Yɔn 17:11 - Ȧŋlemrȧnɛ Ȧfu

¹¹ Ɔwa ka-ake i yi hɛ sɔ nɔru, kɛrɛ aŋe aŋ yi nɔru, ka minɛ i der ro mu. ƆKas usəm, bɛnɛ ŋa ka ȧŋes a mu, aŋa mə po sɔŋ mi, kȧmȧ aŋ ba ȧmerȧ ŋin mɔ mə saŋ sə ba.

Yɔn 17:11 ပူးပေါင်းရင်းမြစ်များ

Mathiu 10:16

Kǝla, i som nu mɔ tǝlɔmɛ kǝtɔŋ ka tȧthɔlu. Tiyȧŋ, yi nu na atempi yereŋ mɔ ɛbok, ɔwa yi nu na athɔfǝl bɛm mɔ tǝpǝrǝm.

Mathiu 5:48

Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.

Mathiu 6:9

Tiyȧŋ ramnɛ nu yaŋ; ƆKas kȧsu ɔwe yi ro riyana, kanka ȧŋes a mu aŋ yi ȧsǝm.

Yɔn 13:1

Ɔwa yeŋka amet ma kapainɛ mə bek-e, ma Yisɔs ɔ tȧrȧ kəpa ȧŋlɔkɔ ŋɔŋ aŋ bek tə kəwur ka ȧdȧru are tə kəkɔnɛ ka ɔKas, ma ɔ po bɔthər aŋɔŋ aŋa yi ka ȧdȧru, ɔ bɔthər ŋa haŋ ka ɔthalnɛ.

Yɔn 13:3

Ka Yisɔsȧŋ ma ɔ tȧrȧ kəpa ɔKas ɔ po sɔŋ mȧtȧy bɛ ka mȧta mɔŋ, ɔwa ɔ wur ka Kuru, ɔwa ɔ tə kȧl ka Kuru;

Yɔn 14:20

Ka ȧŋrey ŋati nə tə tȧrȧ kəpa i yi rokor ka ɔKas, ɔwa nia nə yi rokor kȧmi, ɔwa minɛŋ i yi rokor ka nu.

Yɔn 16:28

I wur ka ɔKas, ka i der nɔru: ɔwa i kȧl tey ȧdȧru, ka i kɔnɛ ka ɔKas.

Yɔn 16:33

I po fɔfȧnɛ nu mȧtȧy ame bɛ, kȧmȧ nə ba məthɔfəl ro mi. Ka ȧdȧru nə tə ba asɔmpanɛ: kɛrɛ bȧk nu təbuth, i po tham ȧdȧru.

Yɔn 17:23

minɛŋ rokor ka ŋaŋ, yi munɔŋ rokor kȧmi, kȧmȧ aŋ ba ȧmerȧ ŋin agbenthis; kȧmȧ ȧdȧru rə tȧrȧ kəpa munɔ som mi, ɔwa mə bɔthər ŋa mɔ mȧ mə bɔthər mi.

Yɔn 17:25

O, Pa ulompi, ȧdȧru rə tɛ hɛ mu, kɛrɛ i po tȧrȧ mu, ɔwa aŋe aŋ tȧrȧ kəpa munɔ som mi.

Yɔn 17:6

I po tɔri ȧŋes a mu ka aŋfəm aŋa mə sɔŋ mi kəwur ka ȧdȧru: munɔ ba ŋa, ɔwa mə sɔŋ mi ŋa; kaŋ po wop ȧrim ra mu.

Yɔn 7:33

Ka Yisɔsȧŋ ɔ pa ro ŋaŋ, Alɔkɔ agbut i yi ras rɛ naŋ, kədarəŋ kati i ti kɔnɛ ka ɔwe som mi.

Mȧyɔs ma aŋsom 3:21

pə yi mɔ kɔnɔ ɔwe ȧŋriyana aŋ ba kəwop haŋ ka ɛlɔkɔ ya kakala mȧtȧy bɛ, ama Kuru ɔ po fɔf ka tasəŋ ta Aŋnȧbi bi ŋɔŋ asəm bɛ aŋa yi kȧbi ka ɔwoni.

AŋRomans 12:5

yaŋ sɔ saŋ, hali sə yi sa agbȧthi, sə yi adɛr ŋin rokor ka Krayst, ɔwa kin o kin ɔ yi alaŋktha ŋin ta alɔm.

AŋRomans 9:17

Magbal məsəm mə pa ka Fero, Ta ȧtȧy ȧte gbeŋ tə i po ŋata mu, kȧmȧ i tɔri aŋfɔsɔ a mi rokɔm ka mu dɛ yi kȧmȧ a gbanthɛnɛ ȧŋes a mi ka ȧdȧru bɛ.

1 AŋKɔrenth 1:10

Ɔmari nu, awɔnt, ka ȧŋes ŋa ɔMarki kȧsu Yisɔs Kraystȧŋ, i nɛmthɛnɛ nu kȧmȧ nə ba rim din, dɛ yi kȧmȧ ɔgbaskɛ gbaskɛ ɔ te yi kətɔŋ ka nu, kɛrɛ ba nu ȧmerȧ ŋin yi məgbək min.

AŋKȧletia 3:28

UYuda ɔ yi hɛ, uKrik ɔ yi hɛ, utar thalɔm uwaŋkom ɔ yi hɛ, ta a pa ras wan duni yi wuni bom aŋ yi hɛ; kotȧy-e naŋ bɛ nə yi ukin rokor ka Krayst Yisɔsȧŋ.

AŋƐfisɔs 4:4

Adɛr ŋin aŋ yi, dɛ yi ɔYina ukin, ya pə yi sɔ a tela nu ka kəgbak ȧmerȧ kin ka kamuti ka nu.

AŋFilipai 2:9

Te ba ti Kuru ɔ kȧl ŋata kɔ ɔbɔli rəkɔm, kɔ sɔŋ kɔ ŋes aŋa yi rokɔm ka ŋes o ŋes;

AŋHibru 1:3

ɔWan ɔwe kɔnɔ yi ɔgbɛntha wa aŋyiki ŋa Kuru-e, dɛ yi mȧbȧlȧnɛ gbeŋ ma rawuni ra Kuru rɔŋ, ɔwa kɔnɔ mə bȧksər tȧy o tȧy ka ȧrim ra aŋfɔsɔ ŋɔŋ. ƆWan ɔwe, ma ɔ po fethər su kəwur ka ɛhakɛ ɛ su-e, ɔ yirȧ ka kȧta kədiɔ ka aŋyiki ŋa Kuru rokɔm.

AŋHibru 9:24

kotȧy-e Krayst ɔ wɔŋ hɛ rə ɔdɛr ɔsəm thɔ bɛ ɔwe wuni ɔ bɛmpa, ɔwe yi gbo mȧbȧlȧnɛ ma tȧteŋ; kɛrɛ ɔ po wɔŋ ro riyana gbeŋ tə kətɔrinɛ ka kȧbəprȧnɛ ka Kuru ta ȧtȧ su.

Yeməs 4:4

Na afəm arəpi nə tȧrȧ hɛ kəpa mamanɛ ma ȧdȧru mə yi kəgbɛŋȧ Kuru-i? Tiyȧŋ wuni o wuni ɔwe yema yi uyathki ka ȧdȧru ɔ səkɛ utheranɛ ka Kuru.

1 Pitar 1:5

aŋa a po bɛnɛ ka aŋfɔsɔ ŋa Kuru asabu ŋa kəlanɛ kəkɔ ka kakisi ȧke a yi tə kəŋaibi ka marey mələpsɔ.

1 Yɔn 3:12

Pə yi hɛ mɔ Ken, ɔwe yi ka Sethani, ɔwa ɔ dif ɔwɔnt kɔŋ. Ɔwa to pə som ɔ dif kɔ-e? Pəkasifɛ mȧyɔs mɔŋ mə yi mələs, ɔwa ama ɔwɔnt kɔŋ mə yi məlompi.

1 Yɔn 5:19

Saŋ sə tȧrȧ kəpa sə yi ka Kuru, yi ȧdȧru bɛ rə yi ka aŋfɔsɔ ŋa Sethani.

Yud 1:1

Yud, ȧŋbɔy ŋa Yisɔs Krayst, yi ɔwɔnt ka Yeməs, ka ŋaŋ aŋa a muti, ȧŋbɔthər ŋa Kuru ɔKas, yi aŋa a bɛnɛ ta Yisɔs Krayst;

Yud 1:24

Ɔwa ɔwe gbəli bɛnɛ nu kəte yɛthȧ, ɔwa ɔ təmər nu kəte ba apora rodi ka ayiki ŋɔŋ yi məbɔnɛ məbana;

Kȧŋȧibinɛ 15:4

Kanɛ te ba kənesa dɛ yi kəyikis ȧŋes a mu-e, ɔMariki-e? Pəkasifɛ munɔ son mə yi ɔsəm; kotȧy-e tȧbona bɛ tə tə der kəbatho mu, pəkasifɛ mȧyɔs ma mu məlompi mə po ŋaibinɛ.

Kȧŋȧibinɛ 19:12

Ɛfɔr yɔŋ ɛ yi mɔ nȧnt nəmara, dɛ yi ka rȧbomp rɔŋ ɔ ba ɛniɔ ɛgbathi; kɔ ba thɔŋ ŋes aŋa a gbal-e, kɛrɛ wuni o wuni ɔ tɛ hɛ ŋi thambe kɔn son.

Kȧŋȧibinɛ 4:8

Ka ɛwuka ŋanlɛ aŋe aŋ ba kin o kin ɛkufna tȧmthərukin, kaŋ la sɔ ɛfɔr rokor-e, ɔwa pali gbɛs aŋ fothanɛ hɛ tə kəpa, Ɔsəm, ɔsəm, ɔsəm, ɔMarki Kuru ka aŋfɔsɔ bɛ, ɔwe la yi, ɔwe yi, dɛ yi ɔwe ba tə kəder.