17 Bepi nə tȧrȧ mȧtȧy ame, nə ba aruba bepi nə yɔ ma.
Ȧtesoma-e wuni o wuni ɔwe mǝ yɔ mȧselɔ ma ɔKas kȧmi ɔwe yi ro riana-e, kɔnɔ yi ɔwɔnt mi uruni yi ɔwɔnt mi ubɛra dɛ yi ɔkara kȧmi.
Kɛrɛ kɔnɔ ɔ pa, Ŋa tha ba aruba aŋa təl ȧrim ra Kuru-e ɔwa aŋ wop ri.
Naŋ nə yi aŋyathki a mi, bepi nə yɔ ȧte i yamari nu.
Ȧtesoma-e pə yi hɛ ŋaŋ aŋa mə təl ȧŋthɔ ŋa mə yi alompi rodi ka Kuru, kɛrɛ ŋaŋ aŋa mə wop ŋi, ŋa ba kəsɔthɔ məmari.
kotȧy-e rokor ka Yisɔs Krayst kȧbirons thalɔm kəte birons kə ba hɛ tȧy o tȧy, thambe kəlanɛ ȧke mə yɔ məpanth kətȧŋȧnɛ ka məbɔthər.
Kɛrɛ kɔn ɔwe mə kəli ka ȧŋthɔ ŋa rȧwankom rəgbenthis-e, ɔwa ɔ bȧkər ri-e, ɔwe-e, ma ɔ te yi utəl ɔwe mə pənɛ, kɛrɛ ɔ yi uyɔ ȧrim, ɔkati ɔ tə sɔthɔ aruba ka kayɔ kɔŋ.
Tiyȧŋ kɔn ɔwe tȧrȧ tə kəyɔ təfinɔ kɛrɛ ɔ yɔ hɛ ti, ahakɛ do rɔŋɔŋ.
Afəm aruba ŋaŋ aŋa po yak ȧsuma taŋ kȧmȧ aŋ gbəli ba mamari tə kəder ka aŋənt ŋa aŋesəm, dɛ yi kȧmȧ aŋ gbəli wɔŋ ka tadare ta kȧpet.
