Yɔn 10:38 - Ȧŋlemrȧnɛ Ȧfu

³⁸ Kɛrɛ bepi i yɔ ma-e, hali nə lanɛ hɛ mi, lanɛ nu mȧyɔs: kȧmȧ nə tȧrȧ, ɔwa pə sɔk nu, kəpa ɔKas ɔ yi yi minɛŋ, ɔwa minɛŋ i yi yi ɔKas

Yɔn 10:38 ပူးပေါင်းရင်းမြစ်များ

Yɔn 10:25

Yisɔsȧŋ ɔ lasia ŋa, ɔ pa, I po kanɛ nu, kɛrɛ nə lanɛ hɛ: mȧyɔs ama i yɔ ka ȧŋes ŋa ɔKas kȧmi, mȧ mə gbaki ta ȧtȧ mi.

Yɔn 10:30

Minɛŋ yi ɔKas sə yi ukin.

Yɔn 11:4

Ma Yisɔsȧŋ ɔ təl ti-e, ɔ pa, Ratu are rə yi hɛ ta kəfi, kɛrɛ ta aŋyiki ŋa Kuru kȧmȧ ɔWan ka Kuru ɔ sɔthɔ ayiki ta ti.

Yɔn 14:20

Ka ȧŋrey ŋati nə tə tȧrȧ kəpa i yi rokor ka ɔKas, ɔwa nia nə yi rokor kȧmi, ɔwa minɛŋ i yi rokor ka nu.

Yɔn 17:11

Ɔwa ka-ake i yi hɛ sɔ nɔru, kɛrɛ aŋe aŋ yi nɔru, ka minɛ i der ro mu. ƆKas usəm, bɛnɛ ŋa ka ȧŋes a mu, aŋa mə po sɔŋ mi, kȧmȧ aŋ ba ȧmerȧ ŋin mɔ mə saŋ sə ba.

Yɔn 3:2

Ɔwe ɔ der ka Yisɔs tȧtȧk, ɔ pa ro ŋɔŋ, Karmɔkɔ, sə tȧrȧ kəpa mə yi ukarmɔkɔ kəwur ka Kuru: ȧtesoma-e wuni o wuni ɔ gbəli hɛ yɔ ɛmisali ɛyɛ munɔ mə yɔ-e, thambe Kurɔŋ ɔ yi yi kɔn.

Yɔn 5:36

Kɛrɛ i ba agbaki aŋa yi abana pəthas, aŋgbaki ŋa Yɔn; kotȧy-e mapanth ama ɔKas ɔ sɔŋ mi kȧmȧ i pons ma, mapanth mati gbeŋ ama i yɔ, mə seri ta ȧtȧ mi, kəpa ɔKas ɔ po som mi.

Mȧyɔs ma aŋsom 2:22

Naŋ aŋfəm ŋa ro Isrɛl, təl nu ȧsim ȧte. Yisɔs ɔwe ro Nasarɛth, wuni ɔwe Kuru ɔ po lomi kətɔŋ ka nu rə məyɔs ma afɔsɔ yi mȧtȧy məkabanɛ yi ɛmisali ɛyɛ Kuru ɔ yɔ ka kȧta kɔŋ kətɔŋ ka nu, mɔ naŋ gbeŋ nə po tȧrȧ.

1 Yɔn 3:24

Ɔwe mə wop ɛyamari yɔŋ ɔ tiyȧ ka Kuru, yi Kuru ɔ tiyȧ ro ŋɔŋ. Ka ȧte sə tȧrȧ ɔ tiyȧ ro su, ka ɔYina ɔwe ɔ po sɔŋ su.