Yɔn 14:13 - Ȧŋlemrȧnɛ Ȧfu

¹³ Ɔwa tȧy o tȧy ȧte mə nə yif ka ȧŋes a mi, i ti yɔ ti, kȧmȧ ɔKas ɔ sɔthɔ ayiki ka ɔWan.

Yɔn 14:13 ပူးပေါင်းရင်းမြစ်များ

Mathiu 21:22

Ɔwa koko ara mǝ nǝ yif rǝ kǝramnɛ, bepi nǝ lanɛ-e, nǝ tǝ sɔthɔ.

Mathiu 7:7

Yif nu, a tǝ sɔŋ nu. Thɛns nu, ɔwa nǝ tǝ fir. Gbȧtgbȧt nu ka kȧdare, a tǝ kanthɛ nu;

Mark 11:24

Tiyȧŋ i kanɛ nu, mȧtȧy bɛ nə yif rə kəramnɛ, bepi nə lanɛ kəpa nə sɔthɔ ma-e, ɔwa nə tə ba ma.

Luk 11:9

Ɔwa i pa ro rɔnu, Yif, ɔwa a ba tə kəsɔŋ nu ti; thɛns, ɔwa nə tə fir; gbȧtgbȧt, ɔwa a tə kanthɛ nu.

Yɔn 10:30

Minɛŋ yi ɔKas sə yi ukin.

Yɔn 12:44

Yisɔsȧŋ ɔ ŋata ȧrim rɔŋ, ɔ pa, Ɔwe lanɛ mi-e, ɔ lanɛ hɛ minɛŋ, kɛrɛ kɔnɔ ɔwe som mi.

Yɔn 13:31

Tiyȧŋ ma ɔ po wur rokaŋ-e, Yisɔsȧŋ ɔ pa, Ka-ake a yikis ɔWan ka wuni, ka Kurɔŋ ɔ sɔthɔ ayiki ro ŋɔŋ;

Yɔn 14:14

Bepi nə yif tȧy o tȧy ka ȧŋes a mi, i ti yɔ ti.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 15:16

Naŋ, na tha thith mi, kɛrɛ minɛ thith nu, ka i bot nu, kȧmȧ nə kɔnɛ nə wur məkomi, ɔwa kȧmȧ mȧkomi ma nu mə tiyȧ: kȧmȧ tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Yɔn 15:7

Bepi nə tiyȧ rokor kȧmi, ɔwa ȧsim ta mi tə tiyȧ rokor ka nu-e, yif nu tȧy o tȧy ȧte nə yema, ɔwa a tə yɔna nu ti.

Yɔn 16:23

Ka ȧŋrey ŋati nə ba hɛ kəyif mi tȧy o tȧy. I kanɛ nu tɛntɛnɛ, tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Yɔn 16:26

Ka ȧŋrey ŋati nə tə thola ka ȧŋes a mi: ɔwa i pa hɛ ro nu, i ti nɛmthɛnɛ ɔKas ta ȧtȧ nu:

Yɔn 16:7

Ɔwa i kanɛ nu tȧteŋ, pə tə yi ɔfinɔ ta ȧtȧ nu bepi i kɔnɛ: ȧtesoma-e, bepi i kɔ hɛ-e, ɔBɛfəth ɔ ba hɛ kəder ro nu; kɛrɛ bepi i kɔ-e, i ti som kɔ ro nu.

Yɔn 4:10

Yisɔsȧŋ ɔ pa ro ŋɔŋ, Bepi mə tȧrȧ ȧŋboya ŋa Kuru, yi ɔwe pa ro mu, Yer mi i mun, mə tə yif kɔ naŋ, ɔwa ɔ tə sɔŋ mu ȧmȧnt ma aŋesəm.

Yɔn 4:14

kɛrɛ wuni o wuni ɔwe mə mun ȧmȧnt ama i ti sɔŋ kɔ-e, rəmun rə wop hɛ kɔ sɔ thəbana; kɛrɛ ȧmȧnt ama i ti sɔŋ kɔ mə tə səkɛ rəfɔr ra mȧnt rokor kɔŋ, ara mə gbuthɛ ka aŋesəm thəbana.

Yɔn 5:19

Yisɔsȧŋ ɔ pa ro ŋaŋ, Tɛntɛnɛ i kanɛ nu, ɔWan ɔ gbəli hɛ yɔ tȧy o tȧy ka aŋfɔsɔ ŋɔŋ, ɔ gbəli gbo yɔ ȧte ɔ nənk ɔKas ɔ yɔ: kotȧy-e mȧtȧy ama ɔ yɔ-e, ma ɔWan mɔ yɔ sɔ,

Yɔn 7:37

Ka ȧŋrey aləpsɔ, ȧŋrey abana ŋa amet, Yisɔsȧŋ ɔ təmȧ ɔ ŋata ȧrim rɔŋ, ɔ pa, Bepi ramun rə bȧk wuni o wuni, ta ɔ der ro mi ɔ mun.

1 AŋKɔrenth 14:13

Tiyȧŋ ɔwuni ɔwe mə fɔf kənt kətel-e, ta ɔ ramnɛ kȧmȧ ɔ gbəli tepa ki.

AŋƐfisɔs 2:18

Ȧtesoma-e kətaŋ do rɔŋɔŋ-e, saŋ bɛ sə sɔthɔ roŋ ra kəwɔŋ ka ɔKas kətȧŋȧnɛ ka ɔYina ukin.

AŋƐfisɔs 3:12

Ɔwa sə ba kəmintha dɛ yi aroŋ ra kȧwɔŋ-e rə kəpələnɛ ŋa kȧlanɛ kȧsu do rɔŋɔŋ.

AŋƐfisɔs 3:14

Ta ȧŋsabu aŋe i sɔ tawu ta mi ka ɔKas ka ɔMarki kȧsu Yisɔs Kraystȧŋ,

AŋFilipai 4:13

I gbəli yɔ tȧy o tȧy bɛ asabu ŋa Krayst ɔwe mə sɔŋ mi afɔsɔ.

AŋKɔlɔsi 3:17

Ɔwa koko bɛ mȧ nə yɔ, pə yi rə məpa thalɔm rə məyɔs, yɔ ti nu ka ȧŋes ŋa ɔMarki Yisɔs, dɛ yi kəsɔŋ mɔmɔ ka Kuru ɔKas kətaŋ do rɔŋɔŋ.

AŋHibru 13:15

Tiyȧŋ kətȧŋȧnɛ kɔŋ maŋ thɔkəs nu Kuru rɛ sathka alɔkɔ o lɔkɔ, pə yi mɔ-e, ɛboya ya ȧsim ta su ɛyɛ seri ta ȧŋes ŋɔŋ.

AŋHibru 4:15

pəkasifɛ sə ba hɛ ufode ubana ɔwe te gbəli təlnɛ mȧrȧnt ma su; kɛrɛ a la mɛmər kɔ yi ɛgbɔns rə roŋ o roŋ mɔlɔ min mɔ saŋ, kɛrɛ ɔ tha yɔ hɛ ahakɛ bɛ.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

Yeməs 1:5

Kɛrɛ bepi ukin ka nu ɔ ba hɛ kətemp ka rəbaki-e, ta ɔ tholir Kuru ɔwe yi ufonsiri, ɔwe mə yer rə məthɛkɛ tha, ɔwa a tə sɔŋ kɔ ki.

Yeməs 5:16

Gbithanɛ nu ɛhakɛ ɛ nu, ukin ka ulɔm, ɔwa ramnɛ nu ukin ta ulɔm, kȧmȧ a damər nu. Kȧramnɛ kəfey fey ka wuni lompi kə gbəli tȧy.

1 Pitar 2:5

Ɔwa naŋ gbeŋ mɔ məsar məkəli, a kianɛ nu tə kəseth aseth ŋa ɔYina, tə kəyi rəfode rəsəm, kȧmȧ nə wurɔ sathka təsəm ȧtȧ Kuru mɔ malanɛ kətaŋ ka Yisɔs Kraystȧŋ.

1 Yɔn 3:22

Ɔwa koko sə yif sə sɔthɔ ro ŋɔŋ, pəkasifɛ sə wop ɛyamari yɔŋ, ɔwa sə yɔ ȧtȧ mə thesanɛ kɔ.

1 Yɔn 5:14

Ɔwa kamintha ȧke sə ba ro ŋɔŋ ki ake, kəpa, bepi sə yif tȧy o tȧy ka mȧselɔ mɔŋ, ɔ təlȧ su.