Yɔn 15:22 - Ȧŋlemrȧnɛ Ȧfu

²² Bepi naŋ i de hɛ ɔwa i fɔfȧnɛ ŋa-e, aŋ ba hɛ naŋ ahakɛ: kɛrɛ ka-ake aŋ ba hɛ kəkat kɛrɛ ta ɛhakɛ yaŋ.

Yɔn 15:22 ပူးပေါင်းရင်းမြစ်များ

Luk 12:46

ɔMarki ka ȧŋbɔy ŋati ɔ tə der ka ȧŋrey aŋa ɔ te nanɛ kɔ, ka ȧŋlɔkɔ aŋa ɔ te tȧrȧ, ɔwa ɔ tə sap kɔ ɔləs, ɔwa ɔ tə botȧ kɔ ani ka ante lanɛ.

Yɔn 12:48

Ɔwuni ɔwe mə pɛnsa mi, ɔwa ɔ malanɛ hɛ ȧsim ta mi, ɔ ba ukin ɔwe mə thonkas kɔ; ȧrim ara i po fɔf, rə mə thonkas kɔ ka ȧŋrey aləpsɔ.

Yɔn 15:23

Wuni ɔwe gbɛŋa mi ɔ gbɛŋa sɔ ɔKas kȧmi.

Yɔn 15:24

Bepi i tha yɔ hɛ kətɔŋ ka ŋaŋ mȧyɔs ama wuni lɔm ɔ te la yɔ-e, aŋ ba hɛ naŋ ahakɛ: kɛrɛ ka-ake aŋ po nənk ɔwa aŋ po gbɛŋa minɛŋ yi ɔKas kȧmi.

Yɔn 16:9

ta ahakɛ, pəkasifɛ aŋ lanɛ hɛ mi;

Yɔn 19:11

Yisɔsȧŋ ɔ pa, Mə ba hɛ afɔsɔ rokɔm kȧmi thambe a sɔŋ mu ŋi kəwur rokɔm: tiyȧŋ ɔwe sɔnd mi ro mu, ɔ ba mətheri pəthasi munɔ.

Yɔn 9:41

Yisɔsȧŋ ɔ pa ro ŋaŋ, Bepi nə yi afith-e, nə ba hɛ naŋ ahakɛ; kɛrɛ ka-ake nə pa, Sə nənk; tiyȧŋ aŋhakɛ a nu aŋ bȧkər.

Mȧyɔs ma aŋsom 17:30

Tiyȧŋ Kurɔŋ ɔ paysa ɛfɔr ka ɛlɔkɔ ya kate tȧrȧ, kɛrɛ ka-ake ɔ yamari aŋfəm dɛr o dɛr tə kəthupi.

AŋRomans 1:20

kotȧy-e kȧbi ka ɔtəpɛ wa ȧdȧru mayi mɔŋ ama a te nəŋka rəfɔr ama yi mɔ aŋfɔsɔ ŋɔŋ athəbana dɛ yi rawuni ra kuru rɔŋ-e, a tɔri ma gbafəth salata mapanth ma mȧta mɔŋ. Tiyȧŋ aŋ ba hɛ sɔ ra maŋ aŋ kat kɛrɛ.

AŋRomans 2:1

Tiyȧŋ munɔ, O wuni kəpet, mə ba hɛ sɔ roŋ bepi mə thonkas wuni lɔm, kotȧy-e ma mə sɔŋ ulɔm mətheri-e, mə sɔnɛ mətheri, pəkasifɛ mə yɔ mɔlɔ min yi ɔlɔm.

Yeməs 4:17

Tiyȧŋ kɔn ɔwe tȧrȧ tə kəyɔ təfinɔ kɛrɛ ɔ yɔ hɛ ti, ahakɛ do rɔŋɔŋ.

1 Pitar 2:16

mɔ afəm a kəyaŋkaŋ; kɛrɛ te nu yɔ rȧwankom ra nu rə səkɛ mɔ kibari tə kəyɔ məkənə, kɛrɛ yɔ nu mɔ ɛbɔy ya Kuru Məsaba.