Yɔn 15:10 - Ȧŋlemrȧnɛ Ȧfu

¹⁰ Bepi nə wop aŋyamari a mi-e, nə tə tiyȧ ka mabɔthər ma mi: mɔ mə i po wop aŋyamari ŋa ɔKas kȧmi, ka i tiya ka mȧbɔthər mɔŋ.

Yɔn 15:10 ပူးပေါင်းရင်းမြစ်များ

Yɔn 10:18

Wuni o wuni ɔ nɔy hɛ mi ŋi, kɛrɛ min minɛnɛ i sɔndnɛ. I ba afɔsɔ tə kəsɔnd ŋi, ka i ba afɔsɔ tə kəkal gbasi ŋi. Aŋyamari aŋe i sɔthɔ kəwur ka ɔKas kȧmi.

Yɔn 12:49

Ȧtesoma-e, i fɔf hɛ kəwur ka ȧŋmerȧ a mi; kɛrɛ ɔKas ɔwe som mi, ɔ po yamari mi ȧte mə i pa, yi ȧte mə i fɔf.

Yɔn 14:15

Bepi nə bɔthər mi, wop nu ɛyamari ɛ mi.

Yɔn 14:21

Kɔnɔ ɔwe ba ɛyamari ɛ mi, ɔwa ɔ wop yi-e, kɔnɔ yi ɔwe mə bɔthər mi: ɔwa kɔnɔ ɔwe mə bɔthər mi ɔKas kȧmi ɔ tə bɔthər kɔ, ɔwa i ti bɔthər kɔ, ɔwa i ti tɔrinɛ gbafəth ro ŋɔŋ.

Yɔn 14:23

Yisɔsȧŋ ɔ pa ro ŋɔŋ, Bepi wuni ɔ bɔthər mi-e, ɔ tə wop ȧrim ra mi: ɔwa ɔKas kȧmi ɔ tə bɔthər kɔ, ɔwa sə tə der ro ŋɔŋ, sə tə yianɛ ro ŋɔŋ.

Yɔn 14:31

Kɛrɛ kȧmȧ ȧdȧru rə tȧrȧ kəpa i bɔthər ɔKas, yi mɔ mə ɔKas ɔ yamari mi, ya mə i yɔ. Yokanɛ nu maŋ kɔnɛ.

Yɔn 17:4

I po yikis mu nɔru, ma i pons mapanth ama mə sɔŋ mi tə kəyɔ.

Yɔn 4:34

Yisɔsȧŋ ɔ pa ro ŋaŋ, Ɛdi ɛ mi ɛ yi tə kəyɔ mȧselɔ ma ɔwe som mi, yi tə kəpons mapanth mɔŋ.

Yɔn 8:29

Ɔwa ɔwe som mi ɔ yi yi minɛŋ: ɔKas ɔ tey hɛ mi min son; ȧtesoma-e i yɔ mȧtȧy ama mə bɔnɛs kɔ alɔkɔ bɛ.

Yɔn 8:55

Ɔwa nia nə tɛ hɛ kɔ, kɛrɛ minɛ i tȧrȧ kɔ: ɔwa bepi i pa i tɛ hɛ kɔ-e, i ti yi uyem mɔ niaŋ: kɛrɛ i tȧrȧ kɔ, ɔwa i wop ȧrim rɔŋ.

1 AŋKɔrenth 7:19

Kəbirons kə ba hɛ tȧy, yi kəte birons kə ba hɛ tȧy, kɛrɛ kəwop ɛthɔ ya Kuru-e, ka ba tȧy.

1 AŋThɛsȧlonika 4:1

Ka kaləpsɔ sə nɛmthɛnɛ nu awɔnt, ɔwa sə maŋ nu ka ɔMarki Yisɔs, kəpa mɔ mə sə po tɔri nu to nə yi tə kəkɔth dɛ yi tə kəbɔnɛs Kuru-e, mɔlɔ min mɔ mə nə kɔth thɔŋ ka-ake, ɔwa bȧsər nu kɔ kədi.

AŋHibru 7:26

kotȧy-e, ɔbeki su tə kəba ufode ubana mɔ ɔwe-e, ɔwe yi usəm-e, upaŋi yaŋfa-e, ugbəraŋ-e; ɔwe yi ugbaskɛ ka afəm ka ahakɛ, dɛ yi ɔwe a ŋata ɔbɔli rəkɔm pəthas kȧriyana.

2 Pitar 2:21

kotȧy-e pə tə yi naŋ fisa bepi aŋ la hɛ tȧrȧ aroŋ da məlompi pəthas ma mə aŋ po tȧrȧ ri-e, a kȧl kala kamuth ka aŋyamari asəm aŋa a po sɔŋ ŋa.

1 Yɔn 2:3

Ka ȧte sə tȧrȧ kəpa sə tȧrȧ kɔ, bepi sə wop ɛyamari yɔŋ.

1 Yɔn 2:5

Kɛrɛ ɔwe mə wop ȧrim rɔŋ-e, tɛntɛnɛ mabɔthər ma Kuru mə po gbenthis ro ŋɔŋ: ka ȧte sə tȧrȧ kəpa sə yi ro ŋɔŋ.

1 Yɔn 2:6

Kɔn ɔwe mə pa ɔ yi ro ŋɔŋ, ɔ yi sɔ tə kəkɔth mɔ kɔnɔ ɔ kɔth.

1 Yɔn 5:3

Mabɔthər ma Kuru mi ame, kȧmȧ sə wop ɛyamari yɔŋ: ɔwa ɛyamari yɔŋ ɛ yi hɛ ɛtui wop.

Kȧŋȧibinɛ 22:14

Afəm aruba ŋaŋ aŋa po yak ȧsuma taŋ kȧmȧ aŋ gbəli ba mamari tə kəder ka aŋənt ŋa aŋesəm, dɛ yi kȧmȧ aŋ gbəli wɔŋ ka tadare ta kȧpet.