22 Aŋkarande aŋ kəlianɛ, pə sɔk hɛ ŋa ta ɔwe ɔ fɔf.
Ɔwa ma mǝ aŋ di-e, ɔ pa, Tɛntɛnɛ i kanɛ nu kǝpa ukin ka nu ɔ tǝ sɔnd mi.
Ka animisa aŋ wop ŋa, aŋ tǝp kǝyif kɔ ukin o kin, Pa, minɛŋ-i?
Maŋ yirȧ ka kədi-e, Yisɔsȧŋ ɔ pa, Tə tɛntɛnɛ i kanɛ nu, ukin kətɔŋ ka nu ka kadi ake-e ɔ tə sɔnd mi.
Animisa aŋ təp kəwop ŋa, kaŋ yif kɔ ukin kin, Minɛŋ-i?
Kɛrɛ kəla, kȧta ka kɔnɔ ɔwe mə sɔnd mi kə yi ro mi ka aŋthebəl.
kaŋ təp kəyifəthanɛ kətɔŋ ka ŋaŋ, Kanɛ ba kəre yɔ ȧtȧy ȧte-e?
I fɔf hɛ ta ȧtȧ nu bɛ; i tȧrȧ ŋaŋ aŋa i po thith: kɛrɛ mȧtȧy ame mə yi kȧmȧ mȧgbal mə lasər, ama pa, Ɔwuni ɔwe mə di kabo ka mi-e ɔ ŋata rabəthka rɔŋ kəŋamnɛ mi.
Ma Yisɔsȧŋ ɔ po fɔf yaŋ-e, pə kɛtha kɔ rə ȧmerȧ, kɔ pa yi asɔbɛ, I kanɛ nu tɛntɛnɛ kəpa ukin ka nu ɔ tə sɔnd mi.
