Yɔn 15:8 - Ȧŋlemrȧnɛ Ȧfu

⁸ Ka ȧte a tə yikis ɔKas kȧmi, bepi nə wur məkomi məgbathi; ɔwa ya nə tə yi akarande a mi.

Yɔn 15:8 ပူးပေါင်းရင်းမြစ်များ

Mathiu 5:16

Yɔ nu kȧmȧ ȧŋmothȧ a nu aŋ gbɛntha rodi ka aŋfǝm, kȧmȧ aŋ nənk mȧyɔs ma nu mǝfinɔ, ɔwa aŋ yikis ɔKas ka nu ɔwe yi ro riyana.

Mathiu 5:44

Kɛrɛ minɛȧŋ i pa ro nu, Bɔthǝr aŋtheranɛ a nu, ɔwa ramnɛ nu ta ȧtȧ ŋaŋ aŋa sɔmpa nu,

Mathiu 9:8

Kɛrɛ ma ȧsuniya aŋ nənk ti-e, aŋ kabanɛ, kaŋ yikis Kuruȧŋ ɔwe po sɔŋ afɔsɔ awunɔŋ ka afǝm.

Luk 6:35

Tiyȧŋ bɔthər aŋtheranɛ a nu, yɔ ŋa ɔfinɔ, bɔ ŋa kate gbak ȧmerȧ tə kəkal sɔthɔ; ɔwa ȧŋrȧm a nu aŋ tə yi abana, ɔwa nə tə yi aŋwuth ŋa ɔBɔli rəkɔm. Kotȧy-e ɔ yɔ ɔfinɔ ka aŋfisrəwali yi aŋləs.

Yɔn 13:35

Ka ȧte afəm bɛ aŋ tə tȧrȧ nə yi aŋkarande a mi, bepi nə bɔthərȧnɛ.

Yɔn 15:5

Minɛ yi ralek, naŋ nə yi mara: wuni ɔwe mə tiyȧ ro mi, ɔwa minɛ sɔ ro ŋɔŋ-e, ɔwe ɔ tə wur məkomi məgbathi: Ȧtesoma-e nə gbəli hɛ yɔ koko bepi nə tiyȧ hɛ ro mi.

Yɔn 8:31

Tiyȧŋ Yisɔsȧŋ ɔ pa ka aŋYuda aŋa po lanɛ kɔ, Bepi nə po bȧkər ka ȧrim ra mi, nə yi aŋkarande a mi tɛntɛnɛ;

1 AŋKɔrenth 10:31

Ȧŋsabu aŋ yi kəpa, bepi nə di-e, thalɔm nə mun-e, thalɔm nə yɔ tȧy o tai-e, yɔ ti nu bɛ salata aŋyiki ŋa Kuru.

1 AŋKɔrenth 6:20

kotȧy-e a po wai nu mɔlɔ məbaki. Tiyȧŋ yikis Kuru ka madɛr ma nu.

AŋFilipai 1:11

Kama nə la yi mȧkomi ma mȧlompi ama der kətȧŋȧnɛ ka Yisɔs Krayst kəkɔ ka aŋyiki dɛ yi kathɔkəs ka Kuru Məsaba.

Taytɔs 2:10

thalɔm keya, kɛrɛ ta aŋ yi abɔthi lanɛ rə ȧmerȧ ȧferȧ, kȧmȧ rə tȧy o tȧy aŋ gbəli sɔŋ aseri afinɔ ta mathəksa ma Kuru ɔKisis kȧsu.

Taytɔs 2:5

tə kəyi afəm asobinɛ, athɔth rə ȧmerȧ, tə kəbɛnɛ ɛseth yaŋ nəknək, athɔfəl, dɛ yi tə kəsanɛ ka aŋwos ŋaŋ kȧmȧ a te gbəli fɔf kəŋamnɛ ȧrim ra Kuru.

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.