Yɔn 12:36 - Ȧŋlemrȧnɛ Ȧfu

³⁶ Ma nə ba ras ȧŋmothȧ-e, lanɛ nu ȧŋmothȧ kȧmȧ nə yi awuth ŋa ȧŋmothȧ. Ma Yisɔsȧŋ ɔ pa ȧte, ɔ kɔnɛ, ɔ maŋknɛ ŋa.

Yɔn 12:36 ပူးပေါင်းရင်းမြစ်များ

Mathiu 21:17

kɔ tey ŋa, ɔ wur ro pet ɔ kɔnɛ ro Bɛthani, kɔ yianɛ ri.

Mathiu 5:14

Naŋ nǝ yi ȧŋmothȧ ŋa ȧdȧru. Kȧpet ȧke yi ka kǝteŋ rokɔm-e kǝ gbǝli hɛ maŋknɛ.

Luk 16:8

Ka ɔmarki kɔŋ ɔ korikori ȧŋbɔy ŋɔŋ ukənə pəkasifɛ ɔ yɔ kətemp; kotȧy-e aŋwuth ŋa ȧdȧru aŋ yi atempi kətɔŋ ka ŋaŋ pəthasi aŋwuth ŋa ȧŋmothȧ.

Yɔn 1:7

Ɔwe ɔ der ta məseri, tə kəseri ta ȧŋmothȧ, kȧmȧ afəm bɛ aŋ lanɛ salata kagbaki kɔŋ.

Yɔn 11:54

Tiyȧŋ Yisɔsȧŋ ɔ kɔth hɛ sɔ gbafəth kətɔŋ ka aŋYuda; ɔ wur ri ɔ kɔnɛ ka ȧŋthɔf aŋa fatər ro wula, ka kȧpet ȧke a bont Ifrem, ɔ yirȧ ri yi aŋkarande ŋɔŋ.

Yɔn 12:37

Kɛrɛ hali ma ɔ po tɔri ŋa ɛmisali ɛgbathi, aŋ lanɛ hɛ kɔ:

Yɔn 12:46

I der mɔ amotha ka ȧdȧru, kȧmȧ wuni o wuni ɔwe mə lanɛ mi-e, ɔ ba hɛ tə kətia ka ȧŋsum.

Yɔn 3:21

Kɛrɛ ɔwe mə yɔ tȧteŋ ɔ der ka ȧŋmothȧ, kȧmȧ mȧyɔs mɔŋ mə tɔrinɛ kəpa, ɔ yɔ ma ka aŋfɔsɔ ŋa Kuru.

Yɔn 8:12

Ɔwa Yisɔsȧŋ ɔ kȧl fɔfȧnɛ aŋfəm, ɔ pa, Minɛ yi ȧŋmothȧ ŋa ȧdȧru; wuni ɔwe mə tȧŋ mi-e ɔ ba hɛ kəkɔth ka ȧŋsum, kɛrɛ ɔ tə ba ȧŋmothȧ ŋa aŋesəm.

Yɔn 8:59

kaŋ gbasi məsar tə kələməs kɔ: kɛrɛ Yisɔsȧŋ ɔ maŋknɛ, kɔ wur ka ȧŋseth ŋa Kuru, ɔ thas kətɔŋ ka ŋaŋ, ɔ kɔnɛ.

AŋƐfisɔs 5:8

kotȧy-e nə yi thəpaŋ ka asum, kɛrɛ ka-ake nə yi ɔwaŋ ka ɔMarki. Kɔth nu mɔ awuth ŋa ɔwaŋ;

1 AŋThɛsȧlonika 5:5

Naŋ bɛ nə yi aŋwuth ŋa ȧŋmothȧ dɛ yi aŋwuth ŋa rəyaŋ; sə yi hɛ ka rȧtȧtȧk, thalɔm ka ȧŋsum.

1 AŋThɛsȧlonika 5:8

Kɛrɛ saŋ, ma sə yi ka rəyaŋ, ta sə yi saŋ agbɛt, maŋ wɔŋ nu ɛfȧt ya aŋkəpəth ya kəlanɛ dɛ yi məbɔthər; ɔwa ta ɛsənder ɛ su-e, kəgbak ȧmerȧ ka kȧkisi.