Yɔn 14:23 - Ȧŋlemrȧnɛ Ȧfu

²³ Yisɔsȧŋ ɔ pa ro ŋɔŋ, Bepi wuni ɔ bɔthər mi-e, ɔ tə wop ȧrim ra mi: ɔwa ɔKas kȧmi ɔ tə bɔthər kɔ, ɔwa sə tə der ro ŋɔŋ, sə tə yianɛ ro ŋɔŋ.

Yɔn 14:23 ပူးပေါင်းရင်းမြစ်များ

Yɔn 10:30

Minɛŋ yi ɔKas sə yi ukin.

Yɔn 14:15

Bepi nə bɔthər mi, wop nu ɛyamari ɛ mi.

Yɔn 14:17

Hali ɔYina ka tȧteŋ; ɔwe ȧdȧru rə te gbəli sɔthɔ, pəkasifɛ rə nənk hɛ kɔ, thalɔm rə tɛ hɛ kɔ; kɛrɛ nia nə tȧrȧ kɔ, ȧtesoma-e ɔ tiyȧ ro nu, ɔwa ɔ tə yi rokor ka nu.

Yɔn 14:21

Kɔnɔ ɔwe ba ɛyamari ɛ mi, ɔwa ɔ wop yi-e, kɔnɔ yi ɔwe mə bɔthər mi: ɔwa kɔnɔ ɔwe mə bɔthər mi ɔKas kȧmi ɔ tə bɔthər kɔ, ɔwa i ti bɔthər kɔ, ɔwa i ti tɔrinɛ gbafəth ro ŋɔŋ.

Yɔn 14:24

Kɛrɛ kɔnɔ ɔwe te bɔthər mi-e, ɔ wop hɛ ȧsim ta mi-e: ɔwa ȧrim ara nə təl, rə yi hɛ ara mi, rə yi ȧrim ra ɔKas ɔwe som mi.

Yɔn 15:10

Bepi nə wop aŋyamari a mi-e, nə tə tiyȧ ka mabɔthər ma mi: mɔ mə i po wop aŋyamari ŋa ɔKas kȧmi, ka i tiya ka mȧbɔthər mɔŋ.

Yɔn 16:27

ȧtesoma-e ɔKas kɔn kɔnɔnɛ ɔ bɔthər nu, pəkasifɛ naŋ nə po bɔthər mi, ɔwa nə lanɛ kəpa i wur ka ɔKas.

Yɔn 6:56

Ɔwe mə di aŋdɛr a mi, ɔwa ɔwe mə mun mȧtir ma mi, ɔ tiyȧ rokor kȧmi, ɔwa minɛŋ i ti tiyȧ rokor kɔŋ.

Yɔn 8:51

I kanɛ nu tɛntɛnɛ, Bepi wuni ɔ wop ȧrim ra mi, ɔ nənk hɛ rafi thəbana.

Yɔn 8:52

AŋYuda aŋ pa, Ka-ake sə tȧrȧ kəpa mə ba ukərəfi. Ebraham-əŋ ɔ po fi, yi Aŋnȧbi: kɛrɛ munɔ mə pa, Bepi wuni ɔ wop ȧrim ra mi, rəfi rə wop hɛ kɔ thəbana.

2 AŋKɔrenth 6:16

Ta a pa ras ko asekəranɛ ȧŋseth ŋa Kuru aŋ ba yi ɛyɛt ɛrɔŋ-e? Kotȧy-e saŋ sə yi ȧŋseth ŋa ɔKuru ukəli, mɔ mə Kuru ɔ pa, I ti yirȧ kətɔŋ ka ŋaŋ, ɔwa i ti kɔth kətɔŋ ka ŋaŋ; ɔwa i ti yi ɔKuru ka ŋaŋ, dɛ yi ŋaŋ aŋ tə yi aŋfəm a mi.

AŋƐfisɔs 3:17

kȧmȧ Krayst ɔ gbəli yirȧ ka ɛmerȧ ɛ nu ka kəlanɛ; kȧmȧ pə yi ma nə ba ɛthəŋk yi ɔtəmər ka məbɔthər-e,

1 Yɔn 2:24

Tiyȧŋ wop ȧtȧ nə təl kȧbi ka ɔtəpɛr. Bepi ȧtȧ nə təl kȧbi ka ɔtəpɛr tə tiyȧ ro nu, nə tə tiyȧ ka ɔWan, yi ka ɔKas.

1 Yɔn 2:5

Kɛrɛ ɔwe mə wop ȧrim rɔŋ-e, tɛntɛnɛ mabɔthər ma Kuru mə po gbenthis ro ŋɔŋ: ka ȧte sə tȧrȧ kəpa sə yi ro ŋɔŋ.

1 Yɔn 4:4

Naŋ nə yi ka Kuru, awuth a mi alɔl, ɔwa nə po tham ŋa: pəkasifɛ kɔn ɔwe yi ro nu ɔ yi ubana pəthasi kɔn ɔwe yi ka ȧdȧru.

1 Yɔn 5:3

Mabɔthər ma Kuru mi ame, kȧmȧ sə wop ɛyamari yɔŋ: ɔwa ɛyamari yɔŋ ɛ yi hɛ ɛtui wop.

2 Yɔn 1:6

Mabɔthər mi ame, kȧmȧ sə kɔth kətȧŋȧnɛ ka ɛyamari yɔŋ. Ɔwa aŋyamari ŋi aŋe, hali mɔ nə po təl kȧbi ka ɔtəpɛr, kȧmȧ nə kɔth ri.

Kȧŋȧibinɛ 21:22

Kɛrɛ i nənk hɛ aseth abȧtho ri-e, kotȧy-e ɔMarki ɔKuru ka aŋfɔsɔ bɛ dɛ yi kaLɔmɛ kəfɛth aŋ yi ȧŋseth abȧtho ŋati.

Kȧŋȧibinɛ 21:3

Ka i təlȧ sɔ rim rəbana ara wur ka kawaŋ ka rȧbȧy, rə pa, Kəla, ɔyirȧ wa Kuru ɔ yi rɛ afəm a kəpet, ɔwa ɔ tə yirȧ kətɔŋ ka ŋaŋ-e, ɔwa aŋ tə yi aŋfəm ŋɔŋ, ka Kuru kɔn kɔnɔnɛ ɔ tə yi rɛ ŋaŋ, ɔwa ɔ tə yi ɔKuru ka ŋaŋ gbeŋ.

Kȧŋȧibinɛ 22:3

Ɔwa ȧranka o raŋka aŋ yi hɛ ri sɔ; kɛrɛ kawaŋ ka rȧbȧy ra Kuru dɛ yi ka kaLɔmɛ kəfɛth kə yi ka kȧpet, ɔwa ɛbɔy yɔŋ aŋ tə yɔna kɔ.