1 Mȧtȧy ame i po pa ro nu, kȧmȧ a te yɔ nu nə pənthbəla.
Ɔwa wuni ka aruba wɔŋ ɔwe te fir tȧy tǝpǝnthbǝla ro rɔmi.
Kɛrɛ ma ɔ te ba athǝnk-e, ɔ tǝma gbo ta alɔkɔ agbut. Ɔwa ma mɔnɛ thalɔm asɔmpanɛ aŋ bek salata ȧrim, lɛmp ɔ tǝ pǝnthbǝla.
Ka pǝ kɛtha ŋa ta atɔŋ. Kɛrɛ Yisɔsȧŋ ɔ pa ro ŋaŋ, Unabi ɔ paŋ hɛ ayiki, thambe ka ȧŋthɔf ŋɔŋ gbeŋ, ɔwa ro seth kɔŋ sɔ.
Ɔwa afǝm agbȧthi aŋ tǝ pǝnthbǝla, aŋ tǝ sɔndanɛ, ɔwa aŋ tǝ gbɛŋanɛ.
I po kanɛ nu mȧtȧy ame, kȧmȧ mabɔnɛ ma mi mə tiyȧ ro nu, ɔwa kȧmȧ mabɔnɛ ma nu mə gbenthis.
Kɛrɛ mȧtȧy ame i po kanɛ nu kȧmȧ ma ȧŋlɔkɔ aŋ bek-e, nə tə kȧl nanɛ kəpa i la po kanɛ nu ti. I kanɛ hɛ nu mȧtȧy ame bɛ ka katəp, pəkasifɛ i yi rɛ naŋ.
Pə yi hɛ naŋ ɔfinɔ tə kədi ɔsɛm thalɔm tə kəmun məber, thalɔm tə kəyɔ koko ȧtȧ mə yɔ ɔwɔnt mu ɔ pənthbəla.
Kama nə thith mȧtȧy məfinɔ; kȧmȧ nə yi təteŋ, kəte ba məthɛkɛ haŋ ka ȧŋrey ŋa Yisɔs Krayst.
Dɛ yi sɔ-e, Asar ŋa kəpənthbəla yi agbalaŋ ŋa kəthɛn. Ɔwa aŋ pənthbəla ka ȧrim kotȧy-e aŋ wop hɛ ri mɔ mə aŋ yi tə kəyi kȧbi ka ɔtəpɛr.
