1 Ta ɛmerȧ ɛ nu ɛ te nu sɔmpa: nə lanɛ Kuru, lanɛ mi sɔ.
Ma Yisɔsȧŋ ɔ nənk kɔ ɔ bok-e, yi aŋYuda aŋa der yi kɔnɔ, ɔ laŋ rə ȧmerȧ, ɔwa pə kɛtha kɔ,
Ka-ake ȧŋmerȧ a mi aŋ sɔmpa; ɔwa to mə i pa-e? Pa, kisis mi ka ȧŋlɔkɔ aŋe-e? Kɛrɛ ta ȧŋsabu aŋe gbeŋ tə i der ka ȧŋlɔkɔ aŋe.
Yisɔsȧŋ ɔ ŋata ȧrim rɔŋ, ɔ pa, Ɔwe lanɛ mi-e, ɔ lanɛ hɛ minɛŋ, kɛrɛ kɔnɔ ɔwe som mi.
Kətəp ka-ake i tɔri nu mɔth pə yɔnɛ, kȧmȧ bepi pə yɔnɛ-e, nə tə lanɛ kəpa minɛ yi kɔnɔŋ.
Haŋ ka-ake nə tha thola hɛ koko ka ȧŋes a mi: ɔwa thola nu, nə tə sɔthɔ, kȧmȧ mabɔnɛ ma nu mə lasər.
Mȧtȧy ame aŋ tə yɔ nu, pəkasifɛ aŋ tɛ hɛ ɔKas, thalɔm minɛŋ.
Kɛrɛ ma i po fɔfȧnɛ nu mȧtȧy ame, ɔnɔsinɛ ɔ po la ka ɛmerȧ ɛ nu.
kȧmȧ afəm bɛ aŋ yikis ɔWan mɔ mə aŋ yikis ɔKas. Kɔnɔ ɔwe mə te yikis ɔWan, ɔ yikis hɛ ɔKas ɔwe som kɔ.
kotȧy-e mȧselɔ ma ɔwe som mi mi ame, kəpa wuni o wuni ɔwe mə nənk ɔWan, ɔwa ɔ lanɛ kɔ, ɔ tə sɔthɔ aŋesəm thəbana, ɔwa i ti yokas kɔ ka ȧŋrey aləpsɔ.
Tiyȧŋ ka-ake pə fisa thɔŋ nə tera kɔ, ɔwa nə bɛfəth kɔ, bepi pə yi hɛ ti thani, ɔ dinɛ ratha ka ɔnɔsinɛ ɔbana.
Tiyȧŋ minɛ sɔ, ma i po təl ta kȧlanɛ ȧke yi kətɔŋ ka nu ka ɔMarki Yisɔsȧŋ, dɛ yi mabɔthər ama nə ba ka aŋsəm bɛ-e,
kȧmȧ nə te yeŋk ba ȧmerȧ ȧyinkthanɛ thalɔm ayagbanɛ, pə yi a yɛthas nu yi ayina thalɔm rim, ta a pa ras areka aŋa a pa hɔ aŋ wur do rɔsu, kəpa ȧŋrey ŋa ɔMarki aŋ poŋ thɔŋ yi ka-ake.
Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.
