Yɔn 11:42 - Ȧŋlemrȧnɛ Ȧfu

⁴² Ɔwa i tȧrȧ mə təlȧ mi lɔkɔ o lɔkɔ: kɛrɛ salata aŋfəm aŋa təmȧ təmȧ nɔ i pa ti, kȧmȧ aŋ lanɛ kəpa munɔ som mi.

Yɔn 11:42 ပူးပေါင်းရင်းမြစ်များ

Mathiu 26:53

Thalɔm mǝ nanɛ kǝpa i gbǝli hɛ nɛmthɛnɛ ɔKas kȧmi, ɔwa ɔ tǝ som mi ka-ake amȧleka athasi ɛsǝfȧ tɔfɔt yɛrǝŋ-i?

Yɔn 11:22

Kɛrɛ hali ka-ake, i tȧrȧ kəpa tȧy o tȧy ȧte mə yif Kuru-e, Kurɔŋ ɔ tə sɔŋ mu ti.

Yɔn 11:31

AŋYuda aŋa yi yi Merɛŋ ro seth aŋa bɛfəth kɔ-e, maŋ nənk ɔ yokanɛ lɛmp ɔ wur-e, aŋ tȧŋ kɔ, aŋ nanɛ kəpa ɔ kɔnɛ ka kȧboma tə kəbok ri.

Yɔn 11:43

Ma ɔ po pa ȧte, ɔ pa rə rim rəbana, Lasarɔs, wur!

Yɔn 12:11

pəkasifɛ salata kɔnɔ aŋYuda agbȧthi aŋ kɔnɛ, ɔwa aŋ lanɛ Yisɔs.

Yɔn 12:17

Tiyȧŋ ȧruniya ara yi yi kɔn ma ɔ tela Lasarɔs-əŋ tə kəwur ka kaboma-e, ɔwa ɔ kəlis kɔ kəwur ka rəfi, aŋ sɔŋ məseri.

Yɔn 17:21

kȧmȧ ŋaŋ bɛ aŋ ba ȧmerȧ ŋin; mɔ munɔŋ, Pa, mə yi rokor kȧmi, yi minɛŋ i yi rokor ka mu, kȧmȧ ŋaŋ sɔ aŋ yi rokor kȧsu: kȧmȧ ȧdȧru rə lanɛ kəpa munɔ som mi.

Yɔn 17:25

O, Pa ulompi, ȧdȧru rə tɛ hɛ mu, kɛrɛ i po tȧrȧ mu, ɔwa aŋe aŋ tȧrȧ kəpa munɔ som mi.

Yɔn 17:8

ȧtesoma-e, i po sɔŋ ŋa ȧsim ȧte mə po sɔŋ mi; ɔwa aŋ malanɛ ti, ɔwa aŋ tȧrȧ tȧteŋ kəpa i wur ro mu, ɔwa aŋ lanɛ kəpa munɔ som mi.

Yɔn 20:31

kɛrɛ a gbal ɛye, kȧmȧ nə lanɛ kəpa Yisɔsȧŋ ɔ yi ɔKrayst, ɔWan ka Kuru, ɔwa kȧmȧ bepi nə lanɛ-e, nə tə ba aŋesəm ka ȧŋes ŋɔŋ.

Yɔn 3:17

kotȧy-e Kuru ɔ som hɛ ɔWan kɔŋ ka ȧdȧru tə kəthoŋkas ȧdȧru, ɔ som kɔ tə kəkisis ȧdȧru.

Yɔn 8:16

Hali i thonkas wuni, mathoŋkas ma mi mə yi tȧteŋ; kotȧy-e i yi hɛ min son, kɛrɛ ɔKas ɔwe som mi ɔ yi yi minɛ.

Yɔn 8:29

Ɔwa ɔwe som mi ɔ yi yi minɛŋ: ɔKas ɔ tey hɛ mi min son; ȧtesoma-e i yɔ mȧtȧy ama mə bɔnɛs kɔ alɔkɔ bɛ.

Yɔn 8:42

Yisɔsȧŋ ɔ pa ro ŋaŋ, Bepi Kurɔŋ ɔ yi ɔKas ka nu-e, nə tə bɔthər mi: ȧtesoma-e, i wur kəwur ka Kuru; i der hɛ ka ȧŋmerȧ a mi gbeŋ, kɛrɛ kɔnɔ som mi.

AŋRomans 8:3

kotȧy-e ȧtȧ ȧŋthɔ aŋ te gbəli yɔ, maŋ yi ayay asabu ŋa madɛr-e, Kuru ɔ yɔ ti ma ɔ somra ɔWan kɔŋ ka mȧbȧlȧnɛ ma ȧŋdɛr ŋa wuni ka ahakɛ-e, tə kəyi sathka ta salata ahakɛ, kɔ ŋapas ahakɛ ka madɛr;

AŋKȧletia 4:4

kɛrɛ ma ɔlasər wa ȧŋlɔkɔ aŋ poŋ bek-e, Kuru ɔ som ɔWan kɔŋ ɔwe wuni bom ɔ kom-e, ɔwa a kȧl kom kɔ ka ȧŋthɔ ratha-e,

AŋHibru 5:7

Ɔwa Yisɔsȧŋ, ȧke ɔ yi nɔru-e, ɔ sel ɛrɔŋ dɛ yi ɔ wur mantər ma mɔ ramnɛ kəramnɛ yi kənɛmthɛnɛ kəsɔbɛ, ka kɔn ɔwe ba afɔsɔ tə kəkisis kɔ ka rəfi. Ɔwa a təl taramnɛ tɔŋ asabu ŋa ranes ara ɔ ba ka Kuru Məsaba.

AŋHibru 7:25

Tiyȧŋ ɔ gbəli kisis ŋaŋ fewu aŋa der ka Kuru kətȧŋȧnɛ ro ŋɔŋ ma ɔ yi ukəli thȧnkȧŋ tə kənɛmthɛnɛ ta ȧtȧ ŋaŋ.

1 Yɔn 4:14

Ɔwa saŋ sə po nənk ka sə seri ti kəpa ɔKas ɔ po somra ɔWan tə kəyi ɔKisis ka ȧdȧru.