Yɔn 11:4 - Ȧŋlemrȧnɛ Ȧfu

⁴ Ma Yisɔsȧŋ ɔ təl ti-e, ɔ pa, Ratu are rə yi hɛ ta kəfi, kɛrɛ ta aŋyiki ŋa Kuru kȧmȧ ɔWan ka Kuru ɔ sɔthɔ ayiki ta ti.

Yɔn 11:4 ပူးပေါင်းရင်းမြစ်များ

Yɔn 10:38

Kɛrɛ bepi i yɔ ma-e, hali nə lanɛ hɛ mi, lanɛ nu mȧyɔs: kȧmȧ nə tȧrȧ, ɔwa pə sɔk nu, kəpa ɔKas ɔ yi yi minɛŋ, ɔwa minɛŋ i yi yi ɔKas

Yɔn 11:40

Yisɔsȧŋ ɔ pa ro ŋɔŋ, I kanɛ hɛ mu naŋ kəpa, bepi mə lanɛ mə tə nənk aŋyiki ŋa Kuru-i?

Yɔn 12:28

Pa, yikis ȧŋes a mu. Ka rim rə wur ka ȧkȧriyana, rə pa, I pɔ yikis ŋi, ɔwa i ti kȧl sɔ yikis ŋi.

Yɔn 17:1

Ma Yisɔsȧŋ ɔ po fɔf mȧtȧy ame, ɔ lakthɛ ro riyana, ɔ pa, Pa, ȧŋlɔkɔ aŋ bek; yikis ɔWan ka mu, kȧmȧ ɔWan ka mu ɔ yikis mu:

Yɔn 17:10

ɔwa ŋaŋ bɛ aŋa minɛŋ i ba munɔ ba ŋa, yi aŋa munɔ mə ba minɛ ba ŋa: ɔwa i ba ayiki ro ŋaŋ.

Yɔn 17:5

Ka-ake, O Pa, yikis mi yi mun munɔnɛ yi aŋyiki aŋa i ba ro mu yeŋka ȧdȧru rə təpɛ.

Yɔn 2:11

Aŋe ŋa yi aŋtɔtɔkɔ ka ɛmisali ɛyɛ Yisɔs ɔ yɔ, ɔwa ɔ yɔ ŋi ro Kena ake ro Kalili, ɔ tɔri aŋyiki ŋɔŋ, ɔwa aŋkarande ŋɔŋ aŋ lanɛ kɔ.

Yɔn 5:23

kȧmȧ afəm bɛ aŋ yikis ɔWan mɔ mə aŋ yikis ɔKas. Kɔnɔ ɔwe mə te yikis ɔWan, ɔ yikis hɛ ɔKas ɔwe som kɔ.

Yɔn 8:54

Yisɔsȧŋ ɔ pa, Bepi i yikisnɛ-e, aŋyiki a mi aŋ yi kətiŋ; ɔKas kȧmi kɔnɔ mə yikis mi; ta ɔwe nə pa ɔ yi ɔKuru ka nu.

Yɔn 9:24

AŋFarisi aŋ kȧl tela ɔlaŋgba ɔwe la yi ufith, aŋ pa ro ŋɔŋ, Yikis Kuru: sə tȧrȧ kəpa ɔwuni ɔwe ɔ yi wuni ka ahakɛ.

Yɔn 9:3

Ka Yisɔsȧŋ ɔ pa ro ŋaŋ, Ɔwuni ɔwe ɔ yɔ hɛ ahakɛ, thalɔm aŋa kom kɔ: kɛrɛ a kom kɔ ufith kȧmȧ mȧyɔs ma Kuru mə tɔrinɛ ro ŋɔŋ.

AŋRomans 11:11

Tiyȧŋ i yif, Kȧpəth ka ŋaŋ kə tə yɔ ŋa aŋ dinɛ thaŋkaŋ-i? Saki ti. Kɛrɛ salata kabunɛ ka ŋaŋ kəkisi kə po bek ka tȧbona təlɔm, tə kəyɔ Isrɛl aŋ ba kətut.

AŋFilipai 1:11

Kama nə la yi mȧkomi ma mȧlompi ama der kətȧŋȧnɛ ka Yisɔs Krayst kəkɔ ka aŋyiki dɛ yi kathɔkəs ka Kuru Məsaba.

AŋFilipai 1:20

kətȧŋȧnɛ ka ȧŋmerȧ ȧpələnɛ dɛ yi kagbak ȧmerȧ kȧmi; kȧmȧ i te lap rə tȧy o tȧy, kɛrɛ rə kəmintha bɛ, Krayst ɔ tə sɔthɔ ayiki ka ȧŋdɛr a mi ka-ake, dɛ yi alɔkɔ bɛ, pə yi ka ŋesəm-o, thalɔm ka rəfi.

1 Pitar 1:21

Ro rɔŋɔŋ nə lanɛ Kuru Məsaba ɔwe yokas kɔ ka rȧfi, ɔwe sɔŋ kɔ yiki, soma kȧlanɛ yi kagbak ȧmerȧ ka nu kə gbəli yi ka ȧŋgbȧp ŋa Kuru.

1 Pitar 4:11

Bepi wuni o wuni ɔ kawandi-e, ta pə yi mɔ ɔ fɔf tȧteŋ ta Kuru; bepi wuni o wuni ɔ yɔna ulɔm-e, ta ɔ yɔ ti ka kagbəli ka Kuru, kȧmȧ Kuru ɔ sɔthɔ ayiki salata tȧy o tȧy kətaŋ ka Yisɔs Krayst ɔwe ba kəthɔkəs yi afɔsɔ haŋ thȧnkȧŋ thəbana, Amina.

1 Pitar 4:14

Bepi nə sɔthɔ məsambo salata ȧŋes ŋa Kraist-e, ta pə bɔnɛ nu; kotȧy-e ɔ Yina ka ayiki, pə yi mɔ-e, ɔ Yina ka Kuru, ɔ rensa nu; ka ȧŋgbȧp ŋaŋ a fɔf kɔ ɔləs, kɛrɛ ka ȧŋgbȧp a nu ɔ sɔthɔ ayiki.