25 Mȧtȧy ame i pa ro nu, ma i yi ras ro nu.
Kətəp ka-ake i tɔri nu mɔth pə yɔnɛ, kȧmȧ bepi pə yɔnɛ-e, nə tə lanɛ kəpa minɛ yi kɔnɔŋ.
Kɛrɛ kɔnɔ ɔwe te bɔthər mi-e, ɔ wop hɛ ȧsim ta mi-e: ɔwa ȧrim ara nə təl, rə yi hɛ ara mi, rə yi ȧrim ra ɔKas ɔwe som mi.
Kɛrɛ ɔBɛfəth, ɔYina məsəm, ɔwe ɔKas ɔ tə som ka ȧŋes a mi, ɔ tə thəksa nu mȧtȧy bɛ, ɔwa ɔ tə kala ɛnanɛ ɛ nu ka mȧtȧy bɛ ama i po kanɛ nu.
I po kanɛ nu ka-ake yeŋka pə yɔnɛ, kȧmȧ bepi pə po yɔnɛ-e, nə tə lanɛ.
I po kanɛ nu mȧtȧy ame, kȧmȧ mabɔnɛ ma mi mə tiyȧ ro nu, ɔwa kȧmȧ mabɔnɛ ma nu mə gbenthis.
I ba ras mȧtȧy məgbathi tə kəkanɛ nu, kɛrɛ nə gbəli hɛ wop ma ka-ake.
