14 Naŋ nə yi aŋyathki a mi, bepi nə yɔ ȧte i yamari nu.
Ȧtesoma-e wuni o wuni ɔwe mǝ yɔ mȧselɔ ma ɔKas kȧmi ɔwe yi ro riana-e, kɔnɔ yi ɔwɔnt mi uruni yi ɔwɔnt mi ubɛra dɛ yi ɔkara kȧmi.
Ɔwa i kanɛ nu aŋyathki a mi, Te nu nesa ŋa aŋa gbəli dif aŋdɛr, kɛrɛ kədarəŋ kati aŋ gbəli hɛ yɔ koko.
Bepi nə tȧrȧ mȧtȧy ame, nə ba aruba bepi nə yɔ ma.
Bepi nə bɔthər mi, wop nu ɛyamari ɛ mi.
Kɔnɔ ɔwe ba ɛyamari ɛ mi, ɔwa ɔ wop yi-e, kɔnɔ yi ɔwe mə bɔthər mi: ɔwa kɔnɔ ɔwe mə bɔthər mi ɔKas kȧmi ɔ tə bɔthər kɔ, ɔwa i ti bɔthər kɔ, ɔwa i ti tɔrinɛ gbafəth ro ŋɔŋ.
Nə po təl ma i pa ro nu, I kɔnɛ, kɛrɛ i ti kȧl der ro nu. Bepi nə bɔthər mi naŋ-e, nə tə ba ti məbɔnɛ, ȧtesoma-e i pa, i kɔ ka ɔKas; pəkasifɛ ɔKas ɔ thasi mi.
Ɔkara kɔŋ ɔ pa ka ɛbɔy, Tȧy o tȧy bɛ ȧte ɔ kanɛ nu-e, yɔ ti nu.
Ka mȧgbal məsəm mə lasər ama pa, Ka Ebraham ɔ lanɛ Kuru-e, ɔwa a lɔma kɔ ti məlompi. Ka a bont kɔ, Ɔyathki ka Kuru.
Mabɔthər ma Kuru mi ame, kȧmȧ sə wop ɛyamari yɔŋ: ɔwa ɛyamari yɔŋ ɛ yi hɛ ɛtui wop.
