Yɔn 13:18 - Ȧŋlemrȧnɛ Ȧfu

¹⁸ I fɔf hɛ ta ȧtȧ nu bɛ; i tȧrȧ ŋaŋ aŋa i po thith: kɛrɛ mȧtȧy ame mə yi kȧmȧ mȧgbal mə lasər, ama pa, Ɔwuni ɔwe mə di kabo ka mi-e ɔ ŋata rabəthka rɔŋ kəŋamnɛ mi.

Yɔn 13:18 ပူးပေါင်းရင်းမြစ်များ

Mathiu 10:36

Ɔwa aŋtheranɛ ŋa wuni aŋ tǝ yi ka rȧkomra rɔŋ gbeŋ.

Mathiu 26:21

Ɔwa ma mǝ aŋ di-e, ɔ pa, Tɛntɛnɛ i kanɛ nu kǝpa ukin ka nu ɔ tǝ sɔnd mi.

Mathiu 26:23

kɔ wosa ɔ pa ro ŋaŋ, Ɔwe tɔka kȧta kɔŋ ka ȧŋbɔl yi minɛȧŋ, kɔnɔ gbeŋ ɔ tǝ sɔnd mi.

Mark 14:17

Ma rȧfɔy rə bek-e, ɔ der yi aŋtɔfɔt ŋarəŋ.

Mark 14:18

Maŋ yirȧ ka kədi-e, Yisɔsȧŋ ɔ pa, Tə tɛntɛnɛ i kanɛ nu, ukin kətɔŋ ka nu ka kadi ake-e ɔ tə sɔnd mi.

Mark 14:20

kɔ wosa ɔ pa ro rɔŋaŋ, Ukin ka na atɔfɔt ŋarəŋ, ɔwe mə tɔka kȧta kɔŋ ka ȧŋbɔl yi minɛŋ.

Luk 22:21

Kɛrɛ kəla, kȧta ka kɔnɔ ɔwe mə sɔnd mi kə yi ro mi ka aŋthebəl.

Yɔn 13:21

Ma Yisɔsȧŋ ɔ po fɔf yaŋ-e, pə kɛtha kɔ rə ȧmerȧ, kɔ pa yi asɔbɛ, I kanɛ nu tɛntɛnɛ kəpa ukin ka nu ɔ tə sɔnd mi.

Yɔn 13:22

Aŋkarande aŋ kəlianɛ, pə sɔk hɛ ŋa ta ɔwe ɔ fɔf.

Yɔn 13:26

Yisɔsȧŋ ɔ pa, Kɔn kɔnɔŋ, ka ɔwe mə i sɔŋ abɛm ma i po məth ŋi. Ma ɔ po məth ȧŋbɛm-e ɔ sɔŋ ŋi ka Yudas Iskariyɔt, ɔwan ka Saymɔn.

Yɔn 15:16

Naŋ, na tha thith mi, kɛrɛ minɛ thith nu, ka i bot nu, kȧmȧ nə kɔnɛ nə wur məkomi, ɔwa kȧmȧ mȧkomi ma nu mə tiyȧ: kȧmȧ tȧy o tȧy ȧte mə nə tholir ɔKas ka ȧŋes a mi, ɔ tə sɔŋ nu ti.

Yɔn 15:19

Bepi nə yi aŋa ȧdȧru, ȧdȧru rə tə bɔthər aŋɔŋ: kɛrɛ ma nə te yi aŋa ȧdȧru, kɛrɛ i po thith nu kəwur ka ȧdȧru-e tiyȧŋ ȧdȧru rə gbɛŋa nu.

Yɔn 15:25

Kɛrɛ ȧte tə yɔnɛ, kȧmȧ ȧrim rə lasər ara a gbal ka ȧŋthɔ ŋaŋ, kəpa, Aŋ gbɛŋa mi kəte yɔ tȧy.

Yɔn 17:12

Ma i yi yi ŋaŋ ka ȧdȧru, minɛ bɛnɛ ŋa ka ȧŋes a mu, aŋa mə po sɔŋ mi: ɔwa i bumər ŋa, ukin ka ŋaŋ ɔ dinɛ hɛ, thambe ɔwan ka kədinɛ; kȧmȧ mȧgbal mə lasər.

Yɔn 18:32

kȧmȧ ȧrim ra Yisɔs rə lasər, ara ɔ pa kətɔri ko rəfi ara ɔ ba tə kəfi.

Yɔn 19:24

kaŋ fɔfȧnɛ kəpa, Maŋ te nu pim ki, maŋ fak nu təfant ta kafɔl kȧmȧ sə tȧrȧ ɔwe ba kəsɔthɔ ki; kȧmȧ mȧgbal mə lasər, ama pa, Aŋ yerəs ȧsuma ta mi kətɔŋ ka ŋaŋ, Ɔwa aŋ fak təfant ta kafɔl kȧmi. Tiyȧŋ mȧtȧy ame antim aŋ yɔ.

Yɔn 19:36

kotȧy-e mȧtȧy ame mə yɔnɛ, kȧmȧ mȧgbal mə lasər, ama pa, A ba hɛ kəsim kɔ kəbȧnth.

Yɔn 21:17

Yisɔsȧŋ ɔ kȧl pa ro ŋɔŋ kəbeka məsas, Saymɔn, ɔwan ka Yɔnas, mə bɔthər mi-i? Ɔwa Pita ɔ saŋ amɔl ta ma Yisɔs ɔ pa ro ŋɔŋ kəbeka məsas, Mə bɔthər mi-i? kɔ pa ro ŋɔŋ, Pa, mə tȧrȧ mȧtȧy bɛ; mə tȧrȧ kəpa i bɔthər mu. Yisɔsȧŋ ɔ pa ro ŋɔŋ, Wɔnthər talɔmɛ ta mi.

Yɔn 6:70

Yisɔsȧŋ ɔ pa ro ŋaŋ, Minɛŋ i thith hɛ nu tɔfɔt ŋarəŋ, ɔwa ukin ka nu ɔ ba Sethani-i?

Mȧyɔs ma aŋsom 1:16

Awɔnt mi, mȧgbal mə yi tə kəlasər ama ɔYina məsəm ka kȧsəŋ ka Debid ɔ fɔf ta Yudas, ɔwe yi ɔtəma kədi ta ŋaŋ aŋa bət Yisɔsȧŋ.

Mȧyɔs ma aŋsom 1:2

haŋ ȧŋrey aŋa a ŋata kɔ rokɔm, kədarəŋ kɔ po sɔŋ aŋyamari ka aŋfɔsɔ ŋa ɔYina məsəm ka aŋsom aŋa ɔ po thith.

2 AŋKɔrenth 4:5

Ȧtesoma-e, sə taməsnɛ hɛ, kɛrɛ sə tam Krayst Yisɔs ɔMarki, dɛ yi saŋ mɔ ɛbɔy ɛ nu salata Yisɔsȧŋ

AŋHibru 4:13

Ɔwa rəka o rəka rəbɛmpa rə yi hɛ ara ɔ te nəŋka rəfɔr; kɛrɛ koko rə yi rətiŋ dɛ yi rəgbafəth ka kakəli ka ɔwe sə ba tə kəgbakia.

Kȧŋȧibinɛ 2:23

Ɔwa i ti dif aŋwuth ŋɔŋ, kȧmȧ ɛchɔch bɛ aŋ tȧrȧ kəpa minɛŋ, minɛ mə thekthek ɛnanɛ dɛ yi ɛmerȧ ya afəm; ɔwa i ti sɔŋ kin o kin kətɔŋ ka mu mɔlɔ ma mapanth mɔŋ mɔ yi.