Yɔn 15:7 - Ȧŋlemrȧnɛ Ȧfu

⁷ Bepi nə tiyȧ rokor kȧmi, ɔwa ȧsim ta mi tə tiyȧ rokor ka nu-e, yif nu tȧy o tȧy ȧte nə yema, ɔwa a tə yɔna nu ti.

Yɔn 15:7 ပူးပေါင်းရင်းမြစ်များ

Mathiu 7:7

Yif nu, a tǝ sɔŋ nu. Thɛns nu, ɔwa nǝ tǝ fir. Gbȧtgbȧt nu ka kȧdare, a tǝ kanthɛ nu;

Yɔn 14:13

Ɔwa tȧy o tȧy ȧte mə nə yif ka ȧŋes a mi, i ti yɔ ti, kȧmȧ ɔKas ɔ sɔthɔ ayiki ka ɔWan.

Yɔn 15:16

Naŋ, na tha thith mi, kɛrɛ minɛ thith nu, ka i bot nu, kȧmȧ nə kɔnɛ nə wur məkomi, ɔwa kȧmȧ mȧkomi ma nu mə tiyȧ: kȧmȧ tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Yɔn 16:23

Ka ȧŋrey ŋati nə ba hɛ kəyif mi tȧy o tȧy. I kanɛ nu tɛntɛnɛ, tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Yɔn 8:31

Tiyȧŋ Yisɔsȧŋ ɔ pa ka aŋYuda aŋa po lanɛ kɔ, Bepi nə po bȧkər ka ȧrim ra mi, nə yi aŋkarande a mi tɛntɛnɛ;

Yɔn 8:37

I tȧrȧ kəpa nə yi awuth ŋa Ebraham: kɛrɛ nə thɛns tə kədif mi, ȧtesoma-e ȧrim ra mi rə yirȧ hɛ ka ɛmerȧ ɛ nu.

AŋKȧletia 4:2

kɛrɛ ɔ yi ratha ka akarmɔkɔ yi ɛbɔy haŋ ka ȧŋlɔkɔ aŋa ɔkas kɔŋ ɔ bot.

AŋKȧletia 5:16

Ɔwa i pa hɔ, Kɔth nu ka ɔYina kȧmȧ nə te lasər ɛfela ɛləs ya madɛr.

AŋKɔlɔsi 3:16

Yɔ nu kȧmȧ ȧrim ra Krayst rə bȧkər ka ɛmerȧ ɛ nu, mɔ rəka rəkɛŋ. Thəksanɛ nu, ɔwa maŋanɛ nu ka ȧŋSams yi məleŋ ma ro Yina məgbaskɛ gbaskɛ, ɔwa lensir nu ɔMarki rə aboŋa ka ɛmerȧ ɛ nu.

1 Yɔn 2:14

I po gbalər nu, naŋ akas, pəkasifɛ nə po tȧrȧ kɔ ɔwe yi kȧbi ka ɔtəpɛr. I po gbalər nu, naŋ alaŋgba, pəkasifɛ nə yi abȧki mədɛr, ɔwa ȧrim ra Kuru rə tiyȧ ro nu, ɔwa nə po tham Sethani.

1 Yɔn 2:27

Kɛrɛ bepi kafethər ȧke nə po sɔthɔ ro ŋɔŋ kə tiyȧ ro nu, nə ba hɛ sɔ kȧmȧ wuni o wuni ɔ thəksa nu: ɔwa mɔ kafethər kɔŋ kə thəksa nu ka mȧtȧy bɛ, ɔwa kə yi tȧteŋ, rəyem thahɔ, tiyȧ nu ro ŋɔŋ mɔ mə kə po thəksa nu.

1 Yɔn 3:22

Ɔwa koko sə yif sə sɔthɔ ro ŋɔŋ, pəkasifɛ sə wop ɛyamari yɔŋ, ɔwa sə yɔ ȧtȧ mə thesanɛ kɔ.

1 Yɔn 5:14

Ɔwa kamintha ȧke sə ba ro ŋɔŋ ki ake, kəpa, bepi sə yif tȧy o tȧy ka mȧselɔ mɔŋ, ɔ təlȧ su.