Yɔn 14:10 - Ȧŋlemrȧnɛ Ȧfu

¹⁰ Mə lanɛ hɛ kəpa minɛ yi rokor ka ɔKas-i, ɔwa ɔKas ɔ yi rokor ka mi-i? Ȧsim ȧte i kanɛ nu, i fɔf hɛ ti ka ȧŋmerȧ a mi, kɛrɛ ɔKas ɔwe yi yi minɛŋ, kɔnɔ mə yɔ mȧyɔs mɔŋ.

Yɔn 14:10 ပူးပေါင်းရင်းမြစ်များ

Yɔn 10:30

Minɛŋ yi ɔKas sə yi ukin.

Yɔn 10:38

Kɛrɛ bepi i yɔ ma-e, hali nə lanɛ hɛ mi, lanɛ nu mȧyɔs: kȧmȧ nə tȧrȧ, ɔwa pə sɔk nu, kəpa ɔKas ɔ yi yi minɛŋ, ɔwa minɛŋ i yi yi ɔKas

Yɔn 11:26

ɔwa wuni o wuni ɔwe kəli ɔwa ɔ lanɛ mi-e, ɔ ba hɛ kəfi thəbana. Mə lanɛ ȧte-i?

Yɔn 12:49

Ȧtesoma-e, i fɔf hɛ kəwur ka ȧŋmerȧ a mi; kɛrɛ ɔKas ɔwe som mi, ɔ po yamari mi ȧte mə i pa, yi ȧte mə i fɔf.

Yɔn 14:11

Lanɛ mi kəpa i yi rokor ka ɔKas, ɔwa ɔKas ɔ yi rokor kȧmi, thalɔm lanɛ mi salata mȧyɔs ama i yɔ.

Yɔn 14:20

Ka ȧŋrey ŋati nə tə tȧrȧ kəpa i yi rokor ka ɔKas, ɔwa nia nə yi rokor kȧmi, ɔwa minɛŋ i yi rokor ka nu.

Yɔn 14:24

Kɛrɛ kɔnɔ ɔwe te bɔthər mi-e, ɔ wop hɛ ȧsim ta mi-e: ɔwa ȧrim ara nə təl, rə yi hɛ ara mi, rə yi ȧrim ra ɔKas ɔwe som mi.

Yɔn 17:8

ȧtesoma-e, i po sɔŋ ŋa ȧsim ȧte mə po sɔŋ mi; ɔwa aŋ malanɛ ti, ɔwa aŋ tȧrȧ tȧteŋ kəpa i wur ro mu, ɔwa aŋ lanɛ kəpa munɔ som mi.

Yɔn 3:2

Ɔwe ɔ der ka Yisɔs tȧtȧk, ɔ pa ro ŋɔŋ, Karmɔkɔ, sə tȧrȧ kəpa mə yi ukarmɔkɔ kəwur ka Kuru: ȧtesoma-e wuni o wuni ɔ gbəli hɛ yɔ ɛmisali ɛyɛ munɔ mə yɔ-e, thambe Kurɔŋ ɔ yi yi kɔn.

Yɔn 5:17

Kɛrɛ Yisɔsȧŋ ɔ pa ro ŋaŋ, ƆKas kȧmi ɔ yɔ məpanth haŋ ka-ake, ɔwa minɛ sɔ i yɔ məpanth.

Yɔn 5:19

Yisɔsȧŋ ɔ pa ro ŋaŋ, Tɛntɛnɛ i kanɛ nu, ɔWan ɔ gbəli hɛ yɔ tȧy o tȧy ka aŋfɔsɔ ŋɔŋ, ɔ gbəli gbo yɔ ȧte ɔ nənk ɔKas ɔ yɔ: kotȧy-e mȧtȧy ama ɔ yɔ-e, ma ɔWan mɔ yɔ sɔ,

Yɔn 7:16

Yisɔsȧŋ ɔ pa ro ŋaŋ, Kathəksa kȧmi min tha ba ki, kɛrɛ kə wur ka kɔnɔ ɔwe som mi.

Yɔn 8:28

Ka Yisɔsȧŋ ɔ pa ro ŋaŋ, Ma nə po ŋata ɔWan ka wuni, nə tə tȧrȧ kəpa i yɔ hɛ tȧy o tȧy ka ȧŋmerȧ a mi son: kɛrɛ i fɔf mȧtȧy ame mɔ mə ɔKas ɔ thəksa mi.

Yɔn 8:38

I fɔf ȧte i təl ka ɔKas kȧmi: kɛrɛ naŋ nə yɔ ȧte nə təl ka ɔkas ka nu.

Yɔn 8:40

Kɛrɛ nə thɛns tə kədif mi, wuni ɔwe po kanɛ nu tȧteŋ, ȧte i po təl ka Kuru: Ebraham-əŋ ɔ la hɛ yɔ ȧte.

Mȧyɔs ma aŋsom 10:38

Rə tɔri kəpa Kurɔŋ ɔ reŋ Yisɔsȧŋ ɔwe ro Nasarɛth ɔYina məsəm yi afɔsɔ; ɔ kɔth kɔth dɛr o dɛr kəyɔ ɔfinɔ, ɔ yenkəs aŋfəm bɛ aŋa Sethani mɔ sɔmpa, kotȧy-e Kurɔŋ ɔ yi yi kɔn.

2 AŋKɔrenth 5:19

tə kəyi Kuru ɔ yi ka Kraystȧŋ tə kəyɔ kȧmȧ adaru rə kȧl manɛ yi kɔn kɔnɔnɛ. Ɔwa ɔ lɔm hɛ do rɔŋaŋ maləs maŋ; kɔ po maŋkər su ȧrim ra kȧkal manɛ.

AŋKɔlɔsi 1:19

kotȧy-e, pə bɔnɛ ɔKas kȧmȧ ɔlasər ɔlolok wa rawuni ra Kuru ɔ gbəli yianɛ do rɔŋɔŋ.

AŋKɔlɔsi 2:9

kotȧy-e do rɔŋɔŋ ɔlasər wa Kuru Məsaba bɛ ɔ bȧkər.

1 Yɔn 5:7

Ka ɔYina ɔ sɔŋ məseri, pəkasifɛ ɔYina ɔ yi tȧteŋ.