Yɔn 14:6 - Ȧŋlemrȧnɛ Ȧfu

⁶ Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 14:6 ပူးပေါင်းရင်းမြစ်များ

Mathiu 11:27

ƆKas kȧmi ɔ po sɔŋ mi mətȧy bɛ, ɔwa wuni o wuni ɔ tɛ hɛ ɔWan thambe ɔKas; ɔwa wuni o wuni ɔ tɛ hɛ ɔKas thambe ɔWan dɛ yi ka ɔwe ɔWan ɔ yema tǝ kǝŋaibi kɔ.

Yɔn 1:14

Ka Ȧrim rə səkɛ wuni, kɔ yirȧ kətɔŋ kȧsu, ɔwa sə kəli aŋyiki ŋɔŋ, aŋ yi mɔ aŋyiki ŋa ɔWan son ka ɔKas, ɔ la aboŋa yi tȧteŋ.

Yɔn 1:17

Ȧtesoma-e Mosisȧŋ kɔnɔ sɔŋ ȧŋthɔ; kɛrɛ ȧŋboŋa yi tȧteŋ ɛ der ka kȧta ka Yisɔs Krayst.

Yɔn 1:4

Aŋesəm aŋ yi ro ŋɔŋ: ɔwa aŋesəm aŋ yi ȧŋmothȧ ŋa afəm.

Yɔn 10:28

ka i sɔŋ ŋa aŋesəm thəbana; ɔwa aŋ ba hɛ kədinɛ thȧnkȧŋ, ɔwa wuni o wuni ɔ gbəli hɛ kathi ŋa ka kȧta kȧmi.

Yɔn 10:7

Ka Yisɔsȧŋ ɔ kȧl pa ro ŋaŋ, I kanɛ nu tɛntɛnɛ, Minɛ yi kadare ka talɔmɛ.

Yɔn 10:9

Minɛ yi kadare: bepi wuni o wuni ɔ wɔŋ ka kȧta ka mi-e, ɔ tə kisi, ɔwa ɔ tə wɔŋ, ɔ tə wur, ɔ tə bəp ɛwɔnth.

Yɔn 14:19

Pə tiyȧ ras alɔkɔ agbut, ɔwa ȧdȧru rə nənk hɛ mi sɔ: kɛrɛ nia nə tə nənk mi: pəkasifɛ i kəli, nia nə tə kəli sɔ.

Yɔn 15:1

Minɛ yi ralek rəgbeŋ, ɔwa ɔKas kȧmi kɔnɔ yi ɔbaf.

Yɔn 18:37

Payletȧŋ pa ro ŋɔŋ, Mə yi mən ubai-i? Yisɔsȧŋ ɔ pa Aŋko, mə pa tȧteŋ, i yi ubȧy. Ta ȧte tə a kom mi, ɔwa ta ȧŋsabu aŋe tə i der ka ȧdȧru, kȧmȧ i gbaki ta tȧteŋ. Wuni o wuni ɔwe yi ka tȧteŋ ɔ təl ȧrim ra mi.

Yɔn 5:21

Mɔ mə ɔKas ɔ yokas aŋfi, dɛ ɔ kəlis ŋa-e, yaŋ sɔ ɔWan ɔ kəlis ɔwe ɔ yema.

Yɔn 6:33

Ȧtesoma-e kabo ka Kuru kə yi kɔn ɔwe wur ro riyana, ɔwa kə sɔŋ aŋesəm ka ȧdȧru.

Yɔn 6:51

Minɛ yi kabo kəkəli ȧke wur ro riyana; bepi wuni o wuni ɔ di kabo ake, ɔ tə kəli thəbana: ɔwa kabo ȧke mə i sɔŋ kə yi aŋdɛr a mi, ta aŋesəm ŋa ȧdȧru.

Yɔn 6:57

Mɔ mə ɔKas ukəli ɔ som mi, ɔwa i ŋesəm salata ɔKas, ya pə yi sɔ kɔn ɔwe mə di mi, kɔnɔ sɔ ɔ tə ŋesəm salata mi.

Yɔn 6:68

Saymɔn Pita ɔ wosa, ɔ pa, Pa ka kanɛ mə sə kɔ-e? Munɔ mə ba ȧsim ta aŋesəm thəbana.

Yɔn 8:32

ɔwa nə tə tȧrȧ tȧteŋ, ɔwa tȧteŋ tə tə yɔ nu nə yi awuth akom.

Yɔn 8:51

I kanɛ nu tɛntɛnɛ, Bepi wuni ɔ wop ȧrim ra mi, ɔ nənk hɛ rafi thəbana.

Mȧyɔs ma aŋsom 3:15

Ka nə dif ɔTəpi wa aŋesəm, ɔwe Kuru ɔ po yokas kətɔŋ ka aŋfi, ta ȧtȧ sə yi məseri.

Mȧyɔs ma aŋsom 4:12

Ɔwa kakisi kə yi hɛ ka wuni o wuni ulɔm, kotȧy-e, ŋes o ŋes alɔm aŋ yi hɛ ka ȧdȧru are aŋa a sɔŋ kətɔŋ ka aŋfəm ro sə gbəli sɔthɔ kakisi.

Mȧyɔs ma aŋsom 9:2

ɔ tholir kɔ ɛreka tə kəkɔ ro Damaskɔs ka ɛseth ɛgbanɛ, kama-e, bepi ɔ fir ri wuni o wuni ɔwe yi ka aRoŋ-e, pə yi afəm aruni-o, afəm abom-o, ɔ kȧrȧ ŋa asekəth ro Yerusalɛm.

AŋRomans 15:16

kȧmȧ minɛŋ i yi naŋ ȧbɔy ŋa Yisɔs Krayst ka tȧbona təlɔm, tə kəyɔ mapanth ma mapa məfinɔ ma Kuru, kȧmȧ i lȧnki tȧbona təlɔm ka Kuru mɔ asathka təmar malanɛ ȧtȧ ɔYina məsəm ɔ səməs.

AŋRomans 5:2

ka ɔwe sə sɔthɔ roŋ rə kəlanɛ ka ȧŋboŋa ŋa Kuru ro sə təmȧ. Ɔwa ta pə bɔnɛ su salata kagbak ȧmerȧ ka aŋyiki ŋa Kuru.

AŋRomans 5:21

kȧmȧ mɔ ahakɛ aŋ gbəka salata rəfi, yaŋ sɔ aboŋa aŋ gbəka salata mȧlompi kəkɔ ka aŋesəm thəbana asabu ŋa Yisɔs Krayst ɔMarki kȧsu.

1 AŋKɔrenth 15:45

Tiyȧŋ a gbal ti kəpa, Ɔwuni utɔtɔkɔ Adȧmȧŋ a səki kɔ wuni ba ŋesəm; kɛrɛ ɔAdȧm uləpsɔ kɔnɔ yi ɔYina ɔwe sɔŋ aŋesəm.

AŋƐfisɔs 2:18

Ȧtesoma-e kətaŋ do rɔŋɔŋ-e, saŋ bɛ sə sɔthɔ roŋ ra kəwɔŋ ka ɔKas kətȧŋȧnɛ ka ɔYina ukin.

AŋKɔlɔsi 2:17

Mȧtȧy ame mə yi gbo amumpəl ŋa mȧtȧy ama ba kəder, kɛrɛ ȧŋdɛr gbeŋ aŋ yi ka Kraystȧŋ.

AŋKɔlɔsi 2:9

kotȧy-e do rɔŋɔŋ ɔlasər wa Kuru Məsaba bɛ ɔ bȧkər.

AŋKɔlɔsi 3:4

Ma Krayst ɔwe yi aŋesəm a su ɔ tɔrinɛ, ka ȧŋlɔkɔ ŋati naŋ sɔ nə tə tɔrinɛ dɛ yi kɔn ka ayiki.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

AŋHibru 9:8

Yaŋ ɔYina məsəm ɔ tɔri kəpa aroŋ da wɔŋ ka ɔdɛr ɔsəm thɔ bɛ-e rə tha tɔrinɛ hɛ ras, fanama ȧŋkonko ȧtɔtɔkɔ aŋ təmȧ.

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Pitar 2:4

ɔwa nə der do rɔŋɔŋ, ɔwe mə yi ȧsar akəli aŋa afəm a kəpet aŋ farki, kɛrɛ aŋ re yi athith dɛ yi abȧki mɔlɔ rodi ka Kuru.

1 Pitar 3:18

kotȧy-e Kraystȧŋ ɔ po thɔŋ nakasi win haŋ thəbana ta ɛhakɛ, ɔlompi ɔ sɔmpanɛ ta aŋkənȧ, kȧmȧ ɔ gbəli kȧrȧ su ka Kuru. A dif kɔ ka madɛr, kɛrɛ a kəlis kɔ ka ɔYina.

1 Yɔn 1:8

Bepi sə pa sə ba hɛ ahakɛ, sə pəŋəsnɛ, ɔwa tȧteŋ tə yi hɛ ro su.

1 Yɔn 2:23

Wuni o wuni ɔwe mə pɛnsa ɔWan ɔ ba hɛ ɔKas; kɛrɛ ɔwe mə gbithanɛ ɔWan ɔ ba sɔ ɔKas.

1 Yɔn 5:20

Ɔwa sə tȧrȧ kəpa ɔWan ka Kuru ɔ po der, kɔ po sɔŋ su kəsɔthnɛ, kȧmȧ sə gbəli tȧrȧ kɔ ɔwe yi təteŋ, ɔwa saŋ sə yi ka kɔn ɔwe yi təteŋ, hali ka ɔWan kɔŋ Yisɔs Kraystȧŋ. Kɔnɔ yi ɔKuru utəteŋ, yi aŋesəm thəbana.

1 Yɔn 5:6

Ɔwa Yisɔs Kraystȧŋ kɔnɔ der rə mȧnt yi mətir; pə yi hɛ rə mȧnt gbo son, kɛrɛ rə mȧnt yi mətir.

2 Yɔn 1:9

Wuni o wuni ɔwe mə təmȧ kəri, ɔwa ɔ bȧkər hɛ ka mathəksa ma Kraist-e ɔ ba hɛ Kuru. Kɛrɛ kɔn ɔwe bȧkər ka mathəksa ma Krayst, ɔkati ɔ ba ɔKas yi ɔWan sɔ.

Kȧŋȧibinɛ 1:5

dɛ yi kəwur ka Yisɔs Kraystȧŋ, ɔwe yi ɔSeri ubɔthi lanɛ, ɔWan utɔtɔkɔ kəwur kətɔŋ ka aŋfi; dɛ yi ɔGbəka ka aŋbȧy bɛ nɔru. Ta kɔn ɔwe bɔthər su-e, ɔwe po bani su ka ɛhakɛ ɛ su kətȧŋȧnɛ ka mȧtir mɔŋ gbeŋ-e,

Kȧŋȧibinɛ 19:11

Ka i nənk kȧriyana kə kanthɛ, ɔwa kəlo, ȧsoy ȧferȧ ɔ wur, ka a tela ɔwe rensa kɔ-e, ƆBɔthi lanɛ dɛ yi utǝteŋ, ɔwa kɔnɔ mə thonkas, ɔ kȧl tim ka məlompi.

Kȧŋȧibinɛ 20:15

Ɔwa wuni o wuni ɔwe te ba ȧŋes ŋɔŋ ka ȧkȧfȧ ka aŋesəm-e, a tǝ fitha kɔ ka ȧŋbonka ŋa nȧnt.

Kȧŋȧibinɛ 22:1

Kɔ tɔri mi kȧbȧŋ ka ȧmȧnt ma aŋesəm, mətempi yereŋ, mə wur ka kawaŋ ka rȧbȧy ra Kuru yi ka kaLɔmɛ kəfɛth;

Kȧŋȧibinɛ 22:17

ƆYina məsəm yi ɔbɛra ufath aŋ pa, Der. Ɔwa ta kɔn ɔwe təl ɔ pa, Der. Dɛ yi kɔn ɔwe ba rəmun-e, ta ɔ der. Wuni o wuni ɔwe selɔ, ta ɔ gbasi ȧmȧnt ma aŋesəm kəyaŋkaŋ.

Kȧŋȧibinɛ 3:14

Gbal ka ɔkəlianɛ ka aŋchɔch ŋa ro La-odishiya kəpa ye, Ȧsim ta ɔwe yi ɔSeri utəteŋ, ɔTəpi ka ɛyɛt ɛbɛmpa ya Kuru, ti ȧte.

Kȧŋȧibinɛ 3:7

Gbal ka ɔkəlianɛ ka aŋchɔch ŋa ro Filadɛlfiya kəpa ye, Ɔwe yi usəm yi utəteŋ, ɔwe ba masapɔ ma Debid, ɔwe mə kanthi, ɔwa wuni o wuni ɔ gbəli hɛ kantha, kɔ kȧl kantha, ɔwa wuni o wuni ɔ gbəli hɛ kanthi; ɔkati ɔ pa,