Yɔn 11:25 - Ȧŋlemrȧnɛ Ȧfu

²⁵ Yisɔsȧŋ ɔ pa ro ŋɔŋ, Minɛ yi kȧyokanɛ, yi aŋesəm: kɔn ɔwe mə lanɛ mi, hali ɔ po fi, ɔ tə kȧl kəli:

Yɔn 11:25 ပူးပေါင်းရင်းမြစ်များ

Luk 23:43

kɔ pa ro ŋɔŋ, Tɛntɛnɛ i kanɛ mu, thonɔŋ mə tə yi yi minɛŋ ka ɔdɛr ɔthɔfəl wa Kuru.

Yɔn 1:4

Aŋesəm aŋ yi ro ŋɔŋ: ɔwa aŋesəm aŋ yi ȧŋmothȧ ŋa afəm.

Yɔn 14:19

Pə tiyȧ ras alɔkɔ agbut, ɔwa ȧdȧru rə nənk hɛ mi sɔ: kɛrɛ nia nə tə nənk mi: pəkasifɛ i kəli, nia nə tə kəli sɔ.

Yɔn 14:6

Yisɔsȧŋ ɔ pa ro ŋɔŋ, Minɛŋ yi aroŋ, yi tȧteŋ, yi aŋesəm: wuni o wuni ɔ gbəli hɛ der ka ɔKas thambe ɔ tȧŋ ka kȧta kȧmi.

Yɔn 3:16

Ȧtesoma-e ya Kurɔŋ ɔ bɔthər ȧdȧru, haŋ ɔ sɔnd ɔWan kɔŋ ɔ kom gbo son, kȧmȧ wuni o wuni ɔwe lanɛ kɔ ɔ te dinɛ, kɛrɛ ɔ sɔthɔ aŋesəm thəbana.

Yɔn 3:36

Kɔnɔ ɔwe mə lanɛ ka ɔWan ɔ ba aŋesəm thəbana: kɛrɛ wuni ɔwe mə te lanɛ ka ɔWan-e, ɔ ba hɛ kənəŋk aŋesəm; kɛrɛ rabaŋ ra Kuru rə rensa kɔ.

Yɔn 5:21

Mɔ mə ɔKas ɔ yokas aŋfi, dɛ ɔ kəlis ŋa-e, yaŋ sɔ ɔWan ɔ kəlis ɔwe ɔ yema.

Yɔn 5:26

kotȧy-e mɔ mə ɔKas ɔ ba aŋesəm ka kɔn kɔnɔnɛ, yaŋ sɔ ɔ po sɔŋ ɔWan kȧmȧ kɔnɔ sɔ ɔ ba aŋesəm ka kɔn kɔnɔnɛ;

Yɔn 6:35

Yisɔsȧŋ ɔ pa ro ŋaŋ, Minɛ yi kabo ka aŋesəm: ɔwe mə der ro mi dor rə ba hɛ kəwop kɔ thəbana: ɔwa ɔwe mə lanɛ mi rəmun rə bȧk hɛ kɔ sɔ.

Yɔn 6:44

Wuni o wuni ɔ gbəli hɛ der ro mi, thambe ɔKas ɔwe som mi ɔ liŋ kɔ; ɔwa minɛŋ i ti yokas kɔ ka ȧŋrey aləpsɔ.

Mȧyɔs ma aŋsom 3:15

Ka nə dif ɔTəpi wa aŋesəm, ɔwe Kuru ɔ po yokas kətɔŋ ka aŋfi, ta ȧtȧ sə yi məseri.

AŋRomans 4:17

(mɔ mȧgbal məsəm mə pa, I po səki mu ɔkas ka tȧbona təgbȧthi) rodi ka kɔn ɔwe ɔ lanɛ, pə yi mɔ Kuru Məsaba, ɔwe kəlis aŋfi, dɛ yi ɔwe tela ɛyɛt ɛyɛ te tha yi mɔ ɛ yi.

AŋRomans 8:2

Ȧtesoma-e ȧŋthɔ ŋa ɔYina məsəm ka aŋesəm rokor ka Yisɔs Krayst aŋ po səli mi kəwur ka ȧŋthɔ ŋa ahakɛ yi rȧfi.

1 AŋKɔrenth 15:18

Di kati ŋaŋ aŋa po fi ka Krayst aŋ poŋ thɔŋ dinɛ.

1 AŋKɔrenth 15:29

Bepi pə yi hɛ ti-e, to ŋa mə aŋ yɔ aŋa a po baftays salata aŋfi-e?

2 AŋKɔrenth 4:14

kȧbi sə tȧrȧ kəpa kɔn ɔwe yokas ɔMarki Yisɔs ka rəfi-e, ɔ tə yokas su sɔ kətȧŋȧnɛ ka Yisɔs, ɔwa ɔ tə kȧrȧ su yi naŋ ka kȧbəprȧnɛ kɔŋ.

AŋFilipai 1:23

kotȧy-e i yi rə akɛthanɛ, ma pə yi i ba afela abana tə kəkɔnɛ kȧmȧ i yi yi Kraystȧŋ ȧtesoma-e ŋə tə yi mi fisa finɔ.

AŋFilipai 3:10

Kaŋka gbo i gbəli tȧrȧ kɔ yi aŋfɔsɔ ŋa kakal yokanɛ kɔŋ ka rafi, tə kəyeranɛ ȧŋsɔmpanɛŋ ŋɔŋ, ɔwa sɔ-e, kȧmȧ i fi hali mɔ kɔnɔ ɔ fi.

1 AŋThɛsȧlonika 4:14

kotȧy-e bepi sə lanɛ kəpa Yisɔs ɔ fi, kɔ kȧl yokanɛ ka rafi-e, ya pə yi sɔ ŋaŋ aŋa fi ka Yisɔs-e, Kuru ɔ tə kȧl kȧrȧ ŋa dɛ yi kɔn.

Kȧŋȧibinɛ 1:18

Minɛ yi ɔKəli thȧbana; i po fi, kɛrɛ kəla i kȧl po ba aŋesəm haŋ thəbana, Amina. Minɛ i ba masapɔ ma ro kərəfi dɛ yi rȧfi.

Kȧŋȧibinɛ 20:5

Kayokanɛ ka aŋfi kətɔtɔkɔ ki ake. Kɛrɛ aŋfi alɔm aŋ yokanɛ hɛ haŋ təren awul ŋin tə poŋ.

Kȧŋȧibinɛ 21:4

Ɔwa Kuru ɔ tə nasi ȧmȧntər bɛ ka ɛfɔr yaŋ. Rəfi rə ba hɛ sɔ kəyi. Ɔwa ɔnɔsinɛ-o, kəbok-o, ta a pa ras ɔbaŋ-o, ɛ ba hɛ sɔ kəyi hali. Kotȧy-e mȧtȧy mətɔtɔkɔ mə po thas.

Kȧŋȧibinɛ 22:1

Kɔ tɔri mi kȧbȧŋ ka ȧmȧnt ma aŋesəm, mətempi yereŋ, mə wur ka kawaŋ ka rȧbȧy ra Kuru yi ka kaLɔmɛ kəfɛth;

Kȧŋȧibinɛ 22:17

ƆYina məsəm yi ɔbɛra ufath aŋ pa, Der. Ɔwa ta kɔn ɔwe təl ɔ pa, Der. Dɛ yi kɔn ɔwe ba rəmun-e, ta ɔ der. Wuni o wuni ɔwe selɔ, ta ɔ gbasi ȧmȧnt ma aŋesəm kəyaŋkaŋ.