lanɛ kəpa munɔ som mi.

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Yɔn 17:26

Ka i po tɔri ŋa ȧŋes a mu ɔwa i ti tɔri ŋi sɔ: kȧmȧ mabɔthər ama mə bɔthər mi mə yi rokor ka ŋaŋ, ɔwa minɛŋ sɔ i yi rokor ka ŋaŋ.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Yɔn 17:8

ȧtesoma-e, i po sɔŋ ŋa ȧsim ȧte mə po sɔŋ mi; ɔwa aŋ malanɛ ti, ɔwa aŋ tȧrȧ tȧteŋ kəpa i wur ro mu, ɔwa aŋ lanɛ kəpa munɔ som mi.

Yɔn 3:17

kotȧy-e Kuru ɔ som hɛ ɔWan kɔŋ ka ȧdȧru tə kəthoŋkas ȧdȧru, ɔ som kɔ tə kəkisis ȧdȧru.

Yɔn 6:56

Ɔwe mə di aŋdɛr a mi, ɔwa ɔwe mə mun mȧtir ma mi, ɔ tiyȧ rokor kȧmi, ɔwa minɛŋ i ti tiyȧ rokor kɔŋ.

1 AŋKɔrenth 1:30

Kɛrɛ salata mabotəs ma Kuru-e, naŋ nə yi rokor ka Krayst Yisɔs. Kɔnɔ yi kȧtemp, yi mȧlompi, yi kasəməsnɛ dɛ yi kabani kȧsu,

2 AŋKɔrenth 5:21

kotȧy-e ta ȧtȧ su a səki kɔ ahakɛ, pə yi mɔ kɔn ɔwe te la tȧrȧ ahakɛ bɛ; kȧmȧ saŋ sə gbəli səkɛ mȧlompi ma Kuru rokor kɔŋ.

AŋKȧletia 3:28

UYuda ɔ yi hɛ, uKrik ɔ yi hɛ, utar thalɔm uwaŋkom ɔ yi hɛ, ta a pa ras wan duni yi wuni bom aŋ yi hɛ; kotȧy-e naŋ bɛ nə yi ukin rokor ka Krayst Yisɔsȧŋ.

AŋFilipai 3:15

Tiyȧŋ saŋ aŋa po tɛŋa rə kəlanɛ, maŋ ba nu ȧmerȧ awunɔŋ, ɔwa bepi nə ba ɛnanɛ ɛgbaskɛ ta tȧy o tay-e, Kuru ɔ tə tɔri nu ȧte sɔ.

AŋKɔlɔsi 1:28

Ɔwa sə taməs rə kəmaŋ wuni o wuni dɛ yi kəthəksa wuni o wuni rə kətemp bɛ; kȧmȧ sə gbəli lȧnki wuni o wuni ugbenthis rokor ka Krayst Yisɔs.

AŋKɔlɔsi 2:2

Kama ɛmerȧ yaŋ ɛ gbəli ba kəbɛfəth, maŋ yi asekəranɛ yi məbɔthər, tə kətara rayola ra kasɔthnɛ aŋgbundu ŋa Kuru, hali Kraystȧŋ,

AŋKɔlɔsi 3:14

Ɔwa rokɔm ka mȧtȧy ame bɛ, wɔŋ məbɔthər ama yi mɔlɔ ma rasekəranɛ ra ȧmerȧ agbenthis.

1 Pitar 5:10

Kɛrɛ ɔKuru ka aboŋa bɛ, ɔwe po tela su tə kəwɔŋ ka aŋyiki ŋɔŋ athəbana-e, kətaŋ ka Krayst Yisɔsȧŋ, ma nə po nakasi ɔthan-e, kɔn kɔnɔnɛ ɔ tə gbenthis nu, ɔ tə bȧksər nu, ɔ tə lompəs nu.

1 Yɔn 1:3

ɔwa saŋ sə tɔri nu ara sə po nənk, yi ara sə po təl, kȧmȧ naŋ nə gbəli ba məmanɛ yi saŋ; ɔwa tɛntɛnɛ mamanɛ ma su mə yi yi ɔKas, dɛ yi ɔWan kɔŋ Yisɔs Kraystȧŋ.

1 Yɔn 3:1

Kəla, ko məbɔthər məbana ɔKas ɔ ba ta ȧtȧ su, kəpa a tela su awuth ŋa Kuru; ɔwa ya sə yi mən. Tȧsom ȧdȧru rə te su tȧrȧ, pəkasifɛ rə tɛ hɛ kɔ.

1 Yɔn 4:19

Sə bɔthər kɔ, pəkasifɛ kɔnɔ mɔtha bɔthər su.

Kȧŋȧibinɛ 3:9

I ti yɔ ŋaŋ aŋa yi ka ȧŋseth agbanɛ ŋa Sethani, aŋa telanɛ a Yuda, kɛrɛ aŋ yi hɛ, aŋ yema gbo; i ti yɔ kȧmȧ aŋ der sanɛ ka ȧtatək ta mu, kȧmȧ aŋ tȧrȧ kəpa i po bɔthər mu.