Yɔn 16:16 - Ȧŋlemrȧnɛ Ȧfu

¹⁶ Alɔkɔ agbut ɔwa nə nənk hɛ mi: ɔwa alɔkɔ agbut sɔ nə tə nənk mi pəkasifɛ i kɔ ka ɔKas.

Yɔn 16:16 ပူးပေါင်းရင်းမြစ်များ

Mark 16:19

Ɔwa kədarəŋ ka ɔMarki Yisɔsȧŋ ɔ po fɔfȧnɛ ŋa-e, a ŋata kɔ rokɔm ro riyana, kɔ yirȧ ka kȧta kədiɔ ka Kuru.

Yɔn 12:35

Yisɔsȧŋ ɔ pa ro ŋaŋ, Alɔkɔ agbut gbo thɔŋ ta ȧŋmothȧ kəyi ro nu. Kɔth nu ka ȧŋlɔkɔ nə ba ȧŋmothȧ, kȧmȧ ȧŋsum aŋ te nu wop: kotȧy-e ɔwe mə kɔth ka ȧŋsum-e, ɔ tɛ hɛ ro mɔ kɔ-e.

Yɔn 13:3

Ka Yisɔsȧŋ ma ɔ tȧrȧ kəpa ɔKas ɔ po sɔŋ mȧtȧy bɛ ka mȧta mɔŋ, ɔwa ɔ wur ka Kuru, ɔwa ɔ tə kȧl ka Kuru;

Yɔn 13:33

Aŋfɛth a mi, i yi gbo ro nu ta alɔkɔ agbut. Nə tə thɛns mi; pə tə yi mɔ mə i kanɛ aŋYuda, Ro mə i kɔ-e nia nə gbəli hɛ der, ya i pa ro nu ka-ake.

Yɔn 16:10

ta məlompi, pəkasifɛ i kɔ ka ɔKas ɔwa nə nənk hɛ mi sɔ;

Yɔn 16:22

Tiyȧŋ naŋ nə ba ɔnɔsinɛ ka-ake; kɛrɛ i ti kȧl sɔ nənk nu, ɔwa ɛmerȧ ɛ nu ɛ tə yasanɛ yi məbɔnɛ, ɔwa wuni o wuni ɔ gbəli hɛ nɔy mabɔnɛ ma nu.

Yɔn 16:28

I wur ka ɔKas, ka i der nɔru: ɔwa i kȧl tey ȧdȧru, ka i kɔnɛ ka ɔKas.

Yɔn 16:5

Kɛrɛ ka-ake i kɔ ka ɔwe som mi; ɔwa hali ukin ka nu ɔ yif hɛ mi, Re mə-əŋ kɔ-e?

Yɔn 17:13

Kɛrɛ ka-ake i der ro mu; ɔwa mȧtȧy ame i fɔf nɔru-e, kȧmȧ aŋ ba mabɔnɛ ma mi məgbenthis rokor ka ŋaŋ.

Yɔn 17:5

Ka-ake, O Pa, yikis mi yi mun munɔnɛ yi aŋyiki aŋa i ba ro mu yeŋka ȧdȧru rə təpɛ.

Yɔn 7:33

Ka Yisɔsȧŋ ɔ pa ro ŋaŋ, Alɔkɔ agbut i yi ras rɛ naŋ, kədarəŋ kati i ti kɔnɛ ka ɔwe som mi.

Mȧyɔs ma aŋsom 1:3

Ka aŋa sɔ ɔ tɔrinɛ ukəli kədarəŋ ka kanakasi kɔŋ, rə məseri məgbəraŋ məgbathi rə ɛlɔkɔ ɛgbaskɛ, ka mərey təgba tərəŋ-e, ɔwa ɔ fɔf ta rȧbȧy ra Kuru.

AŋHibru 12:2

Maŋ kəli nu Yisɔs təŋ, ɔTəpi yi ɔPons wa kȧlanɛ kȧsu; ɔwe muyu akənt kəpəŋkinɛ ta salata mabɔnɛ ama yi kɔ rodi, kɔ farki mȧlap, ɔwa ɔ poŋ yirȧ ka kȧdiyɔ ka kawaŋ ka rȧbȧy ka Kuru.