Yɔn 17:22 - Ȧŋlemrȧnɛ Ȧfu

²² Aŋyiki aŋa mə po sɔŋ mi, i po sɔŋ ŋa ŋi, kȧmȧ aŋ ba ȧmerȧ ŋin, mɔ mə saŋ sə ba ȧmerȧ ŋin;

Yɔn 17:22 ပူးပေါင်းရင်းမြစ်များ

Mark 6:7

kɔ tela aŋtɔfɔt ŋarəŋ ro ŋɔŋ, ɔ təp kəsom ŋa ŋarəŋ ŋarəŋ, kɔ sɔŋ ŋa afɔsɔ rokɔm ka aŋkərəfi aləs.

Luk 22:30

kȧmȧ nə gbəli di, ɔwa nə mun ka aŋthebəl a mi ka rȧbȧy ra mi. Ɔwa nə tə yirȧ rə tawaŋ ta rəbȧy, nə tə thonkas ɛbɔnsɔŋ tɔfɔt yɛrəŋ ya Isrɛl.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 1:16

kotȧy-e ka kalasər kɔŋ saŋ bɛ sə po sɔthɔ, ɔwa aboŋa rokɔm ka aboŋa.

Yɔn 14:20

Ka ȧŋrey ŋati nə tə tȧrȧ kəpa i yi rokor ka ɔKas, ɔwa nia nə yi rokor kȧmi, ɔwa minɛŋ i yi rokor ka nu.

Yɔn 17:24

Pa, aŋfəm aŋa mə po sɔŋ mi, i yema kȧmȧ ŋaŋ sɔ aŋ yi ro minɛŋ i yi; kȧmȧ aŋ nənk aŋyiki a mi aŋa mə po sɔŋ mi: ȧtesoma-e mə bɔthər mi yeŋka a bot ɔtəmər wa ȧdȧru.

Mȧyɔs ma aŋsom 5:41

Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes.

AŋRomans 8:30

Ɔwa ŋaŋ aŋa ɔ po thith thəpaŋ, ŋaŋ sɔ ɔ muti; ɔwa ŋaŋ aŋa ɔ muti-e, ɔ sɔŋ ŋa məmari; ɔwa ŋaŋ aŋa ɔ sɔŋ məmari-e, ɔ kȧl yikis ŋa.

2 AŋKɔrenth 3:18

Kɛrɛ saŋ bɛ, rə aser ta su təgbəpəri-e, sə tɔri aŋyiki ŋa ɔMarki mɔ ɛmɛmnɛ, ɔwa a səki su ka mȧbȧlȧnɛ mɔŋ gbeŋ, rɛ ayiki rokɔm ka ayiki, hali mɔ mə kəwur ka ɔMarki ɔYina.

2 AŋKɔrenth 5:20

Tiyȧŋ sə yi aŋsom ŋa Kraystȧŋ, pə yi mɔ Kuru ɔ nɛmthɛnɛ nu kətaŋ do rɔsu. Saŋ sə nɛmthɛnɛ nu salata Kraystȧŋ tə kəkal manɛ yi Kuru.

2 AŋKɔrenth 6:1

Ɔwa ma sə pantnɛ yi kɔn ka mȧpanth-e, sə nɛmthɛnɛ nu kȧmȧ nə te sɔthɔ ȧŋboŋa ŋa Kuru kətiŋ.

AŋƐfisɔs 2:20

Ka a təmər nu rokɔm ka ɔtəmər wa aŋsom dɛ yi Aŋnȧbi, ɔwa Yisɔs Krayst kɔn kɔnɔnɛ ɔ yi aŋsar ȧtɔtɔkɔ ŋa ȧŋkoŋ;

AŋFilipai 1:29

A po sɔŋ nu afɔsɔ, pə yi hɛ gbo tə kəlanɛ Kraystȧŋ, kɛrɛ tə kənakasi ta sala tɔŋ.

AŋKɔlɔsi 1:24

Ka-ake i ba məbɔnɛ asabu ŋa ɛsɔmpanɛ ɛ mi ta ȧtȧ nu, ka i lasər ȧŋsɔmpanɛŋ ŋa Krayst ka ȧŋdɛr a mi salata ȧŋdɛr ŋɔŋ, pə yi mɔ-e, aŋchɔch.

1 Yɔn 1:3

ɔwa saŋ sə tɔri nu ara sə po nənk, yi ara sə po təl, kȧmȧ naŋ nə gbəli ba məmanɛ yi saŋ; ɔwa tɛntɛnɛ mamanɛ ma su mə yi yi ɔKas, dɛ yi ɔWan kɔŋ Yisɔs Kraystȧŋ.

1 Yɔn 3:24

Ɔwe mə wop ɛyamari yɔŋ ɔ tiyȧ ka Kuru, yi Kuru ɔ tiyȧ ro ŋɔŋ. Ka ȧte sə tȧrȧ ɔ tiyȧ ro su, ka ɔYina ɔwe ɔ po sɔŋ su.

1 Yɔn 4:17

Mabɔthər ma su mə tə gbenthis ka ȧte, kȧmȧ sə ba kəmintha ka ȧŋrey ŋa kathoŋkas: pəkasifɛ mɔ kɔnɔ ɔ yi, ya saŋ sə yi sɔ ka ȧdȧru are.

Kȧŋȧibinɛ 21:14

Ka anthatha ŋa kȧpet aŋ ba mətəmər tɔfɔt mȧrəŋ ro a gbal ames ma aŋsom tɔfɔt ŋarəŋ ŋa kaLɔmɛ kəfɛth ka Kuru.