Yɔn 13:31 - Ȧŋlemrȧnɛ Ȧfu

³¹ Tiyȧŋ ma ɔ po wur rokaŋ-e, Yisɔsȧŋ ɔ pa, Ka-ake a yikis ɔWan ka wuni, ka Kurɔŋ ɔ sɔthɔ ayiki ro ŋɔŋ;

Yɔn 13:31 ပူးပေါင်းရင်းမြစ်များ

Mathiu 8:20

Ka Yisɔsȧŋ ɔ pa ro rɔŋɔŋ hɔ, Ɛgbogboro aŋ ba tǝyaŋka-e, ɛbȧmp ya aŋfena aŋ ba ɛseth. Kɛrɛ ɔWan ka wuni ɔ ba hɛ dɛr ro mǝ ɔ bot rȧbomp rɔŋ.

Luk 12:50

Kɛrɛ i ba ȧbaftisəm aŋa a ba tə kəbaftaysȧ mi; ɔwa ȧŋsɔmpanɛŋ a mi a bana haŋ aŋ poŋ!

Yɔn 11:4

Ma Yisɔsȧŋ ɔ təl ti-e, ɔ pa, Ratu are rə yi hɛ ta kəfi, kɛrɛ ta aŋyiki ŋa Kuru kȧmȧ ɔWan ka Kuru ɔ sɔthɔ ayiki ta ti.

Yɔn 12:23

Ka Yisɔsȧŋ ɔ pa ro ŋaŋ, Ȧŋlɔkɔ aŋ bek kȧmȧ a yikis ɔWan ka wuni.

Yɔn 12:28

Pa, yikis ȧŋes a mu. Ka rim rə wur ka ȧkȧriyana, rə pa, I pɔ yikis ŋi, ɔwa i ti kȧl sɔ yikis ŋi.

Yɔn 14:13

Ɔwa tȧy o tȧy ȧte mə nə yif ka ȧŋes a mi, i ti yɔ ti, kȧmȧ ɔKas ɔ sɔthɔ ayiki ka ɔWan.

Yɔn 16:14

Ɔ tə yikis mi; ȧtesoma-e, ɔ tə gbasi ma ro mi, ɔwa ɔ tə tɔri ma ro nu.

Yɔn 7:39

Ɔ pa ȧte ta ɔYina, ɔwe ŋaŋ aŋa lanɛ kɔ aŋ yi tə kəsɔthɔ: ȧtesoma-e a tha sɔŋ hɛ ɔYina, pəkasifɛ a tha yikis hɛ Yisɔsȧŋ.

Mȧyɔs ma aŋsom 2:36

Tiyȧŋ ta ȧŋseth ŋa Isrɛl bɛ aŋ tȧrȧ tɛntɛnɛ kəpa, Yisɔs ɔwe gbeŋ, ɔwe nə po tȧŋ ka akənt kəpəŋkinɛ-e, Kuru ɔ po səki kɔ ɔMarki yi ɔKrayst.

Mȧyɔs ma aŋsom 3:13

ƆKuru ka Ebraham-əŋ, ɔka Aysakȧŋ yi ɔka Yekɔb-əŋ, ɔKuru ka aŋkas a su, kɔnɔ ɔ po yikis ȧŋbɔy ŋɔŋ Yisɔsȧŋ ɔwe naŋ nə lȧnki, ɔwa nə pɛnsa ro der kədi ka Paylet, ma ɔ nanɛ naŋ tə kəter kɔ.

2 AŋKɔrenth 3:18

Kɛrɛ saŋ bɛ, rə aser ta su təgbəpəri-e, sə tɔri aŋyiki ŋa ɔMarki mɔ ɛmɛmnɛ, ɔwa a səki su ka mȧbȧlȧnɛ mɔŋ gbeŋ, rɛ ayiki rokɔm ka ayiki, hali mɔ mə kəwur ka ɔMarki ɔYina.

AŋƐfisɔs 1:12

Kama saŋ aŋa mɔtha bot ɛmerȧ ɛ su ka Kraystȧŋ, sə tə yi ka kathɔkəs ka aŋyiki ŋɔŋ.

AŋƐfisɔs 2:7

kama-e, ka ɛlɔkɔ ɛyɛ ba kəder-e, ɔ gbəli tɔri rayola ra ȧŋboŋa ŋɔŋ abana kətȧŋȧnɛ ka mathɔth mɔŋ ta ȧtȧ su rokor ka Yisɔs Kraystȧŋ.

AŋƐfisɔs 3:10

Kama aŋchɔch ka-ake aŋ gbəli yɔ aŋkərbomp dɛ yi ɛfɔsɔ ya ȧkȧriyana aŋ tȧrȧ kȧtemp kəgbaskɛ gbaskɛ ka Kuru.

AŋFilipai 2:11

kȧmȧ kəsəŋ o kəsəŋ kə seri kəpa Yisɔs Krayst ɔ yi ɔMarki ka aŋyiki ŋa Kuru ɔKas.

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Pitar 2:12

Kɔth nu ɔlompi kətɔŋ ka tȧbona təlɔm kȧmȧ pə yi, hali aŋ tɛntɛ bont nu afəm aləs-e, maŋ nənk mȧyɔs ma nu məfinɔ, ka ȧŋrey ŋa asɔmpanɛ aŋ tə yikis Kuru Məsaba.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.