Yɔn 12:31 - Ȧŋlemrȧnɛ Ȧfu

³¹ Ka-ake ka pə yi kathoŋkas ka ȧdȧru are; ka-ake a tə wurɔ ɔwe yi rȧbomp ka ȧdȧru are.

Yɔn 12:31 ပူးပေါင်းရင်းမြစ်များ

Mathiu 12:28

Kɛrɛ bepi i wurɔ akǝrǝfi ka aŋfɔsɔ ŋa ɔYina ka Kuru Mǝsaba-e, rȧbȧy ra Kuru rǝ derǝr nu.

Yɔn 14:30

I fɔfȧnɛ hɛ nu sɔ ɔgbȧthi: kotȧy-e rȧbomp ra ȧdȧru are ɔ der, kɛrɛ ɔ ba hɛ tȧy o tȧy ro mi.

Yɔn 3:19

Ɔwa matheri mi ame, kəpa amotha aŋ der ka ȧdȧru, kɛrɛ afəm aŋ bɔthər asum pəthasi amotha, ȧtesoma-e mȧyɔs maŋ mə yi mələs.

Yɔn 9:39

Yisɔsȧŋ ɔ pa, Ta kathoŋkas tə i der ka ȧdȧru are, kȧmȧ aŋfəm aŋa te nənk aŋ nənk; ɔwa kȧmȧ ŋaŋ aŋa nənk aŋ fitha.

Mȧyɔs ma aŋsom 26:18

tə kəkanthi ɛfɔr yaŋ kȧmȧ aŋ wur ka ȧŋsum, aŋ der ka kawalɛ, kȧmȧ aŋ wur ka aŋfɔsɔ ŋa Sethani kəkɔ ka Kuru, kȧmȧ aŋ sɔthɔ katerɔ ka ɛhakɛ yi kɛŋ kətɔŋ ka ŋaŋ aŋa a səməs rə kəlanɛ mi.

1 AŋKɔrenth 1:20

Reke ɔtempi ɔ yi-a? Reke ɔgbal ɔ yi-a? Ɔthonka ka ȧdȧru are kɔna? Kuru ɔ səki hɛ kȧtemp ka ȧdȧru are apəŋk-i?

1 AŋKɔrenth 1:21

Ma pə yi kətȧŋȧnɛ ka kȧtemp ka ȧdȧru-e adaru rə tɛ hɛ Kuru-e, rodarəŋ kati Kurɔŋ ka kȧtemp kɔŋ, ɔ thith tə kəkisis aŋa lanɛ ka ȧŋpənk ŋa kakawandi.

2 AŋKɔrenth 4:4

Ka ȧŋgbȧp a ŋaŋ ɔkuru ka ȧdȧru are ɔ po fithəs ɛmerȧ ya ante lanɛ kȧmȧ ɔwaŋ wa mapa məfinɔ ma aŋyiki ŋa Krayst ɔwe yi mȧbȧlȧnɛ ma Kurɔŋ ɔ te gbɛnthar ŋa.

AŋƐfisɔs 6:12

kotȧy-e katim kȧsu kə yi hɛ kəŋamnɛ mədɛr yi mətir, kɛrɛ kəŋamnɛ ŋatəbomp-e, təbay-e, aŋgbəka ŋa ȧŋsum ŋa ȧdȧru are-e, dɛ yi kəŋamnɛ ɛyina ɛləs ya aŋfena.

AŋKɔlɔsi 2:15

kɔ ləsər aŋfɔsɔ ŋa agbəka dɛ yi abȧy bɛ, ɔwa ɔ tɔri gbafəth kəpa ɔ po tham ŋa ka akənt kɔŋ kəpəŋkinɛ.

AŋHibru 2:14

Tiyȧŋ ma aŋwuth aŋ ba madɛr yi mȧtir ma rawuni kəpet-e, kɔn kɔnɔnɛ sɔ ɔ gbasi mayi mati kȧmȧ kətȧŋȧnɛ ka rȧfi ɔ gbəli ləsər kɔn ɔwe ba aŋfɔsɔ ŋa rəfi, kɔnɔ yi mɔ Sethani.

1 Yɔn 3:8

Ɔwe mə yɔ ahakɛ ɔ yi ka Sethani; kotȧy-e Sethani ɔ po yɔ ahakɛ kȧbi ka ɔtəpɛr. Ɔwa ta ȧte tə ɔWan ka Kuru ɔ der, kȧmȧ ɔ dim mapanth ma Sethani.

1 Yɔn 4:4

Naŋ nə yi ka Kuru, awuth a mi alɔl, ɔwa nə po tham ŋa: pəkasifɛ kɔn ɔwe yi ro nu ɔ yi ubana pəthasi kɔn ɔwe yi ka ȧdȧru.

1 Yɔn 5:19

Saŋ sə tȧrȧ kəpa sə yi ka Kuru, yi ȧdȧru bɛ rə yi ka aŋfɔsɔ ŋa Sethani.