Yɔn 16:3 - Ȧŋlemrȧnɛ Ȧfu

³ Mȧtȧy ame aŋ tə yɔ nu, pəkasifɛ aŋ tɛ hɛ ɔKas, thalɔm minɛŋ.

Yɔn 16:3 ပူးပေါင်းရင်းမြစ်များ

Luk 10:22

ƆKas kȧmi ɔ po maŋkər mi mȧtȧy bɛ, ɔwa wuni o wuni ɔ tȧrȧ hɛ ɔWan thambe ɔKas; yi ɔ tȧrȧ hɛ ɔKas thambe ɔWan yi kɔnɔ ka ɔwe ɔWan mɔ ŋaibia kɔ.

Yɔn 15:21

Kɛrɛ mȧtȧy ame bɛ aŋ tə yɔ nu salata ȧŋes a mi, pəkasifɛ aŋ tɛ hɛ ɔwe som mi.

Yɔn 15:23

Wuni ɔwe gbɛŋa mi ɔ gbɛŋa sɔ ɔKas kȧmi.

Yɔn 17:25

O, Pa ulompi, ȧdȧru rə tɛ hɛ mu, kɛrɛ i po tȧrȧ mu, ɔwa aŋe aŋ tȧrȧ kəpa munɔ som mi.

Yɔn 17:3

Ɔwa aŋesəm thəbana ŋi aŋe kȧmȧ aŋ tȧrȧ mu ɔKuru utəteŋ son, yi Yisɔs Krayst ɔwe mə po som.

Yɔn 8:19

kaŋ pa ro ŋɔŋ, Reke ɔKas ka mu ɔ yi-e? Yisɔsȧŋ ɔ wosa, Naŋ nə tɛ hɛ mi, nə tɛ hɛ ɔKas kȧmi: bepi nə tȧrȧ mi naŋ-e, nə tə tȧrȧ sɔ ɔKas kȧmi.

Yɔn 8:55

Ɔwa nia nə tɛ hɛ kɔ, kɛrɛ minɛ i tȧrȧ kɔ: ɔwa bepi i pa i tɛ hɛ kɔ-e, i ti yi uyem mɔ niaŋ: kɛrɛ i tȧrȧ kɔ, ɔwa i wop ȧrim rɔŋ.

Mȧyɔs ma aŋsom 3:17

Kɛrɛ ka-ake awɔnt a mi i tȧrȧ kəpa nə yɔ ti rə kəte tȧrȧ, mɔ mə aŋgbəka a nu sɔ aŋ yɔ.

1 AŋKɔrenth 2:8

Ugbəka o gbəka ka ȧdȧru are ɔ tɛ hɛ ki, pəkasifɛ bepi aŋ po tȧrȧ ki aŋ gbəli hɛ naŋ tȧŋ ɔMarki ka ayiki ka akənt kəpəŋkinɛ.

2 AŋThɛsȧlonika 1:8

rə nȧnt nəmara, tə kəsɔŋ kəkalɔ ka ŋaŋ aŋa pɛnsa Kuru, dɛ yi aŋa te wop ȧkɛra kəfinɔ ka ɔMarki kȧsu Yisɔs Kraystȧŋ.

1 Timɔthi 1:13

minɛ ɔwe la yi wuni ŋamnɛ Kurɔŋ dɛ yi wuni thalər aŋchɔch, ka i la ləsər ɛpa yɔŋ bɛ. Kɛrɛ i po sɔthɔ ȧney pəkasifɛ i yɔ ti ka kȧte tȧrȧ yi kȧte lanɛ.

1 Yɔn 2:23

Wuni o wuni ɔwe mə pɛnsa ɔWan ɔ ba hɛ ɔKas; kɛrɛ ɔwe mə gbithanɛ ɔWan ɔ ba sɔ ɔKas.

1 Yɔn 3:1

Kəla, ko məbɔthər məbana ɔKas ɔ ba ta ȧtȧ su, kəpa a tela su awuth ŋa Kuru; ɔwa ya sə yi mən. Tȧsom ȧdȧru rə te su tȧrȧ, pəkasifɛ rə tɛ hɛ kɔ.

1 Yɔn 4:8

Kɔn ɔwe mə te bɔthər ɔ tɛ hɛ Kuru; kotȧy-e, Kuru ɔ yi məbɔthər.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.