Yɔn 14:26 - Ȧŋlemrȧnɛ Ȧfu

²⁶ Kɛrɛ ɔBɛfəth, ɔYina məsəm, ɔwe ɔKas ɔ tə som ka ȧŋes a mi, ɔ tə thəksa nu mȧtȧy bɛ, ɔwa ɔ tə kala ɛnanɛ ɛ nu ka mȧtȧy bɛ ama i po kanɛ nu.

Yɔn 14:26 ပူးပေါင်းရင်းမြစ်များ

Mathiu 1:18

Ɔwa kakom ka Yisɔs kǝ yi yaŋ; ma Yosɛf ɔ po fath Meriȧŋ ɔkara ka Yisɔs, yeŋka aŋ yiranɛ-e, a fir kǝpa ɔ yi ukor ka ɔYina mǝsǝm.

Mathiu 1:20

Kɛrɛ ma ɔ tȧmtȧmnɛ mȧtȧy ame-e, kǝla, ɔmaleka ka ɔMarki ɔ tɔrinɛ ro ŋɔŋ rǝ mǝrei, kɔ pa, Yosɛf, munɔ ɔwan ka Debid, te nesa tǝ kǝba ro mu Meriȧŋ, ɔrani ka mu-e, kotȧy-e ɔ yi ukor ka ɔYina mǝsǝm.

Mathiu 28:19

Tiyȧŋ kɔnɛ nu ka tǝbona bɛ-e, nǝ sǝki ŋa akarande, nǝ baftays ŋa ka ȧŋes ŋa ɔKas, yi aŋa ɔWan, yi aŋa ɔYina mǝsǝm;

Mathiu 3:11

Minɛŋ yathi, i baftays nu yi mȧnt ka kǝthupi, kɛrɛ ɔwe mǝ der kǝdarǝŋ kȧmi kɔnɔ thasi mi afɔsɔ. I bek hɛ tǝ kǝwop ɛkɔftha yɔŋ. Ɔ tǝ baftays nu yi ɔYina mǝsǝm yi nȧnt.

Mark 12:36

Debid kɔn kɔnɔnɛ ɔ pa ka ɔYina məsəm, ƆMariki ɔ pa ka ɔMarki kȧmi, Yirȧ ka kȧdiyɔ kȧmi Haŋ i səki aŋtheranɛ a mu agbeth ŋa ȧtȧtək ta mu.

Mark 13:11

Maŋ kera nu tə kəlaŋkli nu-e, te nu ba asoli ta ȧtȧ mə nə fɔf, kɛrɛ tȧy o tȧy ȧtȧ a sɔŋ nu ka ȧŋlɔkɔ ŋati-e, tə mə nə fɔf, kotȧy-e, pə yi hɛ naŋ nə mə fɔf, kɛrɛ ɔ Yina məsəm kɔnɔ mə fɔf.

Luk 1:15

Ȧtesoma-e ɔ tə yi ubana roder kəri ka Kurɔŋ, ɔwa ɔ yi hɛ tə kəmun məber məfɛth thalɔm məber məbaki. Ɔwa ɔYina məsəm ɔ tə la kɔ kətəp rokor ka ɔkara kɔŋ.

Luk 1:35

Ka ɔmaleka ɔ pa ro ŋɔŋ, ɔYina məsəm ɔ tə thorər mu, aŋfɔsɔ ŋa ɔBɔli rəkɔm aŋ tə gbəpər mu. Tiyȧŋ arəka rəsəm ara mə tə re kom-e, a tə bont kɔ, ɔWan ka Kuru.

Luk 1:41

Ka pə re yi ma Elisabɛth ɔ təlȧ aŋkori ŋa Meri-e, kalɛnth ɔ pai rokor kɔŋ, ka ɔYina məsəm ɔ lasər Elisabɛth-əŋ,

Luk 1:67

Ɔkas kɔŋ Sakarayaŋ ɔ la yi ɔYina məsəm, ɔ pa,

Luk 11:13

Bepi naŋ, ma nə yi aləs-e, nə tȧrȧ tə kəsɔŋ ɛboya ɛfinɔ ka aŋwuth a nu-e, thamsinɛ ɔKas ka nu ɔwe yi ro riana-e, ɔ tə sɔŋ ɔYina məsəm ka ŋaŋ aŋa mə yif kɔ-i?

Luk 2:25

Ɔwa, kəla, wuni ɔ yi ro Yerusalɛm, ȧŋes ŋɔŋ ŋə yi Simiyɔn; wuni ɔwe yi ulompi, ɔ nesa Kuru, ɔ kar kȧbɛfəth ka Isrɛl. Ɔwa ɔYina məsəm ɔ rensa kɔ.

Luk 24:49

Ɔwa kəla, i som ro rɔnu aŋlahiri ŋa ɔKas kȧmi, kɛrɛ te nu bɔnɛ ro pet haŋ a lonsər nu afɔsɔ kəwur rokɔm.

Luk 3:22

ka ɔYina məsəm ɔ thor ɔ ba adɛr mɔ kəpərəm, kɔ rensa kɔ, ɔwa rim rə wur ka ȧkuru ara pa, Munɔ yi ɔWan kȧmi ubɔthər; mə thesis ȧŋmerȧ a mi finɔ.

Yɔn 1:33

Ka minɛŋ i tɛ hɛ kɔ: kɛrɛ kɔnɔ ɔwe som mi tə kəbaptais yi mȧnt-e, ɔ pa ro mi, Ka ɔwe mȧ mə nənk ɔYina ɔ thor, ɔwa ɔ yirər kɔ rokɔm-e, kɔnɔ yi ɔwe mə baftays yi ɔYina məsəm.

Yɔn 12:16

Ka ɔtɔtɔkɔ pə sɔk hɛ aŋkarande ŋɔŋ ta mȧtȧy ame: kɛrɛ ma a po yikis Yisɔsȧŋ aŋ kala ȧmerȧ kəpa a gbal mȧtȧy ame ta atɔŋ, ɔwa kəpa aŋ po yɔna kɔ mȧtȧy ame.

Yɔn 14:16

Ɔwa i ti nɛmthɛnɛ ɔKas, ɔwa ɔ tə sɔŋ nu uBɛfəth ulɔm, kȧmȧ ɔ yi ro nu thəbana.

Yɔn 14:25

Mȧtȧy ame i pa ro nu, ma i yi ras ro nu.

Yɔn 15:26

Kɛrɛ ma ɔBɛfəth ɔ der-e, ɔwe i ti somra nu kəwur ka ɔKas, ɔYina ka tȧteŋ, ɔwe wur ka ɔKas-e, ɔ tə gbaki ta ȧtȧ mi:

Yɔn 16:7

Ɔwa i kanɛ nu tȧteŋ, pə tə yi ɔfinɔ ta ȧtȧ nu bepi i kɔnɛ: ȧtesoma-e, bepi i kɔ hɛ-e, ɔBɛfəth ɔ ba hɛ kəder ro nu; kɛrɛ bepi i kɔ-e, i ti som kɔ ro nu.

Yɔn 2:22

Tiyȧŋ ma ɔ kȧl yokanɛ kətɔŋ ka aŋfi-e, aŋkarande ŋɔŋ aŋ kala ȧmerȧ ma ɔ la po fɔf ȧte; ɔwa aŋ lanɛ mȧgbal ma Kuru yi ȧrim ara Yisɔs ɔ pa.

Yɔn 20:22

Ma ɔ po pa ȧte, ɔ ŋesmər ŋa, kɔ pa ro ŋaŋ, Malanɛ nu ɔYina məsəm:

Yɔn 6:45

A po gbal ka mȧgbal ma Aŋnȧbi kəpa, Kurɔŋ ɔ tə thəksa ŋa bɛ. Wuni o wuni ɔwe po təlȧ ɔKas, ɔwa ɔ thəkəs ro ŋɔŋ, ɔ tə der ro mi.

Yɔn 7:39

Ɔ pa ȧte ta ɔYina, ɔwe ŋaŋ aŋa lanɛ kɔ aŋ yi tə kəsɔthɔ: ȧtesoma-e a tha sɔŋ hɛ ɔYina, pəkasifɛ a tha yikis hɛ Yisɔsȧŋ.

Mȧyɔs ma aŋsom 1:2

haŋ ȧŋrey aŋa a ŋata kɔ rokɔm, kədarəŋ kɔ po sɔŋ aŋyamari ka aŋfɔsɔ ŋa ɔYina məsəm ka aŋsom aŋa ɔ po thith.

Mȧyɔs ma aŋsom 1:4

Ɔwa ma ɔ yi yi ŋaŋ-e, ɔ maŋ ŋa kȧmȧ aŋ te wur ro Yerusalɛm, kɛrɛ kȧmȧ aŋ kar aŋlahiri ŋa ɔKas, aŋa ɔ pa, I la tɔri nu kəpa-e,

Mȧyɔs ma aŋsom 1:8

Kɛrɛ nə tə sɔthɔ afɔsɔ ma ɔYina məsəm ɔ derər nu; ɔwa nə tə yi maseri ma mi ro Yerusalɛm-o, ro Yudia bɛ-o, ro Samaria-o, ɔwa haŋ ka ɔthalnɛ wa ȧdȧru.

Mȧyɔs ma aŋsom 11:16

Ka i kȧl nanɛ ȧrim ra ɔMarki ma ɔ pa, Tɛntɛnɛ Yɔnȧŋ ɔ baftays yi mȧnt, kɛrɛ a tə baftays nu yi ɔYina məsəm.

Mȧyɔs ma aŋsom 13:2

Ɔwa mɔ mə aŋ bȧtho ɔMarki, aŋ kȧl wop asum, ɔYina məsəm ɔ pa, Gbaski Banabasȧŋ yi Sɔlȧŋ ta ȧtȧ mi ta mapanth ama i tela ŋa.

Mȧyɔs ma aŋsom 13:4

Ɔwa, ma ɔYina məsəm ɔ po som ŋa-e, aŋ thor ro Silusiya, ro aŋ bȧkȧ rə abil, aŋ kɔnɛ ro Saiprɔs.

Mȧyɔs ma aŋsom 15:28

kotȧy-e ɔYina məsəm ɔ nənk ti ɔfinɔ, ɔwa saŋ sɔ, tə kəte reŋ nu kothe o kothe pəthas mȧtȧy məmari ame,

Mȧyɔs ma aŋsom 15:8

Ɔwa Kurɔŋ ɔwe tȧrȧ ɛmerȧ-e, ɔ sɔŋ ŋa məseri ma ɔ sɔŋ ŋa ɔYina məsəm, mɔ mɔ po sɔŋ su.

Mȧyɔs ma aŋsom 16:6

Ɔwa maŋ po gbəkinɛ ro Frikia yi ro Kaletia-e, ɔYina məsəm ɔ bɛnt ŋa kətɔri ȧrim ro Asia.

Mȧyɔs ma aŋsom 2:33

Tiyȧŋ ma a po ŋata kɔ ka kȧta kədiɔ ka Kuru-e, ɔwa ma ɔ po sɔthɔ ka ɔKas aŋlahiri ŋa ɔYina məsəm-e, ɔ po kus ame, ama nə nənk, ɔwa ama nə təl.

Mȧyɔs ma aŋsom 2:4

Ka ɔYina məsəm ɔ la ŋa bɛ, kaŋ təp kəfɔf tənt tətel mɔ mə ɔYina məsəm ɔ sɔŋ ŋa tə kəfɔf.

Mȧyɔs ma aŋsom 20:28

Tiyȧŋ botnɛ nu, ɔwa kȧl tȧmtȧmnɛ ta akuthi bɛ ka aŋa ɔYina məsəm ɔ po bot nu aŋkəlɛnɛ-e, kȧmȧ nə wɔnthər aŋchɔch ŋa ɔMarki aŋa ɔ po wai ka mȧtir mɔŋ gbeŋ.

Mȧyɔs ma aŋsom 20:35

I po sɔŋ nu amɔl ka mȧtȧy bɛ, kȧmȧ mɔ mə nə yɔ məpanth mɔ minɛŋ-e, nə yi tə kəmar aŋa te ba afɔsɔ, yi tə kəkala ȧmerȧ ka ȧsim ta ɔMarki Yisɔsȧŋ ma ɔ pa, Kȧsɔŋ kə ba aruba pəthasi kasɔthɔ.

Mȧyɔs ma aŋsom 28:25

Ɔwa maŋ te ba rim rin-e, aŋ sakanɛ kədarəŋ ka ma Pɔlȧŋ ɔ fɔf rim rin, ɔ pa, Təlompi tȧŋ ȧtȧ ɔYina məsəm ɔ pa ka kȧsəŋ ka Isaya ɔnȧbi ka aŋkas a nu,

Mȧyɔs ma aŋsom 5:3

Kɛrɛ Pitaŋ ɔ pa, Ananayas, to som Sethani ɔ lasər ȧŋmerȧ a mu kȧmȧ mə yemsa ɔYina məsəm, kəpa mə bɛnɛ ȧgbȧp ŋin ka amɔlɔ ma aŋkai-e?

Mȧyɔs ma aŋsom 7:51

Na ba təlim tə kȧnkərȧthi, na aŋbilakoro rə ȧmerȧ yi rə ɛləns, nə pɛnsa ɔYina məsəm alɔkɔ o lɔkɔ. Mɔ mə aŋkas a nu aŋ yɔ, ya naŋ sɔ nə yɔ.

Mȧyɔs ma aŋsom 7:55

Kɛrɛ kɔnɔ ma ɔ yi ula yi ɔYina məsəm-e, ɔ lakthɛ təŋ ka ȧkuru, kɔ nənk aŋyiki ŋa Kuru, ɔwa Yisɔsȧŋ ɔ təmȧ ka kȧta kədiɔ ka Kuru Məsaba,

AŋRomans 14:17

ȧtesoma-e rȧbȧy ra Kuru rə yi hɛ kədi yi kəmun, kɛrɛ rə yi məlompi, yi məthɔfəl dɛ yi məbɔnɛ rokor ka ɔYina məsəm.

AŋRomans 15:13

Kaŋka ɔKuru ka kəgbak ȧmerȧ ɔ lasər nu rə məbɔnɛ yi məthɔfəl salata kȧlanɛ, kȧmȧ mə gbəli la yi kəgbak ȧmerȧ ka aŋfɔsɔ ŋa ɔYina məsəm.

AŋRomans 15:16

kȧmȧ minɛŋ i yi naŋ ȧbɔy ŋa Yisɔs Krayst ka tȧbona təlɔm, tə kəyɔ mapanth ma mapa məfinɔ ma Kuru, kȧmȧ i lȧnki tȧbona təlɔm ka Kuru mɔ asathka təmar malanɛ ȧtȧ ɔYina məsəm ɔ səməs.

AŋRomans 5:5

Ɔwa kȧgbak ȧmerȧ kə tɔns hɛ su pəkasifɛ mabɔthər ma Kuru mə lasər tabuth ta su kətȧŋȧnɛ ka ɔYina məsəm ɔwe ɔ sɔŋ su.

1 AŋKɔrenth 12:3

Tiyȧŋ i yema kȧmȧ nə tȧrȧ kəpa wuni o wuni ɔwe fɔf ka aŋfɔsɔ ŋa ɔYina məsəm ɔ gbəli hɛ pa, Yisɔs, uraŋka wɔŋ; ɔwa wuni o wuni ɔ gbəli hɛ pa, Yisɔs ɔ yi ɔMarki, thambe ka ɔYina məsəm.

1 AŋKɔrenth 6:19

Naŋ nə tɛ hɛ kəpa madɛr ma nu mə yi ȧŋseth ŋa ɔYina məsəm ɔwe yi nu rokor, ɔwe Kuru ɔ sɔŋ nu-i? Ɔwa naŋ tha banɛ-e,

2 AŋKɔrenth 13:14

Ta ȧŋboŋa ŋa ɔMarki Yisɔs Krayst, yi mabɔthər ma Kuru yi mamanɛ ma ɔYina məsəm mə yi yi naŋ bɛ. Amina.

2 AŋKɔrenth 6:6

ka kəgbəransnɛ, ka kətara tȧy, ka kəmuyu kəlele, ka məthɔth, ka ɔYina məsəm, ka mabɔthər ma təteŋ,

AŋƐfisɔs 1:13

Do rɔŋɔŋ nə bot ɛmerȧ ma nə poŋ təl ȧrim ra tȧteŋ, mapa məfinɔ ma Kuru ka kakisis ka nu. Ɔwa ma nə po lanɛ kɔ-e, a mathlɛ nu yi ɔYina məsəm ɔka aŋlahiri,

AŋƐfisɔs 1:17

kȧmȧ ɔKuru ka ɔMarki kȧsu Yisɔs Krayst ɔKas ka ayiki ɔ sɔŋ nu ȧŋmerȧ ŋa kətemp yi kəŋaybi tȧy tə kətara kɔ.

AŋƐfisɔs 4:30

Ɔwa te nu bansəs ɔYina məsəm ka Kuru, ma pə yi a mathlɛ nu do rɔŋɔŋ haŋ ȧŋrey ŋa kabani.

1 AŋThɛsȧlonika 4:8

Tiyȧŋ ɔwe mə farki ȧŋmȧŋ aŋe ɔ farki hɛ wuni kəpet, thambe Kurɔŋ ɔwe po sɔŋ nu ɔYina kɔŋ uməsəm.

2 Timɔthi 1:14

Bɛnɛ arəka rəfinɔ ara a maŋkər mu ka ɔYina məsəm, ɔwe yirȧ ka ɛmerȧ ɛ su.

Taytɔs 3:5

ɔ kisis su, pə yi hɛ salata mȧyɔs məlompi ama sə poŋ yɔ, kɛrɛ ɔ kisis su asabu ŋa ȧŋney ŋɔŋ, ka kafethər ȧke kȧl kom ɔfu, dɛ yi ka kafusəs ka ɔYina məsəm,

AŋHibru 10:15

Sə ba sɔ maseri ma ɔYina ma ɔ po pa,

AŋHibru 2:4

Ɔwa Kuru sɔ ɔ seri ti rə ɛmisali, yi rə mȧtȧy məkabanɛ tətəp, dɛ yi rə ɛboya ya ɔYina məsəm ɛyɛ ɔ sɔŋ kətȧŋȧnɛ ka mȧselɔ mɔŋ.

AŋHibru 3:7

Tiyȧŋ ɔYina məsəm ɔ pa; Thonɔŋ bepi mə təlȧ ȧrim rɔŋ,

AŋHibru 9:8

Yaŋ ɔYina məsəm ɔ tɔri kəpa aroŋ da wɔŋ ka ɔdɛr ɔsəm thɔ bɛ-e rə tha tɔrinɛ hɛ ras, fanama ȧŋkonko ȧtɔtɔkɔ aŋ təmȧ.

1 Pitar 1:12

Ka a tɔri ŋa kəpa pə yi hɛ aŋ yɔnanɛ, kɛrɛ aŋ yɔna su salata mȧtȧy mati ama a po lɔma nu ka-ake, kətȧŋȧnɛ ka ŋaŋ aŋa kawandi nu ȧkɛra kəfinɔ ka ɔYina məsəm kəwur ro riyana. Ɔwa aŋmȧleka aŋ fela tə kəsɔthnɛ mȧtȧy ame.

2 Pitar 1:21

kotȧy-e mȧgbal mə der hɛ thəpaŋ ka mȧselɔ ma wuni kəpet, kɛrɛ afəm aruni asəm ŋa Kuru aŋ gbal ȧtȧ ɔYina məsəm ɔ tɔri ŋa.

1 Yɔn 2:20

Kɛrɛ naŋ nə po sɔthɔ kafethər ka ɔKin usəm, ɔwa nə tȧrȧ mȧtȧy bɛ.

1 Yɔn 2:27

Kɛrɛ bepi kafethər ȧke nə po sɔthɔ ro ŋɔŋ kə tiyȧ ro nu, nə ba hɛ sɔ kȧmȧ wuni o wuni ɔ thəksa nu: ɔwa mɔ kafethər kɔŋ kə thəksa nu ka mȧtȧy bɛ, ɔwa kə yi tȧteŋ, rəyem thahɔ, tiyȧ nu ro ŋɔŋ mɔ mə kə po thəksa nu.

1 Yɔn 5:7

Ka ɔYina ɔ sɔŋ məseri, pəkasifɛ ɔYina ɔ yi tȧteŋ.

Yud 1:20

Kɛrɛ naŋ, ȧŋbɔthər a mi, bȧkəsnɛ nu ka kȧlanɛ ka nu kəsəm, ɔwa ramnɛ nu ka ɔYina məsəm.

Kȧŋȧibinɛ 2:11

Ɔwe ba ɛləns ta ɔ təl ȧtȧ ɔYina ɔ pa ka ɛchɔch. Ɔwe mə tham ɔ ba hɛ tə kəsɔmpanɛ ka rafi ara bekȧ mȧrəŋ.