Yɔn 16:13 - Ȧŋlemrȧnɛ Ȧfu

¹³ Kɛrɛ ma kɔnɔŋ, ɔYina ka təteŋ, ɔ der-e, ɔ tə kora nu ka tȧteŋ bɛ; kotȧy-e, ɔ fɔf hɛ ka ȧŋmerȧ ŋɔŋ; kɛrɛ mȧtȧy bɛ ama ɔ təl, ame ma mɔ fɔf: ɔwa ɔ tə tɔri nu mȧtȧy ama ba tə kəder.

Yɔn 16:13 ပူးပေါင်းရင်းမြစ်များ

Yɔn 12:49

Ȧtesoma-e, i fɔf hɛ kəwur ka ȧŋmerȧ a mi; kɛrɛ ɔKas ɔwe som mi, ɔ po yamari mi ȧte mə i pa, yi ȧte mə i fɔf.

Yɔn 14:17

Hali ɔYina ka tȧteŋ; ɔwe ȧdȧru rə te gbəli sɔthɔ, pəkasifɛ rə nənk hɛ kɔ, thalɔm rə tɛ hɛ kɔ; kɛrɛ nia nə tȧrȧ kɔ, ȧtesoma-e ɔ tiyȧ ro nu, ɔwa ɔ tə yi rokor ka nu.

Yɔn 14:26

Kɛrɛ ɔBɛfəth, ɔYina məsəm, ɔwe ɔKas ɔ tə som ka ȧŋes a mi, ɔ tə thəksa nu mȧtȧy bɛ, ɔwa ɔ tə kala ɛnanɛ ɛ nu ka mȧtȧy bɛ ama i po kanɛ nu.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 15:26

Kɛrɛ ma ɔBɛfəth ɔ der-e, ɔwe i ti somra nu kəwur ka ɔKas, ɔYina ka tȧteŋ, ɔwe wur ka ɔKas-e, ɔ tə gbaki ta ȧtȧ mi:

Yɔn 16:12

I ba ras mȧtȧy məgbathi tə kəkanɛ nu, kɛrɛ nə gbəli hɛ wop ma ka-ake.

Yɔn 3:32

Ta ȧte ɔ po nənk yi ta ȧte ɔ po təl, tə mɔ seri, kɛrɛ wuni o wuni ɔ wop hɛ maseri mɔŋ.

Yɔn 8:38

I fɔf ȧte i təl ka ɔKas kȧmi: kɛrɛ naŋ nə yɔ ȧte nə təl ka ɔkas ka nu.

Mȧyɔs ma aŋsom 11:28

Ka ukin ka ŋaŋ ɔwe a bont Akabɔs, ɔ təmȧ, kɔ tɔri ŋa ka aŋfɔsɔ ŋa ɔYina kəpa dor rəbana rə tə yi ka ȧdȧru bɛ; are rə yɔnɛ ka marey ma Klɔdiɔs.

Mȧyɔs ma aŋsom 20:23

pəthas gbo rə kəpet o pet ɔYina məsəm ɔ seri mi gbafəth kəpa tərəŋka yi ɛsɔmpanɛ ɛ kar mi.

Mȧyɔs ma aŋsom 27:24

ɔ pa, Pɔl, te nesa. Mə ba tə kətəma rodi ka Sisar; ɔwa Kuru ɔ po laŋklia mu aŋa yi ro bil yi munɔ.

2 AŋThɛsȧlonika 2:12

Kama a gbəli thonkas ŋa bɛ aŋa pɛnsa tȧteŋ dɛ yi aŋa ba məbɔnɛ ka məkənə.

2 AŋThɛsȧlonika 2:3

Te selɔ wuni o wuni ɔ tɔns nu hali; kotȧy-e ȧŋrey ŋati aŋ gbəli hɛ bek thambe kakal mədarəŋ kə mɔtha der, ɔwa ɔwuni kati ka ahakɛ, pə yi mɔ-e, ɔwan ka kədinɛ, ɔ mɔtha tɔrinɛ.

AŋHibru 1:1

Kuru ɔ sa thəpaŋ fɔfȧnɛ aŋbemba a su ka Aŋnȧbi kətȧŋȧnɛ ka tȧpa təgbȧthi dɛ yi ka soŋ təgbanthɛ gbanthɛ,

1 Yɔn 2:20

Kɛrɛ naŋ nə po sɔthɔ kafethər ka ɔKin usəm, ɔwa nə tȧrȧ mȧtȧy bɛ.

1 Yɔn 2:27

Kɛrɛ bepi kafethər ȧke nə po sɔthɔ ro ŋɔŋ kə tiyȧ ro nu, nə ba hɛ sɔ kȧmȧ wuni o wuni ɔ thəksa nu: ɔwa mɔ kafethər kɔŋ kə thəksa nu ka mȧtȧy bɛ, ɔwa kə yi tȧteŋ, rəyem thahɔ, tiyȧ nu ro ŋɔŋ mɔ mə kə po thəksa nu.

1 Yɔn 4:6

Saŋ sə yi ta Kuru: ɔwe tȧrȧ kɔ ɔ təlȧ su; kɛrɛ kɔn ɔwe te yi ta Kuru ɔ təlȧ hɛ su. Ka ȧte sə tȧrȧ ɔgbaskɛ wa aŋyina ka təteŋ, yi aŋyina ŋa rəyem.

1 Yɔn 5:6

Ɔwa Yisɔs Kraystȧŋ kɔnɔ der rə mȧnt yi mətir; pə yi hɛ rə mȧnt gbo son, kɛrɛ rə mȧnt yi mətir.

Kȧŋȧibinɛ 1:1

Kaŋaibinɛ ka Yisɔs Krayst ȧke Kuru ɔ sɔŋ kɔ, tə kətɔri ɛbɔy yɔŋ mȧtȧy ama ba kəder ka ɔthan ɔwe; ɔwa ɔ som umȧleka kɔŋ tə kətɔri ti ka ȧŋbɔy ŋɔŋ Yɔnȧŋ.

Kȧŋȧibinɛ 1:19

Tiyȧŋ gbal ȧtȧ mə po nənk, yi ȧtȧ mə yɔnɛ ka-ake, yi mȧtȧy ȧma ba tə kəyɔnɛ rodi.