Yɔn 12:42 - Ȧŋlemrȧnɛ Ȧfu

⁴² Halisa agbəka agbȧthi aŋ lanɛ kɔ: kɛrɛ salata aŋFarisi aŋ gbithanɛ hɛ ti, kȧmȧ a te wurɔ ŋa ka ȧŋseth agbanɛ:

Yɔn 12:42 ပူးပေါင်းရင်းမြစ်များ

Mathiu 10:32

Wuni o wuni ɔwe mǝ seri ta ȧta mi rodi ka aŋfǝm, minɛ sɔ i ti seri ta atɔŋ rodi ka ɔKas kȧmi ɔwe yi ro riyana.

Luk 12:8

I kanɛ nu sɔ, wuni o wuni ɔwe gbithanɛ mi rodi ka aŋfəm, kɔnɔ sɔ, ɔWan ka wuni ɔ tə gbithanɛ kɔ rodi ka aŋmȧleka ŋa Kuru,

Luk 23:13

Ka Paylet ɔ thoŋkla aŋfode abana, yi aŋgbəka, yi aŋfəm dɛr rɔkin,

Luk 6:22

Na aruba, ma afəm aŋ gbɛŋa nu, ɔwa maŋ gbaskinɛ nu, ɔwa aŋ sambos nu, aŋ wurɔ ames ma nu mɔ tȧy tələs salata ɔWan ka wuni.

Yɔn 11:45

Tiyȧŋ aŋYuda agbȧthi aŋa der ka Meri, maŋ nənk ȧte Yisɔsȧŋ ɔ yɔ-e, aŋ lanɛ kɔ.

Yɔn 12:11

pəkasifɛ salata kɔnɔ aŋYuda agbȧthi aŋ kɔnɛ, ɔwa aŋ lanɛ Yisɔs.

Yɔn 16:2

Aŋ tə bȧl nu ka ɛseth ɛgbanɛ: aŋko, ȧŋlɔkɔ aŋ tə der, ma wuni o wuni ɔwe mə dif nu, ɔ tə nanɛ kəpa ɔ yɔ mapanth ma Kuru.

Yɔn 19:38

Kədarəŋ ka mȧtȧy ame, Yosɛf-əŋ ɔwe ro Arimathia, ɔwe yi ukarande ka Yisɔs, kɛrɛ rə ɔmaŋknɛ, ta rənes ra aŋYuda, ɔ nɛmthɛnɛ Payletȧŋ kȧmȧ ɔ selɔ ɔ kera kabel ka Yisɔs; ɔwa Payletȧŋ ɔ malanɛ. Tiyȧŋ ɔ der, ɔ thora kabel kɔŋ.

Yɔn 3:2

Ɔwe ɔ der ka Yisɔs tȧtȧk, ɔ pa ro ŋɔŋ, Karmɔkɔ, sə tȧrȧ kəpa mə yi ukarmɔkɔ kəwur ka Kuru: ȧtesoma-e wuni o wuni ɔ gbəli hɛ yɔ ɛmisali ɛyɛ munɔ mə yɔ-e, thambe Kurɔŋ ɔ yi yi kɔn.

Yɔn 7:13

Kɛrɛ aŋfəm aŋ fɔf hɛ gbafəth ta atɔŋ ta rənes ra aŋYuda-e.

Yɔn 7:31

Agbathi kətɔŋ ka ȧruniya aŋ lanɛ kɔ, aŋ pa, Ma ɔKrayst ɔ der ɔ tə yɔ ɛmisali ɛgbathi ɛ thasi ɛyɛ ɔwuni ɔwe ɔ po yɔ-i?

Yɔn 9:22

Aŋ wosa yaŋ-e, pəkasifɛ aŋ nesa aŋYuda: kotȧy-e aŋYuda aŋ po lemranɛ kəpa, bepi wuni o wuni ɔ gbithanɛ kəpa Yisɔsȧŋ ɔ yi ɔKraist-e aŋ tə wurɔ kɔ ka ȧŋseth agbanɛ.

Yɔn 9:34

Aŋ pa ro ŋɔŋ, Munɔŋ gbeŋ a kom mu ka ɛhakɛ, ɔwa mə yema thəksa su-i? kaŋ wurɔ kɔ.

Mȧyɔs ma aŋsom 5:41

Tiyȧŋ aŋ wur rodi ka aŋSanhedrin, aŋ sel məbɔnɛ ta ma a lɔm ŋa abeki tə kəsɔthɔ məlap ta ȧŋes.

AŋRomans 10:10

Pəkasifɛ ka ȧŋmerȧ wuni mɔ lanɛ, kɔ sɔthɔ məlompi, yi ka kȧsəŋ mɔ gbithanɛ, kɔ sɔthɔ kəkisi.

1 Yɔn 4:15

Wuni o wuni ɔwe mə gbithanɛ kəpa Yisɔs ɔ yi ɔWan ka Kuru, Kuru ɔ tiyȧ ro ŋɔŋ, ɔwa kɔn ɔ tiyȧ ka Kuru.

1 Yɔn 4:2

Ka ȧte sə tȧrȧ ɔYina ka Kuru: ayina o yina aŋa mə gbithanɛ kəpa Yisɔs Krayst ɔ po der ka madɛr aŋ yi ka Kuru: