Yɔn 17:12 - Ȧŋlemrȧnɛ Ȧfu

¹² Ma i yi yi ŋaŋ ka ȧdȧru, minɛ bɛnɛ ŋa ka ȧŋes a mu, aŋa mə po sɔŋ mi: ɔwa i bumər ŋa, ukin ka ŋaŋ ɔ dinɛ hɛ, thambe ɔwan ka kədinɛ; kȧmȧ mȧgbal mə lasər.

Yɔn 17:12 ပူးပေါင်းရင်းမြစ်များ

Yɔn 13:18

I fɔf hɛ ta ȧtȧ nu bɛ; i tȧrȧ ŋaŋ aŋa i po thith: kɛrɛ mȧtȧy ame mə yi kȧmȧ mȧgbal mə lasər, ama pa, Ɔwuni ɔwe mə di kabo ka mi-e ɔ ŋata rabəthka rɔŋ kəŋamnɛ mi.

Yɔn 17:6

I po tɔri ȧŋes a mu ka aŋfəm aŋa mə sɔŋ mi kəwur ka ȧdȧru: munɔ ba ŋa, ɔwa mə sɔŋ mi ŋa; kaŋ po wop ȧrim ra mu.

Yɔn 18:9

kȧmȧ ȧrim rə lasər ara ɔ fɔf kəpa, Ka ŋaŋ aŋa mə po sɔŋ mi i tha dim hɛ ukin.

Yɔn 6:37

Ŋaŋ bɛ aŋa ɔKas ɔ sɔŋ mi aŋ tə der ro mi; ɔwa kɔnɔ ɔwe mə der ro mi i bȧl hɛ kɔ rokaŋ hali.

Mȧyɔs ma aŋsom 1:25

tə kəgbasi matəma ka mapanth ame yi aŋsom aŋa Yudasȧŋ ɔ thamrɔ kȧmȧ ɔ kɔnɛ ka ɔdɛr wɔŋ.

AŋFilipai 2:9

Te ba ti Kuru ɔ kȧl ŋata kɔ ɔbɔli rəkɔm, kɔ sɔŋ kɔ ŋes aŋa yi rokɔm ka ŋes o ŋes;

2 AŋThɛsȧlonika 2:3

Te selɔ wuni o wuni ɔ tɔns nu hali; kotȧy-e ȧŋrey ŋati aŋ gbəli hɛ bek thambe kakal mədarəŋ kə mɔtha der, ɔwa ɔwuni kati ka ahakɛ, pə yi mɔ-e, ɔwan ka kədinɛ, ɔ mɔtha tɔrinɛ.

AŋHibru 2:13

Ɔwa, I ti bot aŋlanɛ a mi ro rɔŋɔŋ. Ɔwa sɔ-e, Kəli minɛŋ dɛ yi aŋwuth aŋa Kuru ɔ po sɔŋ mi.

1 Yɔn 2:19

Ŋaŋ aŋ po wur ro su, kɛrɛ aŋ yi hɛ ta ȧtȧ su; kotȧy-e, bepi aŋ yi naŋ ta ȧtȧ su, aŋ tə tiyȧ naŋ ro su: kɛrɛ aŋ wur ro su, kȧmȧ pə tɔrinɛ kəpa ŋa bɛ, aŋ yi hɛ ta ȧtȧ su.

Kȧŋȧibinɛ 19:12

Ɛfɔr yɔŋ ɛ yi mɔ nȧnt nəmara, dɛ yi ka rȧbomp rɔŋ ɔ ba ɛniɔ ɛgbathi; kɔ ba thɔŋ ŋes aŋa a gbal-e, kɛrɛ wuni o wuni ɔ tɛ hɛ ŋi thambe kɔn son.